صكر/طول لفتره وهيه تبجي جنت بين اريد اساعدهه وماريد اكتفيت بلنضر اله بصمت بعدين اختفت عن نضري ماشفته كلت اكيد راحت....جنت داير وجهي سمعت صوت فريت اباوع اشوفه واكعه ركضت اله كعدت اريد اساعده بعدين رجعت اجت مره كتله رشي عليه مي لناس تجمعت عليه واكثر شي زعجني كله لاجت شباب فرقتهم وعفت شكم مره يمه
......
مريم/كعدت حتئ ماكدر احرك ايدي من لتعب ولوجع براسي وكل جسمي لكيت مريه يمي خاله راسي بحضنه ولضابط وثنين بعد نسوان جان هوه واكف يمي بس عينه ابد مو يمي عدلت نفسي كعدت ع حيلي لمريه سندتني اخذتني ع صفحه وترخصت وراحت....بقيت اتصفن شراح يصير بيه وين اروح وين امي ابوي شراح يكول شيسوي مراح ترحمهم لناس لو عرفت تقريبا بقيت نص ساعه كلت اكوم لازم الكه اهلي حتئ لو اموت واني ادور رحت للضابط
مريم/سيدي
صكر/تفضلي
مريم/اريد تساعدني اريد امي....بجيت
صكر/روحي سوي نداء
مريم/سويت
صكر/ميخالف سوي مره ثانيه
مريم/تمام
رحت لاهل العتبه وسولي نداء ورجعت لمكاني لوكفت بي اول مره انتضر مرت فتره واني كاعده والف سالفه تجي براسي ....ولنداء نفس اول مره كلشي مفاد
رحت ابجي
مريم/اريد ادخل ساعدني بس دخلني اتوسل الك
لخادم/اعتذر ماكدر
مريم/رجعت ابجي بكل حركه وبصوت عالي حسيت نفسي يتيمه.....
مريه/عزيزتي ليش تبجين شبيج
مريم/ابجي....خاله اريد امي
لمريه/يااا ضايعه لاتخافين امي هسه تلكينه مايقصر صاحب لزمان هسه ترجع بس اسكتي وصبري وخليج قويه
مريم/اكتفيت بلسكوت لان لبجي مجان يخليني احجي لعبره خانكتني بقت تسولف هواي عليه وتصبر نوب راحت للضابط حجت وياه واجه
لضابط/اي اعرف بيه ضايعه هاي مو شغلتي تروح لاهل لعتبه همه يساعدوها
لمريه/بس خلي تعبر تندل اهلهه
الضابط/لا جواب ....
مريم/زاد لبجي وصوت عالي كلش بحيث الناس كله تباوع عليه
الضابط/لفتره لي تبجي بيه كله اني اباوعله شكد جانت برئيه وطفله شكله وتصرفاته اطفال بجيه حجيه فد مره خفت عليه كلت هسه كدام عيوني اكدر احميه هسه شويه ورجع للبيت وين تروح ف قررت اساعده ولو بشي صغير
لضابط/هسه تبجين شتريد
مريم/بجي...امي
لضابط/تندلينه وين
مريم/لاا بس اكو وحده ويانه من لحمله اعرف مكانه
لضابط/زين هسه شون اكدر اساعدج اني
مريم/بس عبرني
لضابط/تمام روحي فتشي وعبري
مريم/ماندل
لضابط/انتي بس كافي تبجين خلي افهم
مريم/لا جواب...
لضابط/شوفي تشوفين هذه لطريق طلعي كبل تلكين تفتيش دخلي
مريم/جان من يسولف وياي يخف لبجي مالتي بس لمن اشر ع لطريق وباوعت شفته عباره عن زلم خفت كلش ف رجعت ابجي وبقوه
لضابط/هم بجت شبيج ابويه ليش تبجين
مريم/لا جواب....
لضابط/بس فهميني شبيج متندلين
مريم/ابجي قوي.... زلم هوايه
لضابط/لمن كالت زلم هويه ماعرف ليش فرحت وضحكت بوجها لا اراديآ بنفس لوقت خفت عليه اكثر كلت هاي طريق ماتمشي بي تخاف شون لو مالكت اهلهه
أنت تقرأ
خذني اليك_سيدي
Romanceطفله ذات 18 عام يقسي وياها الزمن وبلحضة تتغير كل حياته وتلكله نفسه برعاية ضابط راح يكدر يتكفل بيه راح تكدر تتقبله
