✧ အချစ်...ဦး ✧
✧Part(10)✧
"ဟာ..."
သွားပြီ။ ည(၈)နာရီအချိန် ထက်ထက်ရေချိုးခန်းထဲဝင်ကာ သန့်ရှင်းရေးလုပ်ရသည်။ ဘောင်းဘီတစ်ခုလုံးလည်းပေပွလို့။ ထက်ထက်ကဒီလိုပဲ။ သွေးထွက်ရင်လည်း တော်ရုံနဲ့မတိတ်တတ်။
သန့်ရှင်းပြီး ပြန်ထချိန်မှာ ခေါင်းက မိုက်ခနဲ...
ဘေစင်ကို လှမ်းကိုင်လိုက်ပေမဲ့ မမိလိုက်။ လဲကျသည့်အကျိုးကျေးဇူးအနေနဲ့ ထက်ထက်ခေါင်းနဲ့နံရံနဲ့စောင့်မိပြီး လူကမူးဝေသွားကာ ပြန်မထနိုင်တော့။
"ထက်ထက်..."
ခွန်းရဲ့ခေါ်သံကိုနောက်ဆုံးကြားလိုက်ရတာဖြစ်သည်။
ထက်ထက်နိုးလာတော့ အိပ်ယာပေါ်ပြန်ရောက်နေပြီဖြစ်သည်။ ဘေးမှာ ခွန်းနဲ့အတူ ညနေက ဦးလင်းရိပ်ပါရှိနေ၏။
"သတိရလာပြီလား ညီမလေး "
"ထက်ထက်ကလေးအထူးကုနဲ့မကုချင်ပါဘူးဆို"
စူပုတ်ပုတ်ပြောကာ ထထိုင်သည်။
"ကလေးအထူးကုပေမဲ့ အားလုံးတတ်တယ်...သူက အထွေထွေကိုတော်ပြီးသား "
ထက်ထက်က ခွန်းပြောတာကို မသိသလိုနဲ့ မျက်နှာလွှဲသည်။
"ညီမလေး သွေးအားအရမ်းနည်းနေတယ် အသားအရေက ဖြူဖျော့နေတာပဲ အစ်ကိုပေးတဲ့ဆေးကို သောက်ပေးနော် "
မထွက်သွားခင် သေချာမှာသွားသည်။ ထက်ထက်ကတော့ ဘာမှမပြောဘဲ ခပ်တည်တည်သာ။
ခဏကြာတော့ ခွန်းက ဆန်ပြုတ်ပန်းကန်နဲ့အတူ အထဲဝင်လာသည်။
"အစာစား..."
"အင်း "
လင်းရိပ်ရှိလို့သာစကားအကောင်းမပြောတာ။ ဘယ်သူမှမရှိရင် ခွန်းပြောသမျှဆို နာခံသည်။
"ဒါပြီးဆေးသောက်ရမယ် "
"အင်း "
ခွန်းကျွေးသမျှကိုစားကာ ဆေးလည်းသောက်သည်။ ထက်ထက်ဆိုတာ အဲ့လို။ လိမ္မာရင်လည်းနှစ်ယောက်မရှိအောင် လိမ္မာသည်။ ဆိုးရင်လည်း ဘယ်သူနဲ့မှကို မတူတာ။
"အိပ်လို့အဆင်ပြေလား "
"ခွန်းချော့သိပ် "
YOU ARE READING
အချစ်...ဦး/အခ်စ္...ဦး
RomanceBoth Unicode & Zawgyi ရှင်ခွန်း + ခိုင်မြဲသထက် ထက်ထက်က အစပိုင်းမှာ ဗီလိန်သဘောမျိုးပါ... အချစ်နဲ့ပတ်သတ်ရင် လုပ်ချင်ရာလုပ်တတ်တဲ့စတိုင်မျိုးပေမဲ့ ခွန်းကိုတော့ တစ်ကယ်ချစ်သည်။ ရွင္ခြန္း + ခိုင္ၿမဲသထက္ ထက္ထက္က အစပိုင္းမွာ ဗီလိန္သေဘာမ်ိဳးပါ... အခ်စ္နဲ႔ပတ္သ...