طالب جامعي:يقول لدينا دكتور بالجامعه يلبس ساعه بنات وكنا نضحك عليه حتى اكتشفتا انها ساعه ابنته المتوفيه...
(هناك قلوب تتالم ولا تتكلم)
في مستشفى سقطت باروكه فتاة فضحك الكل!!عليها وتشمتوا فيها وعندما ساعدها شاب قالت:وهي تبكي وترتجف ماذنبي اذا السرطان اخذ كل شعري (اخذروا وقاحتكم)!!!
طفل مستواه ضعيف في المدرسه..
ذهب لقبر امه وقال:تعالي معي المدرس يضربني امام الطلاب ويقول امك مهمله ولاتهتم بك؟
×كن حذرآ فبعض الكلام يقتل×.
# اجمل ماقرأت
.
.
.
كنت سأكون وقحه ياغيث لولا صديقك الذي جلس معك..احمدالله كثيرآ انني لم ارتكب ذنبي..ولكن شعور الذنب بات يلاحقني .ايضا حاولت ان استجمع عنك معلومات اي كيف اصبحت ضرير وكيف وصلت الى الجامعه وانت اعمى..
وانا لم يكن لدي اختلاط كثير بالطلاب ف دفعت مادلين للتحري..
فعلمت ان اسمك غيث..انت طالب في قسم اللغه الانكليزيه..تعرضت لحادث سياره قبل سنتين افقدك بصرك..هذا الاسبوع اول تأتي فيه الى الجامعه بعد الحادث..
انت كنت ستتخرج قبلي بسنتان لولا هذا الحادث..ولكن اظن ان القدر ارادني ان اهيم بعشقك يااسمري♡
بعد اسبوعان وبعد التخطيط كنت اذهب دائما الى قسمك واراك بعد المحاضره تجلس على المسطبه بالقرب من باب القاعه الدراسيه..
كنت احاول ان اتحجج كيف اتكلم معك ...لااعلم لماذا اصبحت هكذا اهو شعور الذنب اتجاهك ام غير شيء لااعلم..
فكرت واتخذت القرار بأن اكلمك ..
شهيق ....زفير ....هيا ضحى انطلقي..
كنت انت جالس تنظر للاسفل فاجئك صوتي فرفعت عينك لي اعلم انك لم تكن تنظر لي ولكن انا سرحت في بحر عيونك..فانت وان كنت لاترى ولكن تمتلك اجمل عينان بالوجود..
_مرحبا
_اهلا
_العفو اني اول مره ادخل لهذا القسم بس ممكن تدليني وين قاعات مرحله 2
_أأأ..لامااندل روحي سألي غيري
_شدعوه اتصور تكدر تكون الطف من هيجي ..بس يلا هو حظي وي الكل هيجي ضلت عليك
_اوكفي اني مكلت شي
_رجاءا اسفه ضوجتك ..بعد ماسأل احد ولااجي لهذا القسم
_اممم اوكغي بي انتي متدرين بيه اني شنو
_شبيك يعني كول مااريد ادليج بعد شنو شوفي واحد ثاني وكلبت شكلك
_اكولج شدعوه لسانج هالطوله..يعني عفتي الناس كلها واجيتيني هذا ماادري سوء حظي او حظج
_متكولي ع شنو سوء حظي ماادري حظج كول مااحب اساعد وخلاص
_اني اعمى ارتاحي
_واذا اتصور هذا قسمك وتندله مو حجه يعني
_اكولها اني ضرير الناس تقودني مو اني اقودهم
_خلاص لتدليني
_اهوو شبيج انتي محششه اكولها يمين تكولي شمال
_هفففف
_شوفي اموت من واحد يتهفهف كدامي
_وهسه شلون متدليني
_استغفرك ياربي اول مره اشوف وحده مثلج امري لله هسه ادليج
_شكرآ
_اي امشي كدامج وافتري بآخر الممر راح يجيج درج صعدي وهناك القاعات
_مااندل انت كوم دليني
_دخيل الله اول مره اشوف وحده مثلج شنو انتي من بشر ..بس شسوي شكلج ماناويه تفكيني يلا تعالي
وبالفعل ذهبت معه الى قسم المرحله الثانيه لم اكن اعرف احد فيها ولكن اتخذتها ذريعه للتكلم معه ولحسن حظي انهم كانو داخل المحاضره
اوصلني وقبل ان يذهب ناديته:
_العفو
_ها عندج شي بعد
_لا حابه اشكرك تعبتك اني ضحى
_العفو لاتعب ولاشي انتي هم عذريني اجيتي بوقت مو مناسب لذلك عصبت عليج ...اني غيث
_اهلا وسهلا بيك تشرفت
_الي الشرف طبعا
سكت كلانا ولكن انا من بادر بالحديث..
_امم سمعت هنا بالانكليزي اكو واحد يبيع لفات طيبه صدك
_اممم ماادري اني ماصار هواي من مداوم
_امم شعجب انت مو بالرابع
_اي صح بس جنت تارك سنتين ..يمعوده سالفه طويله لتدوخين
_لا بالعكس اني وحده ثرثاره اموت ع السوالف وثاني شي ترى صاحبتي بالمحاضره ومحد وياي ماعندي اصدقاء ..بس انت خاف ماعاجبك تحجي وياي
_لا بالعكس مبينه حبابه ولو لطشه انتي
_هههه غير جنت مضطره
_هسه انتي عفتي الناس كلها واجيتيني
_ماادري ماارتاحيتلهم انت ارتاحيتلك
_ليش
_ماادري ...اووو هسه مناوي تعزمني
_يلا تعالي نروح اعزمج
_يلا
نعم ياحبيبي انها المره الاولى التي اتخلى بها عن هويتي لاكون على مقربه منك..
فعندما اخبرتك بأنني ثرثاره كنت اكذب فأنا هادئه بطبعي..
وعندما طلبت منك ان تشتري لي سندويش كنت اكذب فانا لااستنظف اكل الجامعه بالرغم انهم نظيفين
بكل بساطه اخترعت لي شخصيه جديده لاحدثك..او ان هويتي وشخصيتي اكتشفتها بعد معرفتي بك..
اخذتني الى الكافتريا واشتريت لي الطعام ..بدأت تحدثني تندمج معي ..بقينا انا وانت الى الساعه ال1ونصف ضهرآ..
اخبرتك انني اخاف ان امشي وحدي الى بوابه الجامعه ف عرضت عليه ان توصلني اليها..
سرت معك كامل الطريق وكانت جميع الفتيات يحدقن بك بسبب وسامتك لايعلمون بمدى بؤسك..
وصلنا الى الباب اخبرتني بأي ساعه آتي صباحآ فاخبرتك الساعه ال8 قلت لي حسنآ..
اظن انك ارتحت لي لانني عندما احادثك لااشعرك بالشفقه ولااخاف ان اؤذي مشاعرك ...فكنت تشعر معي انك انسان طبيعي..
في صباح اليوم التالي رأيتك تجلس في بدايه بوابه الجامعه ابتسمت وسرت اليك..
_صباحو
_صباح النور ..
قمت بتميز صوتي ..انها بدايه مبشره على خير
_شدسوي هنا
_اتشمس
_هههههههه
_امم كلت انتضر وحده خاف هسه تكول عافني ودخل للكليه ..واني اخاف امشي وحدي
_هههه اييي صدك ياويلك اذا مامنتضرني جان فجرت قسم الانكليزي
_يمه تخوفين
_اي طبعآ
سرت معك طوال الطريق نتحدث ونثرثر مع بعض الا ان اوصلتني الى قسمي وذهبت الى قسمك..
كنت لااشعر بأنك اعمى..ارتاح معك كثيرآ..
هل تذكر ياعزيزي اول ايامنا عندما كنا انا وانت نعشق اوقات بدايه الدوام ونهايته لانه وقتنا الخاص..
بت اتعرف اليك اكثر واكثر حتى اصبحنا مقربين جدآ..سألتك اذا كان هناك امل في ان تشفى كنت يائس ولاتريد ان تفكر بالامر الا اانني سوف ادخل هذا الشيء في بالك...
الأن اصبحنا في شهر ديسمبر ..
اكتشفت انني بدأت احبك ...لااعلم شعورك اتجاهي..
ولكن ياغيث بدأت انت تنسحب عني شيء فشيئا لااعلم السبب..حاولت ان اتكلم معك..
_هلا غيوث وش اخبارك
_هلا
_شبيك عيني
_مابيه
_اوو يلا امشي نطلع لان ضايجه ومادلين تعرف مأجله هذا الكورس يعني ماعندي غيرك
_روحي شوفي اي واحد ثاني يطلع وياج
_اووو يلا عاد لاتدلع
_احترمي نفسج وعدلي الفاظج
_ها شبيك خوماكو شي
_اي كافي هاي الشفقه ست ضحى
_اي شفقه شبيك غيث انت صديقي والبيست بعد
_الله يعني صدكت انتي اصلا شفقانه عليه وتردين تكسبين ثواب
_شهالحجي غيث ...ليش اشفق عليك
_يعني ماتدرين ... اني اعمى اعمى اعمى اعمى
_صوتك نصيه اول شي وثاني شي..
_مااريد اسمع ثاني شي رجاءا بعد لضوجيني وتحسسيني اني انسان عاجز
_ها يعني وجودي وياك يضوجك اوك اني حروح..بس اريد اكولك من اول معرفتك لحد الان جنت اشوفك مثال للشاب القوي بس هسه ثبتتلي انا واحد عاجز بتفكيرك هذا المتخلف الي تحسب الاهتمام شفقه خلاص اذا صداقتي وياك او شنو ماتريد تسميها شفقه ف اني اروح احسن ..مع السلامه
ذهبت عنك والدموع تغرق عيني ..لااعلم سبب تحولك هذا لااعلم لماذا اصبحت قاسي هكذا..اشعر بالالم لانك لم تعرني اهتمام عندما ذهبت عنك..لماذا ياغيث..
امضيت يومان في المنزل بحجه انني مريضه..
لم تتصل بي انت ولا تسأل عني..ولكن اتصل بي اخاك الذي يصغرك بثلاث اعوام..
_الو مرحبا منو ضحى
_تفضل اخي
_اني محمد اخو غيث
_اهلا وسهلا ...خير خوماكو شي خاف غيث بي شي الله عليك
_لا غيث مابي شي ..اصلا هو ميدري اني اتصلت بيج بس كلت لازم اخابرج واكولج ع حالته ترى غيث كلش تعبان نفسيا
_شأسويله يامحمد هو طردني من حياته
_لااا بالعكس هو راد يدخلج لحياته بغير صفه بس اكو ناس دمرو اماله
_شلون يعني
_هوجان ناوي يطلب ايدج للزواج براس السنه بس اصدقائه كلوله انت من كل عقلك ترضى بيك ترى هي مجرد شفقانه عليك ماتحس اي شي اتجاهك ف لاتفشل نفسك وياها كللوله اعقلها عدل ووحده حلوة ومناقصها شي ليش ترتبط بواحد مثثلك
_صدددك عود الله ليوفقهم محمد والله اني موهيجي ولو طالب ايدي جان وافقت بي رأسا لان مالاكي مثله ..شوف هو حتى ماراد يدخل بعلاقه حب راسا رادني حلاله
_ايي متعرفين شكد تغير اخويه ورى ماتعرف عليج ..وهسه شوفي كاعد بغرفته وماله خلك الدنيا حبابه عذري
_ايي حقه جنت اكول ليش هيجي سوه بس هسه فهمت
_اني ازعجتك بس حروح لان هو اجه بس مااريد يدري اني مخابرج
_لااا ابد مااكوله وعد..ومشكور لان نقذت حياتنا
انتهت المكالمه ..ولكن في نهايتها بدايه صفحه جديده في حياتنا انا وانت بعد ان علمت انك تبادلني الشعور حاولت ان افكر بخطه تقربني منك..
.
.
.
.
فلان وفلانه صدك مايستحون..
عيونهم تنكط عشك من يلتقون..
اي ..صدك مايستحون..
باجر نشمر حجي لمن يجون..
هاااا عشكتووا؟؟..هاا عشكتووا؟؟
اي عشكنه الله حبنه وراد يجمعنه سوه بس مافضحنه..
افيش.جم موته لمن شفتونه متوا واحنه مدري شكثر عشنه..
امداكم ماعشكتوا ياخررس
انتو منتضرين يفضحنه عشكنه..
واحنه ناطرنه عرس.
.
.
.
.
نعم ياغيث من هنا ايقنت انك لابد ان تكون رفيق دربي ووالد اطفالي اريد ان يحملو اسمك واسمي لااريد غيرك..
فانا كنت عمياء عن الحياه وليس انت..
انت من امسكني بيده وقادني نحو السعاده..
انا لااريد غيرك..
انا نصف اريد ان اكتمل بك ..
فعندك اشياء لاتوجد بغيرك..
.
.
.
في اليوم التالي..
ذهبت الى البوابه رأيتك تجلس في نفس المكان..
تقربت منك ..وسكتت..
_وينج خبله ليش صار يومين ماكو ماتحسين اكو شخص منتضرج اني بسببج صار يومين تفوتني اول محاضره
صمتت ولم اتكلم ..ايعقل كيف عرفتني وانت غير مبصر اعرفتني من خطواتي ام من رائحتي ام غير ذلك ام رآني قلبك ف عرفتني
_شنو نضل هيجي ساكتين احجي عاد
_شأحجي خاف تكول شفقانه
_اسف
_عادي اني اسفه اذا خليتك تشعر بدون قصد بهذا الشي..
_لااا انتي مامنج عيب بس اني جنت مضايق وطلعت حركتي بيج ..استحملني مو صديقتي انتي
_ترى كافي نجذب ونكول اصدقاء اني احبك وانت شنو ؟صح هسه متفاجأ مني ومن جرآئتي بس لازم اتحرك حتى لاافقدك ولاتفقدني
وقفت انت مذهول من كلامي ..
_ليش ساكت تضل هيجي
_فاجئتيني ليش تحبين واحد مثلي
_ليش شبيك انت شنو ناقصك
_ع منو نضحك اني عندي عيب واهم عيب بالشخص فاقد نضري
_هاي انت كلتلها فاقد نضرك بس مرات الشخص من يفقد شي يلكيه وانت يجوز يرجع نضرك وحتى وان مارجع اني اريد ابقى وياك يااخي احبك افهم عاد
_خلاص انسي الموضوع
_اوك اني رايحه
_تعالي
لم اسمعك هذه المره الثانيه التي خذلتني بها..لم اشعر سوى ان يدك امتدت نحو كتفي وادرتني نحوك وقمت باحتضاني..ولحسن حظنا ان الجامعه كانت شبه فارغه لان الجميع في محاضراتهم
اه ياحبيبي كنت اول مره اشعر بأنني مذهوله وانت مرتميه في احضانك كنت تضمني كطفله صغيره...كنت اشعر بانفاسك تتخلل بويصلات شعري حيث كنت اشعر بالحراره..
وضعت يدي خلف ضهرك وقمت بالتمسك بك اكثر واكثر بالرغم من ان يداي صغيرتان بالنسبه لك..
كان هذا اجمل عناق كنت سأحصل عليه منك..
رفعت ذقتي بيدك وقلت:
شوفي اني احبببببج والله احبببج
_حبيبي اني هم والله
_والله اريدج تكونين ام بيتي
_اييي
_حتى لو ماشايفج بس كلبي شايفج..واصلا انتي تخبلين
_اييي طبعا حلوة تكدر تكول غير هالشي
_ايييي
_غيث اطلب ايدي للزواج اريد تكون ابو بيتي
_بس شلون
_اركع ع رجليك وكول تزوجيني واني اتفاجآ
_خبله انتي هههه ياريت هيجي
_ايي لعد شنو احبك وتحبني
_والناس واهلج شأكوللهم
_كوللهم اريدها بالحلال
_ايي بس ينطوج
_معليك بيهم اني اريدك واحجي وي اهلي
_انصحك لتفشلين نفسج
_ماعليك خبل
_احبج خبله
_اموت عليك مخبل
كان هذا اليوم اسعد يوم في حياتنا انا وهو...
.
.
.
نعسسست شوفو الساعه 3 واني اكتب طلعت القصه طويله مو زغيره بس باجر بحيل الله اخلصها...
بااي
