கண்ணே கலைமானே

ரகசியமாகவே இருக்கட்டும்

கண்ணே கலைமானே part - 13

அறிவு : அப்பா இந்த online game PlayStation இதுல எல்லாம் விளையாடி போரடிக்குது பா புதுசா வித்தியாசமா ஏதாவது இருக்கா

அன்பு : புதுசுக்கு நான் எங்கடா போக.. நியூ வா எந்த கேம் வந்தாலும் உடனே உங்க தாத்தா பாட்டி வாங்கி கொடுத்துடுறாங்க எல்லாத்தையும் விளையாண்டு... முடிச்சுட்டு என்கிட்டே வந்து புதுசா எதாவது இருக்கான்னு கேட்குற

அறிவு : அப்பா கோச்சுக்காதப்பா.. சரி புதுசு வேணும் வேற ஏதாவது பழசு இருக்கா

அன்பு : பழசுக்கு நான் எங்கடா போவேன்

அறிவு : என்னப்பா.. எது கேட்டாலும் இல்ல இல்லைன்னு சொல்ற.. போப்பா நீ ரொம்ப மோசம்.. இதுவே தாத்தாவா இருந்தா நான் எது கேட்டாலும் உடனே எனக்கு வாங்கி கொடுத்து இருப்பாங்க..

அன்பு : அதுக்கு நான் என்னடா பண்ணுறது இருந்தா கொடுக்க மாட்டேனா

அறிவு : அப்பா நீ என்னப்பா வச்சு விளையாடின

அன்பு : நான்னெல்லாம் 90s kids da எனக்கெல்லாம் விளையாட அவ்ளோ பொருள் இருந்துச்சு

அறிவு : நிறைய இருந்துச்சா அதெல்லாம் எங்கப்பா

அன்பு : அதெல்லாம் இங்கதாண்டா எங்கேயாவது இருக்கும்... அம்மா பழசெல்லாம் தூக்கி போட கூடாதுன்னு சொல்லி எல்லாத்தையும் பத்திரமா எடுத்து வச்சிருப்பாங்க

அறிவு : அப்ப பாட்டி கிட்ட கேட்டா எனக்கு விளையாட பொருள் கிடைக்குமா.. அப்ப நா போய் பாட்டி கிட்ட கேட்கிறேன்

அன்பு : டேய் இருடா இருடா எங்க இவ்வளவு அவசரமா ஓடுற அம்மா இப்பதான் தல வலிக்குதுனு படுக்க போயிருக்காங்க.. அவங்களுக்கு போய் தொல்லை கொடுக்காதே..

அறிவு : அப்பறம் அந்த பொருள் எல்லாம் எப்படி எடுக்கிறது..

அன்பு : இருடா... இங்க தான் மேல எங்கயாவது இருக்கும்.. நானே எடுத்து தரேன்..

அன்பு அறிவு இருவரும் தங்கள் வீட்டின் பழைய பொருட்கள் அடிக்கி இருக்கும் இடத்தில் அன்பின் விளையாட்டு பொருட்கள் எங்கு இருக்கின்றன என்று தேடிக் கொண்டிருந்தனர்..