خذني اليك_سيدي

خذني اليك_سيدي 1

هلاو ..اعرفكم عن نفسي حتئ ابلش بلقصه
اسمي مريم عمري 18 تاركه الدراسه
ابوي صباح العمر 48 عنده محلات 3
امي حنان ربت منزل العمر 46
اخواني ثنين اكبر مني حيدر العمر 24 حسين العمر 22
..............
مريم/بابا جايتك بطلب
صباح/الله يستر من طلباتج
مريم/هههه سهله والله هيه شنو كله راحت لزيارة لكاظم بس اني بعمري مزايرته يصير بويه
صباح / هاي منو خلاها براسج جديده
مريم/بنات عمي راح يرحون وريد اروح وياهن
صباح/كلشي اله هاي
مريم/ليش يابويه
صباح/بس تصيرلي فرصه اني اخذكم كلكم
مريم/اي عاد انته بس توعد

رحت من يم ابوي واني زعلانه شنو بس اني ولا مره رايحه لبغداد امشي واحجي ويه نفسي

حنان/هاا شو تحجين ويه روحج
مريم/اي غير هذه ابوي ميقبل اروح ويه لبنات
حنان/بس لا لبغداد
مريم/ايييييي لبغداد
حنان/والله حتئ لو قبل ابوج اني ماقبل تالي اخليج وياهم لبغداد ولج نسير عليهم الف حجايه يحجون نوب ياله لبغداد سكتي ولا تحجين بيهه
مريم/بس يمه
حنان/لا بس ولا هم يحزنون اني اخلي خالتج تشوفلنه حمله ونروح

مريم/سكتت ومشيت بس دمعتي بطرف عيني صح مشاكل احنه وعمامي وهمه ابد ميحبوني بس هذني بنات عمي ميشبهن اهلهن كلش مقربات عليه نكول اخواتي بس اهلي هم حقهم احنه تركنه لمنطقه من سبب حجيهم وجذبهم علينه اني وامي....مرت تقريبا سبوع ونسيت السالفه كلش اجتني امي وكالت لكيت حمله لبغداد بس عاد طرت من لفرحه واخيرا اروح للكاظم ميته ع زيارته تفاصيل هواي كلش بس دااختصر

حنان/بليل نروح نبات يم خالتج علمود الصبح نطلع غبشه
مريم/يمه بس وابوي مكايلتله
حنان /اني كتله وقبل
مريم/خوش لعد اروح اجهز نفسي
ركضت لغرفتي جهزت لملابس الي البسهن وجهزت فد لبسه اخذه وياي ولجنطه ولحذاء وكلشي لحد لمغرب صرت جاهزه
حيدر/يلا ميمه
مريم/اي اي جايه بس اجيب عباتي
حيدر/عود ماوصيج اريدج حبابه وثكيله
مريم/شسالفه خويه توصيني اني
حيدر/ههههه عفيه ميرادلج توصايه
طلعنه وصلنه لبيت خالتي لحمله متكونه من 15 مره ونوب كلهن كبار ازغرهن 31 بس اني صغيره وكلهن غرب بس ثنين من خالاتي ومرت خالي واني وامي
نمنه من 11 علمود نطلع من 4 لفجر كلهم نامو اني بقيت كاعده ماكدر اغفه من فرحتي لان بكل حياتي مواصله لشارع بغداد وباجر اني بلكاظم ويلي لفرحه شكلت بيه

صارت 3 ونص ماتحملت لسهر كعدتهم
مريم/يلا يلا كعدو عايفيني وحدي
خالتي/واني بعدج كاعده
مريم/اي والله ماكدرت انام لان مكاني متبدل
حنان/لا اعرفج من لفرحه
مريم/هههههه اي هيه لان فرحانه بس هم لان مكاني متغير
عاد كمت لبست ...شال ابيض بي خطوط سود وبدي ابيض ومن جوه رمادي وبنطرون رمادي ولحذاء رياضي ابيض ولجنطه رصاصي فاتح ولعبايه عراقيه جهزت قبلهم كلهم
ف طلعنه للسياره ونطلقنه لسامراء اول وبعدين بغداد
وصلنه لسامرأء يمكن ب 10 ماذكر بضبط نزلنه زرنه وصلينه وطلعنه للصحن نتريك اني عندي لعبت نفس من لسياره ف اذا طلعت ابد ابد ماكل شربت عصير واامي مشتريتلي جبس تعرفني مااكل فدوه رحتله ....نوب نطلقنه لسيد محمد نزوره هم نمت اني ربع ساعه وكعدت نفسي تلعب شويه ووصلنه واني كوه متحمله لدوخه ولعبت لنفس

مريم/يمه عندج حبت راس
حنان/يااا راسج يوجعج
خالتي/هاا شبيه
حنان/راسه بس تطلع بسياره يبقه يوجعها
خالتي/هاي عندي حبوب نتغده واخذي
مريم/لا وين غده تلعب نفسي
حنان/تبقين ع معده فارغه وانتي بلا ريوك ولا عشه
خالتي/لا لا هسه تتغده
مريم/لعد يلا جيبولي غده اريد حبايه راسي موتني
جابو لغده كباب نوب اني ابد ماحبه اكلت شويه واخذت لحبايه خلصنه نوب ندخل نزور لان اول ماوصلنه تغدينه
بلباب وتخربطت كلش كمت ارجف كلش ورجليه متشيلني بقيت بره مادخلت لان ماكدر امشي انتضرهن لمن يخلصن اجن نريد نطلع للسوك كمت مااوكف ع رجليه ولارض سوده صارت بيه ولرجفه مو طبيعيه حاولت اتقيء بس ماكدرت راحت خالتي اشترتلي جاي نوب سفن نوب كالن هذه هبوط جابتلي حب علمود مالح اكلت شويه ماتحملت كلش كمت ابجي اخذتني امي للسياره بقيت هناك حسيت نفسي اريد انام

مريم/يمه روحي صرت احسن وراح انام حتئ ارتاح
حنان/لا ماروح وخليج هيج
مريم/شعليه ياضوه عيوني مابيه شي وهذه لسايق هنا
حنان/لا لا باقيه يمج
مريم/لخاطري روحي والله مابيه شي هاي شوفي ايدي راحت لرجفه
حنان/هااا متأكده
مريم/اي وداعتج
حنان/لعد شويه ورجع
راحت امي واحاول انام
لسايق/هاا علويه محتاجه شي
مريم/لا شكرا
لسايق/ افتحلج لجامه
مريم/هاا اي
اجه فتحه وراح مسافه عن لسياره ويباوعلي عاد لعبت نفسي منه لان ابد مو راحه هسه شورطني وكلت لامي روحي درت وجهي ونمت وصدك غفيت فزيت ع صوتهن من اجن
خالتي/هاا ميمه شون صرتي
مريم/زينه خاله احسن صرت
خالتي/هاا خوش يلا وين راح نشاطج رايحين لبغداد مو تنكزين عليه من لبارحه
مريم/اي وبعدي انكز هسه ارجع انام ولمن نوصل اكعد تلكيني صايره زينه

خالتي/يكلبي يلا يلا نامي نوم لعوافي

نتضروني ابارت جديد بي حماس فول