𝑫𝑬𝑽𝑰𝑳𝑺 [ Complete ]

Devils-1

ညသန်းခေါင်ယံအချိန် လူခြေတိတ်ချိန်မှာ ပေကျင်းနဲ့ ရှန်ဟိုင်းရဲ့ အဝေးပြေးလမ်းမပေါ် အရှိန်နဲ့ပြေးနေတဲ့ မဲနက်ပြီးပြောင်နေတဲ့ Mercedes Benz-G Class ကားအနက်ရောင်ခြောက်စီး။ရှေ့ကနှစ်စီးမှာ လမ်းပြကားတွေဖြစ်ပြီး အနက်ရောင်ဝတ်စုံအပြည့်နဲ့လူခြောက်ယောက်စီက ကားတစ်စီးတွင်အသီးသီးပါဝင်သည်။နောက်ကားသုံးစီးမှာလည်း အလယ်ကားလေးအားလိုက်ပါ‌စောင့်ရှောက်ရန်ကပ်ပါလာကြပြီး သုံးစီးမြောက်အလယ်ကားလေးကတော့ ရှေ့ကကားအမျိုးစားတွေနဲ့မတူခွဲထွက်စွာ Mercedes S-class luxury အမျိုးစားဖြစ်သည်။

ထိုကားထဲတွင်တော့ ကားမောင်းသူတစ်ဦးရယ်ဘေးခုံမှာထိုင်နေတဲ့ အနီးကပ်Bodyguard တစ်ဦးရယ်သာပါပြီး အနောက်ခန်းမှာတော့ မျက်လုံးတွေမှိတ်ကာ ကားနောက်မှီဆိုဖာကိုမှီကာပါလာတဲ့ သူတို့ Devil gangရဲ့ God လို့တင်စားရတဲ့ xiao (ခေါ်) Sean ။

အမှောင်လောကမှာတော့ Devil လို့တင်စားရတဲ့ xiao ကို seanလို့သာလူသိများသည်။Sean အမည်နာမအစစ်ကိုမည်သူမှမသိကြသလို သိတဲ့သူတွေကလည်း နှုတ်မှထုတ်ဖော်မခေါ်ရဲကြပေ။သူ့နာမည်ထုတ်ခေါ်လာတဲ့ မည်သူ့ကိုမဆို လူမဆန်စွာရက်စက်စွာသတ်ပစ်တဲ့ seanက နတ်ဆိုးတစ်ကောင်အလား။

အသက်နှစ်ဆယ့်တစ်နှစ်အရွယ် Seanက အရပ်ရှည်ရှည်ပိန်ပိန်ပါးပါးသွယ်သွယ်လေးဖြစ်ကာ အလွန်အေးစက်တတ်သူဖြစ်သည်။ကြည့်ကောင်းတဲ့မေးရိုးတွေနဲ့ နှာခေါင်းချွန်ချွန်ကလေး။လှပတဲ့မျက်လုံးကြည်ကြည်တောက်တောက်ကလေးနဲ့ မျက်လုံးသွယ်သွယ်ကလေးတွေ။အောက်ကမျက်ရစ်ကလေးကအစ လှပပြီးသားမျက်လုံးလေးကို ပေါ်လွင်နေစေသလိုမျိုး။ဒါ့အပြင် နက်မှောင်ပြီး စိမ်းဖန့်နေတဲ့ မျက်ခုံးမွှေးတန်းတန်းကလေးတွေ။မကျဉ်းမကျယ်နှဖူးလေးနှင့် ဘေးခွဲထားတဲ့ နက်မှောင်နေတဲ့ဆံပင်တွေ။

ဆံပင်လေးတွေက အကုန်လှန်တင်ထားသည်မဟုတ်တာကြောင့် ရှေ့ကိုအနည်းငယ်ဖြာကျနေသည်မှာ မျက်နှာပေါက်သွယ်သွယ်ကလေးနှင့်အလွန်လိုက်ဖက်စရာ။အကုန်ကြည့်လိုက်ရင် ဘယ်နေရာမှအပြစ်ပြောစရာမရှိအောင် လှပသည်။သို့ပေမယ့် အလှပဆုံးနေရာတစ်နေရာဖြစ်တဲ့ နှုတ်ခမ်းပါးလေးကတော့ လူသတ်လက်နက်တွေတပ်ဆင်ထားသလို ကြောက်ဖို့ကောင်းသည်။ရက်စက်သည်။