خذني اليك_سيدي

صكر/راحت مريم للغرفه تغير ملابسه حتئ نطلع شويه واجت ولعطر سابقهه هذه لعطر قديم عندي وممستخدمه ابد لان ماعاجبني بس من شميته من مريم شكم مره حسيته مميز وكلش حبيته وكل مااشمه اتذكر مريم ضجت لان خلت عطر ناس تشمه ميصير بس مااكدر اكله علمود لاتكول لان خليت من عطره اجت بترافته بمجماله باناقته متعود عليه هيج مرتبه بس كل يوم اشوفه احلئ من لقبله داسولف بداخلي(شمورطني وكلت نطلع لعطر ولجمال وين اضمه عن لعيون )
صكر/ها خلصتي نطلع
مريم/ايي ماعندي شي
رحت صعدت بسياره ورا طبعا واجه صكر هوه جان لابس بنطرون اسود وقميص اسود وطالع كلش حلوو صعد مشينه لحد ماوصلنه واني ساكته بس اباوع ع الطريق
صكر/يلا نزلي
مريم/هاا يلا
صكر/جنت طول لطريق اباوع ع مريم بلمرايه بدون متنتبه شكد صفنت بالهه بغير عالم اعرف تفكر باهلهه لحد موصلنه ونزلنه مشيتنه سوه دخلنه قسم العوائل وختاريت مكان شويه بعيد عن لانضار
صكر/شطلبين
مريم/وياك
صكر/يعني ماكو اكله بخاطرج
مريم/لا
صكر/راح اطلب كباب ودجاج تردين شوي لو سلك
مريم/شوي
صكر/طلبت شويه وجابو وخلو وياه مقبلات نوب مريم ضربت ع كصته هاي حركته لشهيره ع اقل شي ضربت ع كصته
صكر/هاا شكو
مريم/الصبح سويت مقبلات ونسيت اخلي منهن للغده
صكر/ماعليهن شي اذا بقن لباجر مووو
مريم/لاا ماعليهن بس اول ماسويهن اطيب
صكر/منو علمج للطبخ
مريم/امي علمتني كلشي
صكر/ونعم والله احسن تربيه
مريم/بتسمت ودنكت ستحيت شحجي بعد بقينه نسولف يسولفلي ع دوامه ع حياته شون عايشه وحده بس ماعرفت ليش محد وياه بلبيت
صكر/خلصنه العشه بقينه شويه كاعدين نوب كمنه
مريم/طلعنه عبالي للبيت مسافه قصيره كلش وكال صكر انزلي ونزلت
مريم/وين جايين
صكر/ناخذلج ملابس
مريم/لا ماريد
صكر /مو بكيفج دخلي نختار لي يعجبج
مريم/شسوي بيهن هوه اني باجر رايحه
صكر/ميخالف لبسي بيهن لباجر
مريم/بعد مالح صكر عليه دخلنه
صكر/ختاري هذه لو هذه
مريم/ولا واحد
صكر/ليش شبيهن حلوات
مريم/ميناسبني
صكر/اي شوف ع قياسج
مريم/لا قصدي ضيكات مالبس هيج
صكر/ههههه عادي لتلبسينهن هنا من ترحين لاهلج لبسيهن
مريم/هههه تمام راح اخذ هذه هوه فستان مخصر ضيك من فوك وعريض من جوه كلش لونه ماروني غامض كلش وبي تطريز من الصدر ابيض واخذت وياه شال ابيض وبي نقط ماروني بلونه
صكر/مريم تعاي اختاري حذاء وياهن
مريم/لا مايحتاج
صكر/امشي امشي
مريم/ههههه
صكر/هاج قيسي هذه
مريم/كعب
صكر/اي هم يالله بكلي شويه اطولين حتئ اشوفج كل شويه اريد اعثر بيج
مريم/لا شدعوه مو هلكد
صكر/ههههه والله هيج واكثر انتي شايفه شطولج عبالك قوطيت ببسي هاي لكصيره ام الخمسميه
مريم/ماقبل واحد يضحك ع طولي بس صكر يضحك عليه واني اضحك ع ضحكته......قست الحذاء الي ختاره صكر ع قياسي لونه بلون لفستان كلش ولكعب مالته مربع كلش حبيته
صكر/بعد شنو
مريم/كلشي ماكو
صكر/اكلج اني لبنيه لو انتي
مريم/ههههه لا اني
صكر/لعد شبيج امشي خذيلج جنطه
مريم/ههههه هههههه هههههه
صكر/هههه شبيج
مريم/والله صدك حسيتك بنيه
صكر/بضحكه....نجبي لج
مريم/اريد هاي .....ختاريته سوده بس صكر ختارلي ماروني وبيه ابيض كال علمود ويه الفستان
صكر/اليوم اريد اطلعج طماطيه
مريم/هههههه انته مو تكول اني قوطيت ببسي بلماروني راح اصير شاني
صكر/هههه خلص هاي وانتي كلتيه بعد شغله اخيره
مريم/ولي هيه
صكر/هاي اريده هديه الج
مريم/وشنو مناسبة هل هديه
صكر/ماكو مناسبه بس هديه ماقبل الرحيل
مريم/لعد نطيني فلوس اجيبلك هديه
صكر/هههههههه حلوه هاي نطيني فلوس اجيبلك هديه
مريم/والله لعد منين اجيب هوه عندي 25بس بقت بلبيت
صكر/لا ابويه اشاقه هاج هاي 25
مريم/لا شدعوه هواي
صكر/هسه فلوسي وراجعه الي خليني اصرف
مريم/ههههه هم صدك
ف تفرقنه اني وصكر علمود الهدايه رحت اخذتله ساعه ب 15وياها سبحه كلش عجبني بقن 10هم لازم اصرفهن رحت اخذله عطر اختاريتله واحد ب 15واني عندي بس 10كلت اروح اخذ منه خمسه رحت شفته واكف ويه عميله يسولفون ويضحكوون نار وكبت بكلبي ف رجعت افتر بلمحل ماكدرت اغيره لان كلش حبيته اباوع لصكر لسه يم هاي العميله كعدت كباله واباوعلهم ...
صكر/دخلت مريم لمحل بصف لمحل الي اريد اشتريله منه اخذتله مكياج بكل انواعه مانقصت ولا شغله طبعا اكو عميله ساعدتني اله اني ماعرف هيجج وخذتله سوار ومحابس ثنين وتراجي ووحلقه بعدين تعرفون سرهه شنو. ف كلت للعميله ترتبه الي بشكل حلوو عده الحلقه خليته بجيبي وكتله كتبي
(تضن انها ورده بينما هي بستان) بخط حلو ومرتب وهيه صدك رتبتهه وطلعت الهديه حلوه باوعت شفت مريم كاعده ووجهه يحجي الف حجايه باقي نقطه وتبجي
مريم/بقيت اباوعلهم شون يسولفون نوب هيه ضحكت حيل ومدري شكتبت ونطته اله بقيت اسولف بكلبي اكيد رقمها اكيد ديتغزل بيهه الف سالفه اجت براسي بعدين صحيت ع نفسي وكلت اني شبيه هيج محترك كلبي ع شنووو معقوله عندي مشاعر اله معقوله كلبي ديفكر بي
صكر/بقيت اباوع عليه وهيه صافنه كلت اخلص وروح اشوفه شبيه
مريم/ماتحملت ورحت وراه وكلت
مريم/صكر صكر صكر
صكر/ها ها شعندج جايه
مريم/هههههههه هاا تطردني تاخذ راحتك
صكر/ايي اريد اخذ راحتي
مريم/اي نطيني بعد 10 وخذهه وغمزت
صكر/هاا بعد يالله يالله مبين ثكيله
مريم/اي لاا عاديه
صكر/هسه اي لو لا
مريم/هههه ثنينهن
صكر/هاج هذني ال10...وتعاي شبيج قبل شويه
مريم/شبيه
صكر/ماعرف شفتج ضايجه
مريم/لا مبيه
صكر/بعدين نفهم روحي كملي حتئ نرجع
مريم /تمام
رجعت للمحل واخذت العطر ورجعت من يمه اخذت علبه علمود اخليهن بيه بلخمسه الثانيه ورجعنه للسياره بقيت كاعده وفكر بهاي العميله شبي وياها هيج لان اعرفه ثكيل ليش هاي ضحك وياها وسولف
صكر/ رجعنه للبيت وحاير بمريم كل شويه بمزاج من عفته تشتري هديه الي مزاجه زين شويه باوعت كاعده وحده وضايجه وشويه واجت يمي متونسه وتسوي مشاغبه وحركات طفوليه. وبلسيارة لك
طريق كله ساكته وصافنه
مريم/صكر
صكر/هااا
مريم/منو هاي البنيه
صكر/يابنيه
مريم/لي جنت تحجي وياها وتضحك
صكر/قصدج العميله
مريم/اي
صكر/ماعرفها ليش شبيه
مريم/مابيه شي
صكر/لا كولي شبيه سوتلج شي حجت وياج
مريم/لا لا بس لان شفتك تحجي وياها وتضحك
صكر/هههههه تعرفين عليمن نضحك
مريم/لاا عليمن
صكر/عليج
مريم/يااا عليه ليش بلا
صكر/جنت اباوعلج شون تفترين بلمحل وضحكت عليج ف سألتي عليج وكالت بنتك لذالك ضحكت عليه
مريم/وانته شكتله
صكر/كتله اي بنتي
مريم/يااا يمته
صكر/اي شبيج صدك انتي بنتي بعمرج بشكلج بطفولتج احسج بنيتي مو غريبه
مريم/اهاا زين وكله سوالفكم هيج
صكر/لا هيه جانت تساعدني بتحضير هديتج وتذكرني ابعض الشغلات الي ناسيهه.....بس تعادي شعندج وياها
مريم/ماعندي شي مجرد سوال لا اكثر
صكر/اهااا اي شجبتيلي هديه
مريم/نوصل وتشوفها
صكر/ههههه وك
ضليت افكر معقوله ضاجت لان حجيت ويه لبنيه كلش حرت بيهه
مريم/ وصلنه نزلنه الغراض اني وصكر اخذت الهديه ورحت وراه للغرفه دكيت الباب
مريم/صكر
صكر/تعالي مريم
مريم/هاي هديتك
صكر/شكراا وهاي هديتج
مريم/العفو بس مو جبيره
صكر/مو مهم حجمه لمهم تعجبج
مريم/اكيد تعجبني
صكر /فتحيه هسه
مريم/كعدت افتح بيه اول شي طلعتلي التراجي ولمحابس حلوات وبعدين لسوار متت عليه كلش حلو ونازك بعدين طلعت علبه جبيره فتحته مكياج هواي كلش
مريم/والله ماعرف شكلك شكرا الك كلش حلوات
صكر/هاا يعني عجبتج
مريم/اي والله واحلئ شي لاسوار
صكر/الف عافيه ولمكياج ناقص شي
مريم/لا ابد نوب حتئ لمثبت جايبه
صكر/اي هاي العميله تجيب وتخلي ماعرف اني بلمكياج بس لاكسسوارات اني ختاريتهن
مريم/اي هنه لاكسسوارات حلوات
صكر/هاا ولمكياج
مريم/حلو بس اني مااخلي
صكر/اعرف بس بلمستقبل تخلين
مريم/هههه عدنه لبنيه لمن تزوج يلا تخلي مكياج
صكر/اي من تزوجين خلي منه
مريم/هههه اي
يلا بعد هديتي ترا بسيطه كلش مقارنه ويه هديتك
صكر/اهم شي لذكره
فتحته ساعه سوده وسبحه هم سوده حلوات فيكه ولعطر كلش مناسب الي عجبني ذوقهه
صكر/صراحه ذوقج كلش حلوو
مريم/صدك عجبتك
صكر/اي والله نوب العطر حيل حبيته
مريم/بلعافيه
عفته وطلعت للصاله رتبت ملابسي الي جبتهن ويه الهديه وعفتهن ع صفحه ورحت جبت دشداشتي ورحت للحمام غيرت ملابسي باوعت الحاويه متروسه رحت لكيت صكر يشرب نركيله
مريم/صكر الحاويه متروسه
صكر/هسه اخلص ونضفها
مريم/لا بس كلي وين واني انضفه
صكر/متخافين اطلعين
مريم/لا غير انته هناا
صكر/هااا يعني اذا اني موجود متخافين
مريم/لا طبعا
صكر/ضحك بغرابه
بسرعه طلعت لان ستحيت منه بقه يجر بلحجي مني اخذت لحاويه فرغته ورجعت واذا جلب تكرمون طالع بطريقي اني عندي مشكله ويه الجلاب كل مايشوفني جلب يركض وراي شكم مره بمره صايره وياي هيج واني عد اهلي ف شفته بقيت امشي سريع شويه نبح واني ركضت وهوه وراي اريد اوصل للبيت ماكو كمت اصرخ بكل علو صوتي (صكر صكر يمه صكر )
صكر/راحت مريم تذب الزباله اني ماعندي شي بس ردته تطلع حتئ شويه تتغلب ع الخوف شويه واذا اسمعها تصرخ فز كلبي كبل جسمي كوه كدرت امشي من خوفي عليهه رحت لكيته واكعه بلكاع وجلب يمهه وينبح عليه طردته ورجعت اله اريد تحجي تكول شي ماكو حتئ بجي متبجي بس تردد
(صكر صكر صكر)وكوه فهمت لان جانت ترجف هيه وصوتهه كومته للبيت كوه تمشي كعدته بلصاله ردت اجيبله ماي بس لزمت ايدي بكل قوته
مريم/فدوه لتروح صكر لتعوفني حياكلني
صكر/ماكو شي مريم بس اجيبلج ماي ورجع
مريم/ماريد ماريد بس لتروح
صكر/مريم باعيلي شوفي احنه بلبيت ماكو شي باعيلي كافي اني يمج
مريم/جنت مرعوبه ماشوف غير الجلب وهوه يركض وراي ولا اسمع شيحجي صكر اخذني للغرفه كوه مشيت ارجف كلي
صكر/نومته ع جربايه وكعدت يمه اسولف وياها وهيه خايفه لمت نفسي لان خليته تطلع تقربت وخلت راسه ع رجلي بقيت احرك ايدي ع راسه اهدء بيه لحد ماغفت غطيته ووخرت عنه باوعت الساعه 11 كلت خلي انام بقيت اتصفح شويه بجهازي ونمت ..
مريم/نمت ع جربايه وصكر يمي بدون حساس خليت راسي ع رجله لان محتاجه حنانه وامانه جنت ميته خوف بس اريد تطلع من راسي الخوفه لحد ماغفيت
صكر/نايم وفزيت ع صوت مريم تصرخ وتبجي ركضت عليه مخروعه وتصرخ حياكلني يعضني يركض وراي شوفه ماعرف شنو تحجي بدون وعي وتنادي بأسمي وأسم امها رحت كعدت يمه كبل حضنتني وتبجي من كل گلبه وتشهك بقيت امسح ع راسه وضهرها اهدء بيه كوه اله سكتت وياي ف نامت ردت اكوم ماكدرت حاضنتني بقيت كل شويه اسحب نفسي ماكو واني نعسان كلش ف بقيت وياها لفيت ايدي عليه ونمت...
مريم/كعدت الصبح حسيت نفسي مرتاحه بنومتي ولو رافعه راسي اشوف نفسي بحضن صكر لا نوب حاضنته كبل سحبت نفسي ع كيف علمود ميكعد طلعت للمطبخ واتذكر شسوبت لبارحه احجي ويه نفسي عزه عزه شكد عيب شون ماحسيت ع نفسي شون حضنته شون غفيت هسه شون اباوع بوجه
....
صكر/صح نامت مريم بحضني بس كلبي مو مرتاح لان اعرف هلشي ميعجبه وخايف لا ترجع تفز او تخاف بس بنفس لوقت متونس اله شون نايمه بحضني نوب هيه ناعمه ضاعت بحضني اكدر اكول جانت اول نومه الي حلوه ومريحه هيج كل شويه افز بليل اباوع بوجه واحضنه حيل ورجع انام وكول خلي اشبع منه هيه باجر رايحه نمت لصبح حسيت بيه كعدت بس تضاهرت بلنوم علمود متستحي مني باوعت ساعه 6ونص رجعت نمت لان ماعندي دوام لل10يلا اطلع
مريم/طلعت اسوي ريوك خلصت باوعت ساعه 7وصكر نايم شون هسه لازم يكعد عنده دوام رحت
مريم/صكر
صكر/هاا
مريم/يلا اكعد ساعه 7
صكر/ماعندي دوام
مريم/هاا عبالي عندك لعد كمل نومتك
رحت المطبخ اسوي دولمه لمن يكعد صكر حضرت الحشو وحضرت السلك وهستو اريد الف نادالي صكر
صكر/كعدتني مريم علمود لدوام حاولت ارجع انام بس مكدرت بقيت اتكلب باوعت ساعه 8 ونص ردت اكوم اجانب مسج من صديقي اكرم فتحته
(جهز نفسك عرفت كلشي وبلتفصيل لممل)ناديت ع مريم حتئ اكلله
مريم/دخلت لكيته يضحك ورافع اديه وجان يحجي وياي بطريقه لموال ويكلي عرف اهلي كمت اطمز من لفرحه
مريم/يعني صدك حروح لاهلي
صكر/اي صدك
مريم/بتكمز...ياي حطير وربي
صكر/هههه بعد الغده نطلع
مريم/حاضر من هسه اجهز الغده...وركضت للمطبخ
صكر/ناديت وراها......سوي لريوك اول
مريم/تعال جاهز
رجعت الف دولمه وممصدكه راح اشوف اهلي
صكر /غسلت ورحت للمطبخ لكيت مريم تسوي دولمه
صكر/هاي شنو ليوم دولمه
مريم/ايي كلت اضوكك دولمتي قبل لااروح
صكر/مدلل عمي اذا هيج ابقه هيج وين لاكيلي واحد يسويلي ريوك ويكعد يحضرلي الدولمه
مريم/ههههه اي وراح ترجع وحدك
صكر/اي والله انتي تريكتي لو بعدج
مريم/لا عود اخلص وتريك
صكر/لا عوفي وتعاي تريكي وياي
مريم/لا بس اخلص
صكر/كله عناد عوفي وتعاي
مريم/هههه امري لالله كايمه
رحت غسلت وكعدت تريكت وياه خلصت بسرعه ورجعت الف بلدولمه
صكر/تريكت وطلعت ماعرف وين اروح رجعت يم مريم كعدت الف وياها بس اخرب وهيه تعدل وراي ماعرف اسوي مثله
مريم/شكد تونست لمن اجه صكر يلف وياي صح ميعرف بس وجوده يمي مونسني كلش
صكر/يلا هسه راح اطلع شويه واجي وانتي جهزي نفسج
مريم/تمام
كمت خليت خليت الجدر ع الطباخ وقللته كلش ورحت ع سريع سبحت ولبست لفستان الي جابلياه صكر رجعت شفته مخلص طفيته ورحت مشطت ولفيت شالي باوعت للمكياج اخذت لمسكاره خليت شويه وشويه كلش حمره فد كلش قليل حتئ ممبين مخليه ولبست لسوار لي جابه هديه باوعت بلمرايه عزه هيج حيشوفني صكر اعترف ع نفسي صرت حلوه رحت للمطبخ سويت سلطه وحضرت الغده الروبه ولمقبلات خليتهن ع طاوله بقت بس لدولمه من يجي صكر اصبه رحت الغرفه حضرت عباتي وملابسي وهدية صكر كلهن جمعتهن بمكان واحد واخر شي خليت من العطر مالت صكر
صكر/رجعت للبيت ساعه12 ولبيت مليان ريحت طبخ تخبل كبل رحت للجدر اخذتلي قطعة دولمه ورحت للغرفه اشوف مريم واذا اني اشوف ملاك ونازل من لسمه اعرفها حلوه وعرفت لفستان حيصير عليه حلو بس مو لهل درجه نوب الشال لابيض راهم عليه كلش داسولف بكلبي شون اطلعه هيج بكل هلجمال
مريم/ضربتله تحيه ...اهلا وسهلا سيدي
صكر/هلا بيج شهل طبخ لطيب شهل الشكل الحلو
مريم/هههههه ماحجيت شي لان خجلت من كلامه
صكر/يلا صبيلنه غده ماتحمل ترا
مريم/ها يلا جاهز تعال
رحنه للمطبخ كاعدين نتغده ونسولف صح فرحانه كلش راح اروح لاهلي بس ضايجه بداخلي لان راح اعوف صكر وبعد ماشوفه لان لكيت نفسي احب صكر ولفضل جان للعميله هيه الي حركت غيرتي وخلتني اعرف نفسي احبه ولاكثر الي خلاني احبه اهتمامه الزايد بيه مرات احسه صدقه ومرات احسه يحبني ويبادلني نفس لشعور بس مانطيت نفسي فرصه حتئ اتعلق بي اكثر من هيج لان كلت نهايتنه ارجع لاهلي وهوه يعيش حياته عادي
صكر/وين صافنه
مريم/دافكر بلمستقبل
صكر/بشنو بلا
مريم/هيح ولا شي سخافه
صكر/جاهزة نروح لاهلج
مريم/اي كلشش والله ممصدكه ارجع وحضن امي وشم عطرها شكد مشتاقتله
صكر/بهمس...هنياله عليج ..
مريم/سمعته شكال بس غلست
صكر/خلصت الغده وطلعت للصاله
مريم/طلع صكر لميت الطاوله وحضرت جاي اخذته ورحت يمه
صكر/تسلم ايدج
مريم/الله يسلمك شوكت نطلع
صكر/فد شويه رتبي امورج
مريم/خالصه ماعندي شي داحجي ورن جهازه كلي لبسي حتئ نطلع وفتح الخط اول حجه وياه عادي اول وشويه وتغيرت نبرت صوته وخله وطلع يحجي برا عفته خصوصيه مادخل رحت للغرفه طلعت اغراضي ولبست الحذاء الي جابه ويه الفستان شويه ودخل صكر يصرخ عليه بكل علو صوته (طايحت الحض تضحكين عليه اني تلعب عليه طفله مثلج)..بقيت مصدومه ماعرف شحجي....
بنات هذه البارت المفقود ماعرف شون مناشرته