نزلوا لتحت..لقاو العائلة كاامل جالسة على طاولة الطعام..و يستناو فيهم و في يعقوب..لقاو السلام..و كل واحد مشى جلس في بلاصتوا..منبعد ما تولين باست باباها في خده و جلست حداه..شويا و نزل يعقوب جلس م ترأس طابلة..و حداه ليلى..و فالجهة اليمنى جهاد لي حداه زهرة و إلياس و أوليفر..و أون فاص معاهم..ليلى لي حداها إدريس و حداه ديبرا و تولين و جوليانا..باشروا فالأكل بالصمت..قليل وين يتبادلوا أطراف الحديث يعقوب مع إدريس و جهاد على الخدمة طبعا..أما لوخرين ياكلوا في صمت..حتى كملوا عشاهم و جلسوا فالصالون..يشربوا أتاي..من عاداتهم منبعد العشاء يجلسوا في جو عائلي على براد أتاي..ويتبادلوا أطراف الحديث..
#فالحي_الشعبي..
منبعد ما لعبوا الماتش مع الحومة الأخرى.. و بالطبع ربحوا هما..و ظلام الحال..جلسوا منشورين فالزنقة..يريحوا زعماا..حتى فهد خنزر في نور..
فهد..مخنزر: تڨعدي..سيري لداركم..ماماك تكون مقلقة عليك..
نور..شافت فيه بنظرات القطة..تحاول تستعطف فيه: خليني نزيد معاكم غير شويا..و نروح..
فهد..زاد خنزر فيها و نطق بحدة: قلت ليك..تڨعععدي..ظلام الحال و غدوة عندك قرايا..يلاااه..
أكرم..شاف في فهد و دور راسه شاف في نور..لي تبدلوا ملامحها و خنزرت في فهد..قبل م تهدر نقز هو..مطرطق عينيه في فهد: غير بشوية عليها أ صاحبي..أش فيها إذا زادت قعدت معانا شويا..
فهد..خنزر فيه و مسح على وجهه بيديه و تنهد: ظلام الحال..خاصها تكون في دارهم في هاذ الوقت..
نور..وقفت و نطقت بزعاف: غير خليه أ أكرم..يمكن مباغينيش نجلس معاكم..و شافت في فهد خنزرت فيه و تبسمت ليه إبتسامة صفرة: خليت ليك راحة..تصبحوا على خير..و استدارت رايحة لدارهم زعفانة..
إبراهيم..لي كان غير جالس و يشوف ساكت..مبغاش يهدر و لكن غير شافها كيفاش زعفت و راحت..نطق بزعاف: و الله م رجلة هاذي أ صاحبي..شوف كيفاش زعفتيها..
أكرم..مخسر سيفته في فهد: علاش هدرت معاها هكا..راك عارفها حساسة..واش بصح مبغيتيهاش تجلس معانا!!
فهد..شاف في أكرم بنص عين..بمعنى واش منيتك: كيفاش مبغيتهاش تجلس معاكم!! راه هدرت أنا من مصلاحتها..ليل هذا و هي برا مع رجال..و زيد غدوة تقرا و ماماها تكون مقلقة عليها..
إبراهيم: و لكن ماشي بهذيك طريقة يهدروا الناس..أ صاحبي..
فهد خنزر فيه: واش باغيين تعلموني كيفاش نهدر مع نووور!!..نوضوا تڨعدوا أ ز--بي..بركوا م الهدرة الخاوية..و هي عارفها متزعفش مني..غدوة نرانجيها..غير سكتونا..جا ينطق أكرم..حمر فيه سكت.. و ناضوا رايحين لدارهم بحكم ساكنين في دار وحدة..(منبعد و تعرفوا قصتهم)..
#عند نور..
رايحة و تنكر ف الطريق..معجبتهاش الطريقة كيفاش هدر معاها فهد..حتى وصلت لدارهم لقات ماماها..واقفة عند الباب و دايرة يدها على نصها..كانت تستنى فيها..نور قلبات عينيها بملل..نفس سيناريو كل يوم يتعاود..
حليمة مخنزرة فيها و دايرة يدها على نصها: مرحباا مرحباا..برويجل لي عندي..هذاا وين تفكرتي بلي عندك دار..
نور..تنهدت بتعب: راني عيانة ماما..واش متعيايش نتيا..كل يوم نفس الهدرة..
حليمة.. طرطقت فيها عينيها: و تزيدي تحلي في فمك..لا حشمة لا حياا..كاين شي بنت تدخل ف هاذ الوقت لدارهم..آآآه!!(بالغوات)..
نور..قلبات عينيها بملل و مهدرتش..دخلت مدرمة للدار..و لحقتها مها تعاير و تعاود..و هي طلعت لغرفتها مبغاتش تزيد معاها فالهدرة..ماعندهاش الخاطر للهدرة اليوم..نتشعت من فهد..غاضتها عمرها كيفاش مبغاهاش تجلس معاهم..منسرطتلهاش هاذ الفكرة..غاضها الحال و بزاااف..طلعت لغرفتها..خدات بيجامة و دخلت لدوش دوشت و بدلت..و رجعت لغرفتها ترقد..عيات ماماها تغوت عليها باش تتعشاا و مبغاتش..و غطت في نوم عميق..هاربة من العياا و التفكير..
#نرجعوا_للقصر..
كانوا جالسين كاامل العائلة..يتحدثوا في شتى المواضيع..حتى نطق يعقوب موجه كلامه ليهم..
يعقوب: ليوم حكيت مع أوكرون..
جهاد..عينيه لمعوا: و كيفاش راه!! و إيمتا يرجع!!
تولين..غير سمعت إسمه..قلبها دق بقوة..و ملامحها تبدلوا..و لي زاد كمل عليها هو سؤال عمها جهاد..من جهة عجبهاا السؤال و منتاضرة الجواب بفارغ الصبر..و من جهة معجبهاش..
يعقوب..حك حاجبه بتوتر و حنحن:أحم..راه بخير..و بالنسبة لوقت رجوعه..م عندي حتى معلومة..
إدريس.. باستغراب: واش مناويش يرجع!!
قبل م يجاوب يعقوب..نطقت زهرة و عينيها مغرغرين بالدموع: حتى أنا حكيت معاه..و مبغاش يقولي أيمتا يرجع..توحشته بزاااف..قلبي محروق علييه..
ديبرا..عزاات عليها..طبطبات على ظهرها..ك مواساة ليها..
ليلى..بقلق: عندااك م يكونش ناوي يرجع..أ يعقوب..
تولين غير سمعتها أش قالت..طلعت راسها بزربة شافت في جدها..تستنى فيه أش غادي يقول..
يعقوب.. بتوتر: لا..راح يرجع..متقلقوش خلوه على راحته..الوقت لي يبغي يرجع راه يرجع..
أوليفر..لي كان جالس حدا ليلى..عنقها جنب و باسها من راسها: متقلقيش أ ماني..أكييد إذا مرجعش ف الوقت الحالي عنده السبب..غير يكمل أشغاله الكل..راح يرجع..كونك هانية..
ليلى شافت فيه بحزن..و هزات راسها بآه ك موافقة على كلامه..و أوليفر تبسم ليها..
إلياس..شاف الجو تكهرب..بغا يفوجي عليهم شوية..نطق بمزاح: أكييد عجبوه روسيات..ها شعر الصفر..ها العين الزرقة..أحححح..غير هو لي يحصييلهاا..أش يجي يدير هناا..
الكل ضحك على كلامه..إلا تولين لي تبسمت إبتسامة صفرة..
يعقوب..بشبه إبتسامة: مبقيتش تحشم..
قبل م يكمل كلامه..نقزت جوليانا مطرطقة عينيها في إلياس..باغية تستفزه: إذا كنت راجل..كي يرجع قول هاذ الكلام قدامه..
إلياس..نفخ صدره بغرور: وي نقولها..و مالني نخاف منه!!..
جوليانا..طلعت حاجبها: أوكي..نهار لي يرجع نفكرك في كلامك..عقل عليهاا..
إلياس..تبدلوا ملامحه بخوف..و كلشي لاحظ ردة فعله..شي لي خلاهم يزيدوا يتفركعوا بضحك عليه..و هو وجهه ولا حمر..خنزر في جوليانا مراضيش على هدرتها..
يتبع...❤️❤️
أنت تقرأ
أسير طفلتي
Romanceأسير طفلتي🔥❤️ ✒️By:Farah✒️ ❌🙂ممنوع النقل بذون إذني 🙂❌ هو يقول: عندما رأيت عيناكِ..أول مرة أقسمت أنكي لي..منذ أن خلقتِ..شئتِ أم أبيتِ..فإنتي لي أنا..💪😌 هي تقول: قربِك نار..و بعدِك عذاب..فأنا لست إلا طفلة بريئة..لا أعرف معنى هذا الإ...
