هو لي كان اليد اليمنى للبوص سابقا..قبل ما يدخل معاهم أوكرون طبعااا..
نطق شخص آخر..من الأشخاص لي كانوا ف هاذيك القاعة..
ألبرت:أحم..صفقة لي تافقنا عليها..تمت بنجاح..نشكروك على مجهوداتك أ سي أوكرون..
أوكرون ببرود..و هو يعبر ب يديه: خدمتنا هاذي..و أنا عند كلمتي..
ألبرت.. بإبتسامة: و هذا المضمون فيك..
أوكرون..معطاهش أهمية..و نطق مغير الموضوع و بكل برودة قال: على هادشي معيطيلي..و دايرين إجتماع و مضيعيلي وقتي!!..
جاك..اليد اليمنى ل أوكرون..لي كان جالس فالجهة اليمنى ليه: أحم..بوص عندنا مشكل..السلعة موصلتش
أوكرون..دار عنده نصف دورة..و شاف فيه مخنزر..و قال بحدة حتى قفزهم:كيفاش عندكم مشكل..و سلعة موصلتش..
جاك..بتوتر: معرفناش كيفاش صراا..و لكن لقينا سلعة ناقصة..لهذا مقدرناش نرسلوها لهم و هي ناقصة..
أوكرون..ضرب الطابلة لي كان جالس فيها بقبضة يده..و وقف..حتى لي قفزوا كاامل و وقفوا معاه..و نطق مزير على سنانه..و شاف فيهم واحد واحد..بعيون ثاقبة..و رفع صبعه بتهديد واضح: عندكم سيمانة..سيمااانة..تعرفوا سلعة وين راحت..و شكون هذا لي تجرأ..و خذاا سلعة..و لا راكم عارفين واش يصراا..و خرج و خلاهم..واحد يشوف في واحد بخوف و رعب..
و هو خرج بخطوات سريعة..عصبوه..هو أصلا محاملش هاذ البلاصة..و لكن الغالب الله..فات فيه حط رجليه ف هاذ العالم..و من المستحيل يخرج منه بسهولة..
ركب في سيارته..و عفط عفطة وحدة خلا الغبار من وراه..طااح ظلام..و رجع للقصر تاعه..و نزل من سيارة..و دخل بمشية رجولية..و بجسمه الضخم الرياضي..خلاا لخدمات من وراه ساهيين فيه..و في كتلة الرجولة هاذي لي قدامهم..
طلع لغرفته..عياان و مسخسخ..غير دخل م لباب نصل حوايجه..بقا بالبوكسور و كمل طريقه لدوش..دخل تحت رشاشة..حط يديه على الحيط و الما ينزل عليه..و غمض عينيه و تنهد بعمق..كي جاات صورتها بين عينيه..ضرب الحيط بقبضة يده..و طفاا رشاشة..و لوا على نصه التحتاني فوطة..و خرج م الدوش..تاجه جيهة دريسينغ..لبس شورط بالأسود و خلا صدره م الفوق عريان..و خرج م دريسينغ و تاجه جيهة السرير..و رماا نفسه عليه و طفاا الضو و غط في نوم عميق..هاارب من التفكير..و العياا..
#عند تولين..
لي كانت جالسة عندها جوليانا..هبلتها بالهدرة..كل مرة تنقز لموضوع..كثيرة الكلام و الحركة..شي لي خلاها تتنهد بملل..
تولين: واش ميهديكش الله..و تروحي تريفيزي شويا و تخليني نريفيزي..
جوليانا..قلبت عينيها بملل: و نتي متعيايش من هاذ القرايا..عطي راحة لراسك أ حبيبة..
تولين..طلعت حاجبها:راني عاطية راحة لراسي..و مطلعة عامي..كيتك نتي لي حتى ل دقيقة تالية تبدي تجري و تبكي..و كمشت ملامحها تقلد فيهاا: هنننن..تولي حبيبة فهميني هاذي مفهمتش..هنننن أوليفر ولد عموا فهمني هاذي..هننن
جوليانا..وسعت عينيها بصدمة..و خنزرت فيها و ضربتها بمخدة لي كانت متكية عليها: يخخخ.. غير لي بغا يدير راسه في راسك نتي..و ناضت مقلقة زعما..و تولين ضحكت ضحيكة حلوة عليها..عارفتها متزعفش منها..منبعد و تراضيها..و كملت المراجعة تاعها..
جوليانا..خرجت من غرفة تولين رايحة لغرفتها..و هي ساهية و قاتلها لملل..حتى دخلت في حيط..
لا باغدون جسد فولاذي..أشبه بالحيط..قااسح..بهذيك الطولة و الفورمة لي خادمها بالسبور و الحديد..
حكت جبهتها..و طلعت راسها مخنزرة: شوف قدامك أ الزمر..
أوليفر..خنزر فيها: نتي لي شوفي قدامك..و عاوضي فمك..راه كاش نهار نهرسهلك..
جوليانا..طلعت حاجبها: و الله لا غاية..ضربني و بكى و سبقني و شتكى..راك نتا لي دخلت فيا..
أوليفر..بدا يتعصب: شكون لي كان ساهي أ لالة..و دخل فالآخر!!..
جوليانا..عارفة روحها هي لي دخلت فيه و لكن مبغاتش تستعرف و تعتذر:أحم..راه نتا...هيه راني نهدر معاك..
قبل متكمل هدرتها..تخطاها و راح لغرفته..بيسك إذا زاد معاها دقيقة يخسرلها لملامح تاع وجها..هو ديجا كان عيان و معصب شويا م الخدمة..و هي فيها الهدرة بزاف..و اليوم معندهش الخاطر لي يسمعلها و يدي و يجيب ف الهدرة معاها..
دخل لغرفته..عياان و مهدوود..قلع حوايجه و راح ديريكت لدوش يريح عظامه شويا..دوش خفيف و خرج لاوي على نصه التحتاني فوطة..و دخل لدريسينغ لبس سروال سيرفيت تاع دار..و بقا م لفوق عريان..و تلااح على سرير..حط يديه على عينيه و غمضهم..يريح راسه شويا..من تعب تاع الخدمة..ليوم نهار فوته فالإجتماعات..إجتماع من ورا إجتماع..تسخسخ بالبيان اليوم..عاد قال بسم الله و ناوي يرقد..حتى سمع دقديق فالباب..تأفأف و حيد يده لي كانت على وجهه..و قال..دخل..
طلت برويسها..بحال لببوشة مبتاسمة..
تولين.. بابتسامة: خويا..إيمتا جيت!!..و زادت حلت لباب و دخلت..و هو غير شافها بتاسم و ناض جلس و طبطب على سرير باش تجي تجلس حداه..زادت وساعت إبتسامتها..و تقدمت عنده جلست حداه و عنقاته جنب..
أوليفر..بشبه إبتسامة..و هو معنقها جنب راسها تحت دراعه..بحكم جسمها صغير مقارنة بجسمه..و قال: غير شوية هاك جيت..قرسها م نيفها: توحشتيني!!
تولين ضحكت..قالت ببرائة: آه بزااف..
أوليفر..بتاسم: يخليلي زين..لي يتوحش خوه..
تولين ضحكت ضحيكة حلوة: آمييين.. و يخليك ليا أ خويا..
أوليفر..بشبه إبتسامة: آميين..إيوا أش درتي اليوم..كيفاش فوتي نهارك..
تولين: مليح..راك عارف غير مع القرايا و الدار..
أوليفر..رفع حاجبه: آهااا..و كيراكي مع القرايا..هاذ الخطرة نبغيك تجيبي معدل شباب..
تولين.. بإبتسامة و خدودها حميميرين م الصهد: إن شاء الله أ خويا..
أوليفر..بتاسم و قرسها من خدها..حتى تفتح الباب و دخلت ديبرا مبتاسمة..
ديبرا و هي تشوف في وليداتها.. بابتسامة: عرفتكم بلي غادي تكونوا هنا..
أوليفر بشبه إبتسامة..فتحلها يده باش تجي من جيهة الأخرى:مرحباا الواليدة..
ضحكت و راحت عنقاته من جيهة الأخرى و باسته من كتفه بحب: يخليك ليا أ ولدي..و شافت في تولين لي طل عليها من تحت دراع أوليفر و هي مبتاسمة..زادت وساعت إبتسامتها و باستها من خدودها..و تولين غمضت عينيها و فتحتهم بابتسامة..
ديبرا وقفت: يلاه أ وليداتي ننزلوا نتعشاو..
أوليفر حرك راسه بأوكي..و وقف و وقف معاه تولين..و عنقها جنب و زاد عنق الأم تاعه و خرجوا نازلين لتحت..
يتبع....
أنت تقرأ
أسير طفلتي
Romanceأسير طفلتي🔥❤️ ✒️By:Farah✒️ ❌🙂ممنوع النقل بذون إذني 🙂❌ هو يقول: عندما رأيت عيناكِ..أول مرة أقسمت أنكي لي..منذ أن خلقتِ..شئتِ أم أبيتِ..فإنتي لي أنا..💪😌 هي تقول: قربِك نار..و بعدِك عذاب..فأنا لست إلا طفلة بريئة..لا أعرف معنى هذا الإ...
