حل المساء..
جوليانا هي لولة هابطة تجري فالدرج..بأبهى حلة تحلفي عليها أنها Princesse..لابسة غوب vert قصيرة و طالقة شعرها..و هابطة دردك فالدرج حتى وقفها أوليفر..
أوليفر: هاي هاي على البرهوشة طلعتي شي حاجة واااو..
جوليانا وقفت و رجعت شعرها من مور ظهرها و رفعت صبعها عليها: آخر مرة تڨولي البرهوشة..و ربعت يديها و نفخت..
أوليفر ضحك م عينيه: أوكي.. وين هابطة تجري هاكا..هممم
جوليانا طل على تحت و تشوف فالناس: بغيت نشوف واش كاين تحت..
أوليفر مدلها يده:أجي معايا نهبطوا مع بعض..
جوليانا ضربتله يده و زادت وحدها: راني نعرف نهبط وحدي مانيش برهوشة..و راحت تجري..و شعرها يلعب فالريح..
أوليفر ضحك و طلع يشوف ولد عمه..باش يحكي معاه..
أما عند أميرتنا..أجوا شوفوا واش دايرا في ماماها.. قال واش قال نلبس واش شرالي أوكرون و إلا يزعف عليا..
ديبرا: يهديك الله أ بنتي.. لبسي هذي تجيك هبااال..
تولين: نننن..نلبس هذي تاع أوكرون..
ديبرا نفخت و جرتها عندها: إيوا الله يعطينا الصبر..أجي نلبسك تاع أوكرون ديالك..لي كانت هذيك الغوب برانسيس فالغوز بيبي..
تولين صفقت بفرحة..و لبست و عدلت روحها رجعت أميرة تاع صح..
تولين: مح ماما جوطاميك..و باستها و خرجت تجري م الغرفة.. تحوس على جوليانا و إلياس.. و ديبرا تعيط عليها..و هي رايحة تجري فرحانة و تضحك و تلعب ب شعرها..حتى دخلت فالأب ديالها كانت راح طيح كون محكمهاش..
إدريس: أووو الأميرة ديالي..صفا م صرالك والو ؟؟
تولين شادة من راسها: صفا صفا..و بعدت يدها من راسها و حكمت لغوب تاعها و قعدت دور على راسها و شعرها يدور معاها و فرحانة: قولي پاپاتي كيف جيتك..هاااه
إدريس: الأميرة ديالي توجوغ تهبببل..و باسها من راسها: وينها ماماك؟؟
تولين هزت صبعها و شيرت على غرفتها: راهي في غرفتي..
إدريس: أوكي أميرتي.. غير قال هذوا زوج كلايم لقا غي ريح.. كانت هبطت دردك..ضحك عليها و زاد عند مرتوا حبيبتوا..
نزلت تجري و فرحااانة..و تضحك حتى تلاقات بجوليانا..
تولين وقفت قدام جوليانا: جولي..شوفي جيت زوينة يااكي..
جوليانا ميقت فيها: لواه عندك حبيب القلب غادي تشوفيه..
تولين دلات شنينفاتها و همست ليها: وااا باش نعجب أوكرون..
جوليانا وسعت عينيها: الكللللبة هادشي كاامل على جال هذاك الوحش..
أوليفر: و شكون هذا الوحش بسلامة..
تولين قعدت تفتف..و عطات الريح لرجليها..و جوليانا غوبشت: واش متعرفش شي حاجة إسمها خصوصية..
أوليفر تبسم بجنب: خصوصيات مينحكوش قدام الناس و فالحفلة و بصوت عالي آ زين.. و غمزها
جوليانا تزنكت و حشمت و مهدرتش..شي لي خلاه يقهقه على منظرها و داعبها فنيفها: جات عليك الحشمة.. و باسها من خدها و راح..
نروحوا عند هذيك الهبيلة لي ڨاع نهار و هي تجري و تنقز..حتى تلاقات بإلياس..
إلياس: وااا هذيك البشعة..مال حالتك هاك..
تولين قلبت عينيها: راه نتا لي باسل.. مالك مكتشوفش..ڨاع هذا زين و تقول بشعة..
إلياس تبسم بمكر: وين راه الزين.. مكنشوف والو.. قبل ميكمل هدرته شاف واحد البنت واقفة عند البوفي باغية تجبد الڨاطو..
إلياس: باي السنفورة.. و منبعد و نهدروا..
خلاها تنفخ و تفش بوحدها.. و هو راح يضحك..
أنت تقرأ
أسير طفلتي
Romanceأسير طفلتي🔥❤️ ✒️By:Farah✒️ ❌🙂ممنوع النقل بذون إذني 🙂❌ هو يقول: عندما رأيت عيناكِ..أول مرة أقسمت أنكي لي..منذ أن خلقتِ..شئتِ أم أبيتِ..فإنتي لي أنا..💪😌 هي تقول: قربِك نار..و بعدِك عذاب..فأنا لست إلا طفلة بريئة..لا أعرف معنى هذا الإ...
