خذني اليك_سيدي

مريم/جنت نايمه وكعدني صكر وكال امي تريد تجي وهيه لحد هسه كلشي متعرف عن علاقتنه
مريم/وشون هسه
صكر/اني احجيله وفهمه بس الي اريده منج بس لطلعين كدامه لمن احجيله كلشي
اجه ليوم الثاني لصبح ساعه10 وصلت وستقبله صكر
صكر/هلا بأمي هلا بلغاليه
ام صكر /هلا امي شونك يروحي
صكر /الحمد الله تفضلي
ام صكر/اللهم صلي علئ محمد وال محمد شهل ترتيب هل نضافه يمه صكر هاي منو هيج منضفلك بيتك
صكر /تعاي كعدي رتاحي واني احجيلج كلشي
ام صكر/الله يستر من سوالفك احجي كول
مريم/بقيت بلغرفه انتضر وسمعهم يسولفون وكلبي يدك من الف متت من لتوتر شويه واجه صكر
صكر/سولفتله كلشي وعصبت بس سيطرت ع عصبيته لان فهمته شون احب مريم ومتعلق بيه ف متكدر تسوي شي
صكر/يلا حبيبي تعاي سلمي امي
مريم/السلام عليكم شونج عمه
ام صكر /هلا
صكر /هاي اجتمعن الجنه والعجوز
مريم /ربي يديمك ويخليك
ام صكر/امين حتئ يستر ع بنات الناس مثل مستر عليج اله الله اعلم شنو وراج
صكر/وراها شرف وخلاق هاي مريومتي الغاليه وين اكو مثله
مريم/بتسمت لصكر ودنكت ضجت من حجايت امه بس كلت ميخالف حقه راح صكر للدوام وبقينه بلبيت وحدنه بس صدك متت خوف لان شكله عصبي ومن تتباوعلي تخزرني بحقد
مريم /عمه متريكه اسويلج ريوك
ام صكر/الج عين وتحجين فوكاها عمه عمه ليعميج انشالله مصدكه اخلي ابني ياخذ وحده مثلج الله يعلم شكم زلمه لاعب عليج وذبوج اهلج مريم/عمه خافي لله ليش هيج تحجين عليه اشفتي مني هوه ليوم عرفتيني حتئ تكولين هيج
ام صكر/ششوف اكثر من هيج بنت اهلهه يجيبوها من لنجف ويذبوها ابغداد شتوقع منهه شسوين بعد
مريم/حسبي الله ونعم الوكيل تأمريني بشي 
ام صكر /ولي من وجهي ماريد اشوفج تلعب نفسي منج اعوذ بالله
مريم/عفته ورحت للمطبخ ودمعتي بطرف عيني ماصدكت خلصت من اهلي وعبرت السالفه تجيني ام صكر الئ متئ ابقه بقهر شوكت ارتاح حضرت لريوك بصينيه وخذته الهه
ام صكر /شوفي اكلج لاتصدكين روحج وتحسبين نفسج ام لبيت ترا والله خدامه شكم يوم وطردج فلا اخليج هنا
مريم/اصبلج جاي لو حليب
ام صكر /اني مو احجي وياج
مريم/اي عمه سمعتج محتاجه شي ثاني
ام صكر /شنو جاهل كدامج اني وتحاجيني هيج
مريم/حشاج كلامج ع الراس بس اهلي ربوبي مارد بوجه لجبير
ام صكر /اهلج ربوج شوكت ربوج هيه هاي تربيتهم بتهم بلشوراع وتفوت بيت رجال اعزب وحده
مريم/اي هيه هاي
كتله هيج شالت الجاي وذبته عليه لمن وكع ع بطني ورجليه ونجويت عفت ورحت للغرفه غيرت ملابسي وخليت عصاره ع الجويه ورتبت الغرفه وطلعت لكيته بلمطبخ ماحجيت شي كمت اغسل مواعين كامت تطلع من الكاونتر وتذب بلسنك
مريم/عمه هذني نضيفات
ام صكر /وين لنضافه كلهن تراب غسلي وانتي ساكته خوش هم فوكاها تحجي
مويم/سكتت وبقيت اغسل لحد ماملت وطلعت وخلص النهار كله هيج مستحيل تشوفني ماتشمر حجي ومرات تجي للمطبخ تحجي تحجي وتروح واني كله بس ساكته وابجي ومرت سبوع هيج بس من يجي صكر تسكت ولا يطلع صوته وشاف بطني وكوه قنعته مانتبهت ووكع عليه الجاي بس صار عنده شك لان نفسيتي كلش تغيرت بقيت دوم ساكته ولااكل وهيج بس امشي من ورا امه ع كد ماتحجي وتهين بيه
صكر/حبيبي
مريم/هاا
صكر/شبيج اشو هاي الفتره مو عبعضج
مريم/مابيه شي بس تعبانه
صكر/تعبانه شبيج يروحي يوجعج شي اخذج للدكتور اجيبلج شي
مريم/لا صكر لا مو مرض
صكر/لعد مريم صاير وياج شي واني ماعرفه
مريم/صكر فدوه اروحلك كافي مابيه احجي
صكر/لا تحجين وغصبن عليج احد مضوجج امي مسمعتج شي
مريم/تسمعتني لا شنو اصلن هيه كلش حبابه وياي وابد متتجاوز عليه وتحبني وتحترمني
صكر/بعد هذه كلامج تأكدت صاير بينجن شي احجي بسرعه
مريم/صكر بداعتي تسكت وتنسه السالفه
صكر/بنيتي حياتي انتي هاي مال انساها مستحيل هاي كعدت ع حيلي وابقه لحد لصبح كاعد اذا متحجيت
مريم/بكيفك تصبح ع خير
نمت وجان الساعه 12 كعدت بل1ونص ولكيته ع كعدته
مريم/هاي بعدك كاعد
صكر/وابقه للصبح هم واني رجال جاي من لشغل تعبان ولكه مريتي ضايجه ومتقبل تحجيلي شيصير بحالي باجر
مريم/جان كاعد ع حيله رحت وخليت راسي بحضنه وبست ايده
مريم/صكر ترا والله بعد عينك مالي احد اضيع بدونك
صكر/عمري انتي منو كلج اعوفج او اتركج ترا وياج للموت وهاي من هذه الشارب ماعوفج ولاازعلج بيوم وهسه احجيلي كلشي وبل تفصيل
مريم/كعدت وحجيت لصكر شون امه تعاملني بس ماحجيتله بلتفصيل لان شفته ضاج لا يحجي شي ويه امه من وراي بس كتله تضوجني بكلامه
صكر/تعاي بحضني
مريم/بس صكر لتحجي وياها شي والله تزعل
صكر/تعاي معليج
مريم/والله انته ماينوثق بيك
صكر/ها هسه ماتثقين تعاي مو اكوملج
مريم/هههه جايه امري لاالله
كعدت لصبح لكيت صكر كاعد وكلي رجعي نامي ماريد ريوك واني ماكلت باطل نمت لان بعدي نعسانه ومالي خلك اكوم وشوف عمتي تحجي
نايمه وندفرت لباب اذا ام صكر داخله تحجي وتصيح وتسب وتفشر وبيده صونده متت خوف كمت اصرخ وبجي وهيه كبل كامت تضرب بيه وتسحلني من شعري تريد تطلعني بره كمت ابوس برجليه بس علمود تخليتي اخذ عبايتي لان متنطيني مجال من لضرب كوه اخذت شال وعبايه حتئ ماخلتني اغير ملابسي طلعت بملابس لنوم تلفلفت بعباتي وكعدت اباب البيت انتضر صكر يجي ويدخلني كمت افكر اني شراح يصير وين توصل شيسوي صكر اذا عرف امه شتكول اني شنو موقفي صار الضهر وصكر ماكو عرفته مراح يجي واني هم سحبت نفسي كلت اروح لبيت صديقه وهم بطلت كمت امشي بلشارع وشته ميته برد بس ارجف صار لمغرب واني افتر مره امشي مره اكعد وبدت لدنيه تضلم شويه شويه شبعت بواجي ع حضي الي خلاني اروح لبغداد ع خوفي ع صكر ع الوجع الي بجسمي من لضرب عمري كله ممضروبه هيج لامن صكر ولا من اهلي جسمي كله ازرك شفت اكو زاويه مناسبه انام بيه لان بعد ماكدر افتر اكثر من هيج ردت اعبر الشارع وشفت جلب جاي ع جهتي كمت امشي سريع لحد ماركض وراي كمت اركض وصرخ بعلو صوتي صكر لحك عليه صكر وينك واذا اشوف سيارت صكر كبل ركضت لجهته
صكر/جان هواي عندي شغل وماكدرت ارجع للغده اتصلت ع مريم مترد بقيت بقلق لاامي حجت وياها شي لان لصبح نبهته متوصل لطرف مريم وبقيت النهار كله اتصل وماكو صارت 6ونص رجعت للبيت لا امي ولا مريم شنو السالفه مافهمت اتصلت ع مريم لكيت جهازه بلغرفه اتصلت ع امي
صكر/الوو يمه انتم وين
ام صكر /اني رجعت لبيت اخوك
صكر/ومريم وياج
ام صكر /عساها بلكبور انشالله شكو وياي
صكر/يمه مريم وين
ام صكر/طردته من لبيت وهاي حجايه ياصكر لو رجعت هاي الساقطه للبيت لا اني امك ولا انته ابني
صكر/مريم مرتي وترجع للبيت معززه مكرمه وشرفه وكرامته من كرامتي وكلامج ع العين والراس بس مريم ترجع وليوم قبل باجر
وسديت الخط وبسرعه ركبت السياره وكمت افتر بلشوارع ادور صارت 8ونص واني ادور وكل اثر ماكو بعدين شفته تمشي بلشارع وتتصفن وكفت لسياره وبقيت اراقبه من بعيد تمشي وراسه بلكاع حسيت كلبي تكطع عليه نقهرت كلش حسيت نفسي عاجز تمنيت اروح واخذه بحضني وخلصه من كل هموم لدنيه  شفته تعبر الشارع وجلب ركض وراها بقت تركض وتبجي وتصرخ باسمي مارحت بقيت اباوع لحد ماهيه شافتني واجت تركض عليه وقفلت السياره وماتحركت ولا حركه بس النار بداخلي
مريم/اركض وصرخ لصكر بس ولا عبالك يشوف بس ردته يجي يخلصني بقيت اضرب ع الجام وتوسل يفتحه بس ميباوعلي حته لحد ماوكعت بلكاع عجزت بقه الجلب واكف وينبح خوفي راح حسيت نفسي ميته كمت رحت لجهت لجلب امشي وهوه ينبح رحت بلكي يعضني بلكي يسويلي شي لان هذه هوه ليوم ولحضه الي مات كلبي وكفت باوعت عفته ومشيت اتمشه يمه وهوه مستمر ينبح بس مايركض بس ع مشيتي يمشي تذكرت لمن صكر كلي اذا ردتي يركض وراج اركضي واذا ردتي يخاف اظربي او لا تهتميله صدك مشيت لحد ماصكر اجه يمشي وراي بلسياره
صكر/عفته تواجه مخاوفه لان الجلب والضلام نقطت ضعفها واني اريده تصير قويه كافي تعتمد عليه لحد ماوصلت اللي اريده ماخافت ومشت صح نكسر كلبه بس احسن حتئ ثاني مره لتعوف بيته
صكر/تعالي اصعدي يلا
مريم/لا رد
صكر/يحلوه داحجي وياج تعالي يلا
مريم/ممكن طلب
صكر/انته تأمر
مريم/تعوفني بحالي الطريق الي جابك يردك
صكر/الطريق الي يردني بس انتي وياي
مريم/بقه يمشي وياي بسيارته ع كيف كلش مره اجاوبه وعشره اسكت لحد ماملت منه وكمت ابجي
صكر/بقيت اتغزل بيه بس هيه كلش زعلانه وضايجه مقهوره حرت شسوي شفته بجت كبل نزلت ركضت عليه وحضنته
مريم/وخر صكر وخر
صكر/اشششش اني اسف ع كلشي وعد الي صار مراح يتكررر
مريم/هوه شنو ليتكرر الضرب لو السب الو الفشاير لو لااهانه اني صح اهلي ذبوني بس اني شريفه اني متربايه
صكر/اعرف حبيبي والله اعرف بس امي غلطت لان متعرفج مره جبيره وهم راحت وبعد ماترجع
مريم/ترجع ماترجع نار جهنم الي تاخذكم
صكر/اه كلام قوي بس ميخالف عصبيه بنيت كلبي
مريم/امشي ماريد اشوفك روح خلصني صح لفيتني لبيتك بحترام وحب بس امك ماتريدني واني ماتحمل اكثر من هيج اليوم ضربتني وحجت كلشي باجر تسويلي سالفه وتكول اني لو تموتني
صكر/ضربتج مريم تحجين صدك امي تضربج
مريم/لعد شكاعد احجي صارلي ساعه ها ماصدكني اذا تريد هسه اشوفك اثار الصونده شون جسمي كله ازرك
صكر/اششش حبيبي اسف والله اسف هاي وعد مني والله والله ميتكرر مريم كافي فدوه لعيونج مردتي كلبي
مريم/بعد ماحجيت ورزلت صكر وطلعت كل القهر الي بكلبي بي سكتت كادني من ايدي وصعدني بلسياره ورجعنه للبيت دخلت كعدت ميته برد
صكر/اشو كعدتي كومي اسبحج ورجعي نامي
مريم/ماريد شي عوفني تعبانه
صكر/اصريت عليه بس بقت ترفض لحد ماشلته واخذته للحمام فتحت عبايته اذا هيه بملابس لنوم نقهرت من امي كلش شون هيج تقبل ع عرضي مو هاي مرتي شفت جسمه ازرك حترك كلبي حرت شسوي سكتت بس كعدته بل بانيو وفتحت لمي الحار وسبحته مثل الطفله وهيه ولا كلمه وكمت اغنيله وشعر وهيه ولا صوت خلصت اخذته للغرفه نشفت شعرها ومشطته وضفرته ونومته بحضني وكبل غفت بس اني الي مانمت وبقيت افكر شون ويه امي لا اكدر احجي وياها تبقه امي ولا اكدر اسكت عن بنيتي
مريم/كعدت لكيت صكر كاعد حضنته حيل وكتله
مريم/شمكعدك لسه
صكر/هاي لعيون لحلوه
مريم/نام يلا باجر وراك دوام
صكر/ماروح
مريم/ليش
صكر/اريد اكابلج وشبع منج
مريم/لا رد
صكر/شونج مو احسن
مريم/جنت مخليه راسي بصدره من كال هيج اخذت نفس منه قوي
مريم/هوه ليشم هذه العطر شون ميصير زين
صكر/يروحلج فدوه العطر وصاحبه
مريم /اصمله عليه من عمري ع عمره
صكر/اصمله عليج نامي يلا
مريم/مانام اذا انته متنام
صكر/دام شفتج صرتي زينه طبعا انام
مريم/تمام يلا نام
نمنه وكعدت لصبح ع لمسات صكر
صكر/صباح الخير ياحلئ قزومه
مريم/صباح الخير ياحلئ طويل
صكر/شتحبين لريوك من اديه لو مطعم
مريم/لا هاي ولا هاي اني اكوم وجهزه
صكر/لا ابد اني يعني اني
بقينه نتعارك اني ومريم ع الريوك لحد مااخر شي صفينه نجهزه سويه بس هيه ماتنغلب خلتني اجيب خبز اجيت لكيته مخلصه كلشي
مريم/مر 3ايام واني كله دايخه وتلعب نفسي ومالي غلك كلشي حرت بين حامل وبين تعبانه
مريم/حبيبي
صكر/ها يروحي
مريم/اريد تمرلي للصيدليه
صكر/خير كلبي بيج شي
مريم/لا لا بس اريد تحليل
صكر/لحضه افتهم تحليل شنو
مريم/حمل
صكر/حمل يعني انتي حامل يعني راح تجيني طفل منج ويشبهج
مريم/صبر حبيبي صبر ترا بس مجرد شك
صكر/امشي اخذج للمستشفئ هسه
مريم/والله فلا اروح تريد جيبلي تحليل واتأكد من لنتيجه عود يلا افكر
صكر/حاضر تم هسه احيبه
مريم/هسه تغده اول
صكر/لج ياغده يابطيخ ثواني
راح صكر جاب لتحليل وكلوله شون يستخدم واني هم قريت التعليمات دخلت وجان تطلع النتيجه حمل طرت من لفرحه ركضت لصكر كبل حضنته وهوه عرف بدون ماكله بقه يتحمد بالله ويبوس بيه عبالك ممصدك وتغدينه وهوه الي وكلني وكوه يلا راح للدوام يريد يبقه يهتم بيه واجه اليل واجاني صكر باحلئ خبر
صكر/باعي هاي البدله لو هاي
مريم/بدلت زواج
صكر/اي مو باجر الحفله
مريم/صكر حفلة منوو
صكر/حفلة زواجنه اخذتج بلحلال بعد لازم كدام الناس خلي كله تعرف مريم مريت صكر
مريم/حسيت طرت للسمه وحطيت من فرحتي كعدنه اختارينه لبدله ولصالون ولقاعه وكل الترتيبات وللصراحه اني بس كاعده صكر تكفل بكلشي طلعنه الصبح اني وياه وفاطمه اشترينه كم شغله الي ولصكر وللبيت ورجعنه بسرعه علمود اشوف دكتور واخذت سونار وحمل اكيد وصارلي 12 يوم بلحمل طلعت ب2 ونص وكبل للصالون خلصت وبقيت هناك انتضر صكر اجت الزفه ورحنه للقاعه
صكر/جهزت كلشي ومنعت مريم من لحركه بعد حامل واول حمل الهه لازم ترتاح رحنه للصالون نجيبه وكلبي يلعب خايف من امي لاتحجي شي لان حاضره العرس هيه واخواتي خوفي بس منهن رحت ولكيت اميرتي جاهزه وطالعه ك العاده تخبل بس هلمره لكثر رحنه للقاعه زلم وحد ونسوان وحد دخلته وكعدت شويه وطلعت وكلبي كله يمهه عود كلفت فاطمه بيهه
مريم/راح صكر واجت يمي بنيه تصير بل ص25 وكالت اني اخت صكر تعرفنه بس عيونه تذب كره صدك خفت منه واجت عمتي هم سلمت بس كوه تذب لحجايه واخواته خلصنه بسامير التايهه الساقطه بنت الشوارع بس عود يسولفن بيناتهن لو ع وحده بس ع كولت لمثل احجي عليج يابنتي وسمعج ياجنتي طنشتهن كلش ولا عبالك اسمع
ريم اخت صكر
ريم/هاج مريم شربي عصير
مريم/لا شكرا حبي ماريد
ريم/شربي شربي حامل واكيد تعبتي هوسه من لصبح لسه
مريم/اخذت العصير شربت منه شويه وخليته
نوب راحت بس سكتن بعد ولا حجن بقيت مستغريه هذني شسكتهن خلصت الحفله ع خير واجه صكر وطلعنه كبل للفندق
مريم/واخيرا متت تعب
صكر/ياتعب بعد حصتي
مريم/ياحصه بس لاعشت الحضه وعبالك صدك عريس
صكر/اي عريس ليش ماعاجبج وريد حقي هسه
مريم/صكر والله تعبانه وبطني توجعني وتلعب نفسي وراسي دايخ بعد شتريد
صكر/اي بعد طلعي طلعي عندج مفاصل وشقيقه وضغط وسكر كملي
مريم/بعدنه نسولف وحسيت سجين ووكع ابطني كبل ركضت للحمام اتقئء الم ولعبت نفس شويه واغمه عليه
صكر/ركضت مريم للحمام ورحت وراها لمن اغمه عليه شلته وركضت بيه للمستشفئ اخذوها الدكاتره وللعنايات المشدده وكبل عمليه غسل معده
صكر/ها دكتور بشر شون صارت
لدكتور/المريضه بخير بس للاسف فقدنه الجنين
صكر/ليش دكتور شنو الي صار مريم شبيه
لدكتور/لمريضه ماخذه سم ولسم مميت بس لحسن الحض ماخذه نسبه قليله اله غير هيج جان فقدناها هيه ولبطنه
صكر/وهسه هيه شلونه وضعه
لدكتور/وضعه مستقر ماكو اي مشاكل خلال ساعه اقل وتصحه
صكر/مشكور دكتور
الدكتور/الحمد الله ع سلامته
صكر/الله يسلمك
جنت متوقع راح يأذون مريم بس بهيج طريقه ابد ماتوقعت ف بسرعه ركبت سيارتي ورحت قبل لتكعد مريم
ام صكر/هلا يمه صكر شجابك
صكر/سوالفجن الي جابتني منو الي مسممه مريم
بقيت اتعارك وياهن واصر يحجن بس بقن يرفضن لحد ما قررت افصل علاقتي بيهن وجان تعترف ريم هيه الي سممته بأمر من امي
صكر/شوفي يمه وهاي اخر مره اكلج يمه مره هددتيني اذا ارجع مريم لاانتي امي ولا اني ابنج ف هسه اني الي انفذ بعد ابن اسمه صكر ماكو واني امي واخواتي الله يرحمهن ماتن
ام صكر/تعوف امك واخواتك علمود بنت شوارع
صكر/يمه هاي بنت الشوارع تربت احسن من تربيت بناتج الي تخلينهن يسممن بنيه بليلت عرسه وهيه حامل
ام صكر /يمه ابني حامل
صكر/اي حامل وبسببج وبسبب افعالج القذره خسرت ابني وجان حتئ مرتي خسرته لولا رحمت الله بس شكول حسبي الله عليجن
وبسرعه رجعت لمريم ولكيته نايمه بقت ربع ساعه وكعدت بقيت للصبح اراقبه متكدر تنام من لالم وجان لالم بيه مو بيه بكلبي وبروحي وخايف اكله ابنه الي بعدنه مافرحنه بي خسرناه
صكر/مريومه اشوفلج للدكتور يفصج يشوفلج شي
مريم/لا مو هسه جان هنا ماسوه هيج هسه فتره وتحسن ليضل بالك نام انته
صكر/اذا ماشوفج مرتاحه مارتاح
مريم/دام عيونك كبالي ف اني اكثر وحده مرتاحه بحياتي
كعدت ولكيت لالم مشتعل ابطني مو طبيعي بقيت للصبح بس اتالم لوجه لفجر يلا تحسنت ونمت شويه
مريم/ساعه شكد
صكر/11
مريم/شوكت نطلع لعبت نفسي من لمستشفئ
صكر/فتره ونطلع وهم خابرت ع فاطمه تروح للبيت تسويلج شروبه بعدج بلا ريوك
مريم/خلي نطلع ويصير خير
ف ورا 2 الضهر طلعنه ورحت لكيت فاطمه مسويه شوربه وكلني صكر شويه كوه
صكر/مريم اريد اكلج شي بس اريدج قويه
مريم/خير صكر اهلي بيهم شي
صكر/لا مو اهلج الطفل سقط
مريم/تخبلت لمن عرفت بجيت صرخت متت كلبي نترس قهر فوك كلشي اخسر ابني لا اني من اهل يحبوني لا اني من عيال يحترومني عود طلعت بصكر وهاي طفل وخسرته بس الحمد الله ع كل حال
مرت لايام وتعافيت ونسيت السالفه وراحت شهور ومرت سنتين وصار عندي بنيه وعمرها سنه وشهرين وسميناها فرح لان فرحت حياتنه هيه ورجعت السعاده ونستن كل همومي
وجان راس السنه ل سنة 2020
صكر/اليوم محضرلج مفاجئه بس مادري تضبط او لا
مريم/اي شنو بلا
صكر/اريد نروح للنجف
مريم/بحزن… شنسوي
صكر/نزور وعندي فكره بلكي تضبط
مريم/والي هيه
صكر/صار فتره ادور اخبار  ع اهلج وعرفت اخوج حسين خاطب ويريد يزوج هلشهر وامج تريد تطلع تسوك ف نروح هليومين بلكي الله طالعه وشايفته
مريم/يابعد عمري حسوني يايعد اختك خطبت وراح تزوج واني مو يمك وكمت ابجي بكل قهر هذه حسين جنت بس انتضر يزوج حتئ تصير مرته اخت بلبيت بس ياوسفه لا بقة لبيت ولا لاهل خسرتهم كلهم صح صكر ممنقص عليه كلشي وطول هلسنين حجايه وحده ماسمعت منه ومايمر يوم اذا مايونسني ويغيرلي جو بأي طريقه حتئ من اجت فرح للدنيه يدللني ويهتم بيه اكثر منه ونطاني حب ماشفته من امي ولا من ابوي بس مع ذالك احن لاهلي كلش اشتاق لسوالفهم لجمعتهم لشوفتهم
رحنه للنجف وكعدنه بفندق ونطلع من لصبح للمغرب بس مكابلين بيت اهلي وشفتهم كلهم بس صدك شبعت بجي وكوه الزمت نفسي ماروح الهم
صكر/مريم كافي تبجين
مريم/صكر هذوله اهلي صار سنتين ونص مشايفاهم شوف شون عدهم خبصه محتفلين براس السنه وبزواج حسين فرحانين بابنهم ونسو بتهم وحيدتهم نسوني صكر اهلي نسوني
صكر/احنه مو كلنه اني اهلج
مريم/اهلي وفوك اهلي والله ميستاهلون هيج احرك كلبي عليهم بس شسوي احبهم ماكدر انساهم
مريم/النهار كله واني اباوع عليهم هواي مرات شفت ابوي واخواني بس امي مره وحده طلعت لبيت جيران ورجعت صار لمغرب ورجعنه للفندق
صكر/تردين باجر نرجع بعد
مريم/هااا عادي يعني وكتك يسمحلك
صكر/اي عندي يومين نروح باجر لعد
مريم/اي والله ياريت بلكي اشوف امي
وصار لصبح وكبل طلعنه صكر روح يتمشه ينزل يلعب فرح بس اني ولا اشيل عيني عن باب اهلي شفت عمامي واحد واحد تمنيت يمهم وبيدي سيف وكطع ركابهم واحد ورا الثاني شكد اكرهم
وصار الضهر وشوف امي طالعه وياها خالتي وبنت خالتي واخوي حيدر كبل ناديت لصكر لحكهم راحن للسوك وحيدر نزلهن وراح دخلن لمحل يفصلن دشاديش واني اباوع لامي شون متغيره ضعفانه سوده عليه
صكر/اني نازل يمهن
مريم/صكر صدك تحجي تريد تفضحنه
صكر/شفضحج بنيتي وين يعرفني راح اخذ فرح وياي خلي تشوف بيبيتهه
مريم/يااا وشتكله بلا
صكر/مادري اشوف بس لتخافين تمام
مريم/اكيد لا اعرف ماتجيبلي غير الخير
علما لبست كفوف وبوشايه وماكمت بقيت كله كاعد لان امي ابد متضيع طولي كبل تعرفني
صكر/السلام عليكم
حنان/وعليكم السلام
صكر/يمه فدوه لعينج بلكي تخلين هاي الطفله يمج شويه ورجع
حنان/اي خليه شصير منك
صكر/بنيتي شويه واجي
رحت دخلت محل ثاني شويه ختلت حتئ تبقه بنتي يمهه علمود مريم تفرح
صكر/شكرا الج امي تعبتج وياي
حنان/لا وليدي عادي بس ليش وين امها
صكر/اوف يايمه شكلج امها مطلوب دمه اهله ضلومها ضاعت ابغداد وعبالهم شردت اخذته وتزوجته بقت عندي سنه ورا زواجنه وتوفت وعافت هل طفله بركبتي
حنان/بصدمه بحزن بخوف….. شنو اسمه
صكر/مريم جانت مثل لورده صغيره وحلوه عمرها 18 سنه من اخذته بس الله يرحمها ماتت ضلم
بقت بصدمه وجها يحجي الف سالفه لحد ماوكعت واغما عليهه اخت اخته وبنت اخته واني وياهن لمن كعدت تبجي وتصيح يمه بتي يمه يتي اجت مريم تركض
مريم/ها يمه يمج يمج هياتني يمج
حنان/يمه يمه بتي
شفت صكر واكف يحجي ويه امي لمن وكعت بلكاع ماتحملت ورركضت الهه ماعرف صكر شحاجيله حتئ هيج مرعوبه عليه حضنتني بكل قوه وكامت تبجي هيه وخالتي وتكول يمه بتي يمه بتي مافهمت بس هيج بس كلش رتاحيت بقيت ابوس بيه واشم بعطرها الي نحرمت منه كل هلسنين شويه وسكتت ووخرت عني وراحت
مريم/يمه فدوه حاجيني والله نضلمت يمه اني تربيتج والله ضعت وعافيت بنيتي
من كلت هيج باوعت ع فرح وبجت
حنان/هاي بنتج
مريم/اي يمه هاي بنت بنتج يمه كافي والله تعذبت عشت الم هلسنين وحدي بقهر بضلم بحزن لا اب لا ام لا اخ بغربه يمه بغربه لا من تزوجت لا من حملت لا من جبت كله وحده ماستند بس ع صكر تعبت وتعبت الرجال وياي كافي يمه رجعيلي عاد بس انتي بس صدكيني خلصنيني من هلحمل
حنان/شوكت تزوجتي ومنو هذه الي تزوجتي
مريم/بس تعاي للسياره لو بمكان واني اسولفلج كلشي
صدك مشت وياي ع جهه وحجيتله كلشي ونشفت دموعنه من لبجي اني احجي وابجي وهيه تسمع وتبجي واكثر شي حنن كلبه عليه فرح كل ماتباوع عليه تبجي وتكول منو دار باله عليج
مريم/محد غير صكر كوه اخذ اجازه سبوع وبقه يمي  ماخصلت 10 ايام وكمت للبيت
بقينه 3ساعات كاعدات ونسولف ع الي صار وياي وشلون عشت هاي لمده كله والحمد الله امي صدكتني بس مو كلش بس اهم شي استقبلتني واخذت رقمه وكمت كل فتره اخابره بلسر عن ابوي واخواني لان كلش يكرهوني وحاقدين عليه وبعد مارجعتلي امي رتاحت روحي حسيت نفسي نولدت من جديد حسيت بلسعاده ضكت لفرح واخيرا تهنيت برجلي ببنيتي والف الحمد الله عشت حياة سعيده من طفله وزوج وام……  ف ماتضيك اله تفرج هاي حياتي الي مرمرتني بعدين ضحكتلي ورجعتلي امي ونطتني بنيه مثل لورد ورجل زينة الزلم كامل والكامل الله كلشي نريده يتحقق بس نحتاج صبر وامر رب العالمين

حبايبيعندي قصتين وحده تحجي عن بنات عم يرحن فصليه لاخوان بسبب عمهن… ..لثانيه تحجي عن بنيه ريفيه تحب ابن مدينه وتتنكر بشخصيه بيت مدينه وراح يحب وحده ويزوجها ويكتشف انو هيه نفسها للي جان يحبه