✧Part(6)✧
သီသီနဲ့အမျိုးတွေ အောက်ထပ်မှာ စကားပြောနေကြစဉ်မှာ ခွန်းရောက်လာတာဖြစ်သည်။
ခွန်းကိုပါ စကားခေါ်ပြောကြရင်းမှ ရုတ်တရက် ဝမ်းကွဲအဒေါ်တစ်ယောက်က ခွန်းလက်နဲ့သီသီ့လက်ကို တွဲပေးလိုက်သည်။
"ကြည့် ဒီနှစ်ယောက်ကမှ လိုက်ဖက်တာ...ထက်ထက်သာ ဝင်မဖျက်ရင် သူတို့က အလိုက်ဖက်ဆုံး စုံတွဲတွေပဲ "
"ဟုတ်တယ် "
အားလုံးကလည်းထောက်ခံကြသည်။
"ဒါက ဘာလုပ်နေကြတာလဲ "
ခွန်းဘာဖြေရှင်းချက်မှမပေးရသေးခင် ထက်ထက်အသံကြောင့် သူတို့အားလုံးရဲ့အကြည့်က ထက်ထက်ဆီကိုဦးတည်သွား၏။ သူတို့မျက်နှာမှာ အားနာရိပ်စိုးစိမျှမရှိပါ။
"ထက်ထက် "
ခွန်းလက်ကိုရုတ်သိမ်းလိုက်တော့ သီသီလည်းသိမ်းသွားသည်။
"ဒေါ်ဒေါ်တို့ကစနေကြတာပါ ထက်ထက်...စိတ်မဆိုးပါနဲ့ "
သီသီက အရင်ဆုံးကြားဝင်ပြောသည်။
"စိတ်မဆိုးပါဘူး...ဒါပေမဲ့ ထက်ထက်ရှေ့မှာတော့ အရှက်ရှိသင့်တယ်နော် ဒေါ်ဒေါ်တို့...အိမ်ထောင်ရှိယောက်ျားကို တခြားမိန်းမလည်းမဟုတ် စေ့စပ်တဲ့သူနဲ့ပေးစားနေကြတာ မိန်းမကောင်းတို့လုပ်ရပ်မဟုတ်ဘူး "
"ဘာ!.."
"အိုး ထက်ထက် ဒီလိုမပြောပါနဲ့...သီသီက စနေတယ်ထင်လို့ငြိမ်နေမိတာ "
သီသီက မျက်နှာကြီးနီပြီး ပြာပြာသလဲဝင်ရှင်းပြရှာသည်။
"တစ်ကယ်ဆို ဒါက ညည်းကြောင့်ပဲ မဟုတ်လား...ငါတို့ပြောတာ မှားနေလို့လား...တစ်ကယ်ဆို သီသီနဲ့ခွန်းကမှ တစ်ကယ့်စုံတွဲစစ်စစ်...အရှက်မရှိတာဆို ညည်းပဲဖြစ်မှာ"
အဖေ့ဘက်ကအမျိုးဆိုသည့်အတိုင်း အဖေမရှိကတည်းက ဒီအမျိုးတွေက ထက်ထက်အပေါ်မကြည်ဖြူကြတော့ပေ။
"ရှင် လွန်မလာနဲ့နော်...ခွန်းနဲ့သီသီက ချစ်လို့မဟုတ်ဘဲ ပေးစားကြတာ ဘယ်သူတွေရဲ့လက်ချက်မို့လဲ "
ထက်ထက်ကလည်း တစ်ခွန်းမခံပြန်ပက်သည်။ သူတို့သာ Shin Groupကိုပါ မမက်ရင် သီသီနဲ့ခွန်းဆိုတာ လက်ထပ်ဖို့အဝေးကြီး။ ဒါဆို ထက်ထက်လည်း ဒီလိုယုတ်မာတဲ့လုပ်ရပ်မျိုး လုပ်ရမှာမဟုတ်။
YOU ARE READING
အချစ်...ဦး/အခ်စ္...ဦး
RomanceBoth Unicode & Zawgyi ရှင်ခွန်း + ခိုင်မြဲသထက် ထက်ထက်က အစပိုင်းမှာ ဗီလိန်သဘောမျိုးပါ... အချစ်နဲ့ပတ်သတ်ရင် လုပ်ချင်ရာလုပ်တတ်တဲ့စတိုင်မျိုးပေမဲ့ ခွန်းကိုတော့ တစ်ကယ်ချစ်သည်။ ရွင္ခြန္း + ခိုင္ၿမဲသထက္ ထက္ထက္က အစပိုင္းမွာ ဗီလိန္သေဘာမ်ိဳးပါ... အခ်စ္နဲ႔ပတ္သ...
