✧ အချစ်...ဦး ✧
✧Part(27)✧
"ထက်ထက် "
သုံးလေးရက်အကြာမှာ နှောင်းနဲ့လျှံရောက်လာသည်။ မျက်နှာမကောင်းကြပေမဲ့ အပြုံးနဲ့ဖုံးကွယ်ကာရောက်လာ၏။
"ဘာလာလုပ်တာလဲ "
ထက်ထက်လေသံကမာ၏။ သူ့ကိုလူနာလိုဂရုစိုက်မှာကိုမလိုလား၍ဖြစ်သည်။
"ဆေးရုံတက်နေရတယ်ဆိုလို့ လာတာ...
အခန်းက အကောင်းစားပဲနော် အိမ်အတိုင်းပဲ"
သူငယ်ချင်းတွေကလည်းသိ၏။ ဒါကြောင့်ပဲ ပြုံးပြုံးကြီးနဲ့ရောက်ချလာကြတာမဟုတ်လား။
"နင်တို့ပါတက်ချင်သွားပြီမလား..."
ထက်ထက်မှရယ်ကာ မေးလျှင်...
"တက်ရမလား..."
နှောင်းမှ သူမနားထိုင်ကာ ပုခုံးချင်းတိုက်ရင်းမေး၏။
"ပေါက်ကရတွေ နင်တို့က ဘာလို့ဆေးရုံတက်ရမှာလဲ "
"ကံတရားဆိုတာပြောလို့မရဘူး ထက်ထက်ရ..."
"ကံတရားရား၊မရားရား နင့်မှာကိုကြီးရှိသေးတယ် စကားပြောဆင်ခြင်စမ်း နှောင်း "
"အင်းပါ ကိုကြီးဆိုမှာ
လေ ငါနဲ့ကိုကြီးကျောင်းပိတ်ရက်မှာ လက်ထပ်ရမယ်တဲ့..."
"ဒါဆို နောက်ဆုံးနှစ်ကို နင်က လင်ယူပြီးမှတက်ရမှာပေါ့ "
"အဲ့တာပြောတာ ငါcrushပြောင်းလို့မရတော့ဘူး"
"အသံသွင်းထားလိုက်ပြီ နင့်ကိုကြီးမဟာကိုသွားဖွင့်ပြမယ် "
နောက်ဆုံး လျှံကပါစကားဝင်ပြောလာ၏။ လျှံ့စကားကြောင့် နှောင်းလန့်သွားကာ လျှံကိုရိုက်သည်။ ထိုအခိုက် ထက်ထက်ရယ်မိပါသည်။ သူငယ်ချင်းတွေက သူမကိုနားလည်ပေးလို့ ပျော်ရပါသည်။
နှောင်းကပြန်ခါနီးမှာ သူမကိုဖက်ကာ...
"ငါ့မင်္ဂလာဆောင်မှာ နင်မရှိရင်မဖြစ်ဘူးထက်ထက်...သတိုးသမီးအရံလုပ်ပေးမယ်ဆိုပြီးပြောဖူးတဲ့စကားကို ဆက်ဆက်တည်ပေးရမယ်...မဟုတ်ရင် ငါလက်မထပ်ဘူး "
ထက်ထက်ပြောဖူးသည်။ သူမနဲ့ခွန်းလက်မထပ်ခင်အခါတုန်းက...
"နင်သာ ကိုကြီးနဲ့ညားနိုင်မယ်ဆိုရင် ငါလည်းခွန်းကိုရအောင်ယူပြီး နင့်ဘေးမှာ သတိုးသမီးအရံလုပ်ပေးဦးမှာ " ဆိုပြီးဖြစ်သည်။ အဲ့တုန်းက ခွန်းစေ့စပ်ပွဲမတိုင်ခင်ကပြောခဲ့သည့်စကား။ သူစေ့စပ်လိုက်လို့သာ ခွန်းနဲ့သူမက အရင်လက်ထပ်ဖြစ်ခဲ့တာ။
YOU ARE READING
အချစ်...ဦး/အခ်စ္...ဦး
RomanceBoth Unicode & Zawgyi ရှင်ခွန်း + ခိုင်မြဲသထက် ထက်ထက်က အစပိုင်းမှာ ဗီလိန်သဘောမျိုးပါ... အချစ်နဲ့ပတ်သတ်ရင် လုပ်ချင်ရာလုပ်တတ်တဲ့စတိုင်မျိုးပေမဲ့ ခွန်းကိုတော့ တစ်ကယ်ချစ်သည်။ ရွင္ခြန္း + ခိုင္ၿမဲသထက္ ထက္ထက္က အစပိုင္းမွာ ဗီလိန္သေဘာမ်ိဳးပါ... အခ်စ္နဲ႔ပတ္သ...
