خذني اليك_سيدي

صكر/اخذت لغده ورحت وطلبت مني ابقه اتغده ماردت احسسه بلغربه او شي اكلت شويه وكمت علمود تاكل لان جانت مستحيه مني رجعت لدوامي نشغلت عنه كلش بحيث نسيته باوعت ساعه 9 تذكرت اني كتلهه مارجع للبيت صارت 12 ونص كلت اروح ابات بلسياره بس ارجع اغير ملابسي رجعت دخلت لسياره للحوش وانتبهت انو نضيف نزلت دخلت للاستقبال هم نضيف كلش نرسمت ع وجهي لبتسامه دخلت لكيت لصاله ع وضعه رحت للمطبخ هم ع وضعه كلت اشوفها نايمه لو لا حتئ اخذ ملابسي فتحت لباب محد بس سمعت صوت يشبه لونين ورا لباب واذا الكاها تبجي ومخروعه ركضت عليه متحجي بس لافه اديه ع رجليه وتبجي كمت شغلت لاضويه وكمت احجي وياها اهدي بيهه
مريم/حجه صكر وكبل عرفت صوته بس لخوف بقه بكلبي اريد احجي اريد اتحرك ماكدر حسيت نشليت من لخوف بقه يسولف وياي باوعت بعيونه لخوووووف يربي خايف عليه شكد ستحيت من نفسي ورطت لرجال وياي
صكر/يقت تبجي باوعت بعيوني هذيج لنضره بعمري مراح انساها الخوف لرعب الكسر الجزع ولعتاب كمت لزمت ايديه كتله كومي ماكو شي
مريم/لزم ايدي وحسيت شي ولزم كلبي دكاته صارت الف توترت كلش حتئ نسيت لبجي ولخوف مسحت دموعي وحاولت اهدء
مريم/اني اسفه
صكر/ليش تعتذرين اني لاسف لمفروض ماعوفج وحدج
مريم/بتليت بيه اعرف والله
صكر/لتحجين هيج كومي يلا
مريم/كمت وياه رحنه للمغسله غسلت وجهي خطيه بقه يمي ورا تحرك
صكر/تعاي نكعد بلغرفه
مريم/ها يلا
صكر/حسيت بلذنب لمن شفته هيج ف حاولت اهدئهه قدر لمستطاع....شوفي انتي بالج يمي
مريم/ اي ترا صرت زينه مايضل بالك
صكر/وجودي اذا يزعجج هسه اروح
مريم/لا لا وين تروح
صكر/اكول اخاف تستحين مني او تضايقين
مريم/لا ضل اخاف وحدي
صكر/تمام حنام بلاستقبال
مريم/لا وين بعيد عني
صكر/ههههه شبيج خايفه والله ماكو شي
مريم/لان بيت غريب اله اني مو هيج
صكر/اريدج سباعيه واني حنام بلصاله
مريم/لا وصخه
صكر/حرنه وياج وين انام لعد
مريم/هناا انته ع جربايه واني ع تخم
صكر/متأكده
مريم/اي متأكده ......اخذله مخده وكعد ع قنفه يريد ينام عليهه
مريم/اني انام هناا انته نام ع جربايه
صكر/اششش نامي ع جربايه ومعليج مني
مريم/تمام
عزه شكد استحيت ينام ع قنفه واني ع جربايه رحت بعباتي تغطيت وسويت نفسي نايمه بس لواقع ابد ماكدرت تاخذ عيني نوم خايفه ومستحيه كعدت باوعت عليه منطيني ضهره ومتلفلف تلفلف بدون غطه اخذتلي بطانيه وغطيته ورجعت كعدت افكر بأهلي شكد كرهت نفسي وين جنت وين صرت قبل بشارع ماحجي ويه الولد وهسه نايمه وياه نفس لغرفه دموعي صبن غصب كمت اغسل وجهي لان ماريد ابجي اريد اصير سباعيه مثل مكال صكر.....
صكر/رحت انام لان تعبان درت وجهي عنه خاف تستحي مني او شي غفيت لمن حسيت بيهه دتغطيني بقيت اتضاهر بلنوم بس احس بحركته حسيت بيهه تبجي شويه نفتح لباب باوعت مريم ماكو كعدت ع حيلي كلت هسه تجي يمكن راحت للحمام بس تأخرت كمت وراها...
مريم/غسلت وجهي وباوعت من لشباك منضر لنجوم يخبل واني من عشاق هيج مناضر بقيت صافنه بلسمه ردت ارجع للغرفه بس مجايني نوم ف كلت ابقه احسن لحد محسيت حركه وراي باوعت صكر واكف مجتف اديه لورا ومبتسم
مريم/هاي انته هناا شكعدك
صكر/فزيت ولكيتج ماهي واجيت اشوفج
مريم/مجاني نوم وطلعت اشم هوئ
صكر/خيرج بيج شي
مريم/لاا والله بفضلك وبفضل الله الحمد الله كلشي ممحتاجه غير شوفت اهلي
صكر/ فضل الله هذه اني مسويت شي واهلج نشالله عن قريب تشوفينهم
مريم/نشالله يلا نرجع انام
مشه صكر كدامي واني وراه رحت للجربايه كعدت
صكر/مريم
مريم/هااا
صكر/من تنامين شيلي عباتج لتخافين مني ترا ماباوع ع جهتج
مريم/لا عادي مرتاحه هيج
صكر/ع راحتج
لفتت انتباهي هاي لبنيه شون هيج محافضه ع عبايتهه ع سترهه ع ثكلهه حتئ واني نايم ماطلعت اله ولبست عبايته بقيت افكر بيه وطارت نومتي ...
مريم/رحت بقيت شويه كاعده بعدين غفيت ...
صكر/شكد حاولت انام ماكو باوعت ع مريم نايمه كعدت ع حيلي باوعت بوجهه لملائكي شهل ترافه شهل برائه حتئ وهيه نايمه ملامحهه طفله استغفرت ربي ودرت وجهي ونمت لحد لصبح كعدت مريم ماكو باوعت للساعه 7 ونص طفرت متأخر ع الدوام ركضت غسلت وجهي ورجعت غيرت ملابسي رحت لمريم مستعجل كلش
مريم/كعدت باوعت ع صكر نايم فدوه لوجهه شكد هادء ولا عبالك هذاك صكر لهيبه ليخوف نفسه حلو وهوه نايم حسيت نفسي اول مره اشوفه او بلفعل اول مره اشوفه لان استحي اباوع بوجهه باوعت ساعه 7ضبط كمت غسلت وجهي ورحت للمطبخ لكيت جاي سويت ووسويت طماطه وخليت جبن سمعت صوت لمي نفتح عرفته كعد بقيت بلمطبخ ستحيت اروح اشوفه لمن هوه اجه
صكر/صباح لخير
مريم/صباح لنور هاا طالع
صكر/ايي والله متأخر
مريم/بس حضرتلك لريوك
صكر/ماكدر كعدي تريكي انتي وقفلي لباب زين واي واحد يدكه لتفتحي
مريم/حاضر
صكر/هاج هذني فلوس طلعي تلكين فرن بصفحت لبيت شتري خبز تريكي بي وسوي غده وتغدي لان ماكدر ارجع وعلاجج مو تنسينه
مريم/جان يحجي واني صافنه عليه حتئ وهوه مستعجل مانسه اكلي ولا علاجي ولا لاماني
صكر/فهمتي
مريم/هههه اي فهمت
صكر/يلا مع السلامه
مريم/الله وياك
ركب لسياره وطلع راسه من لجامه وكال
صكر/مو تخافين بليل والله كلشي ماكو واني اتاخر اله ارجع لتخافين تمام
مريم/انشالله
راح صكر ودخلت للبيت فكرت اروح للفرن بس تراجعت لان اخاف ف مرحت اكلت تفاحه وكمت للمطبخ نضفته كله حتئ لحايط مسحته شكد صار حلو ولا عبالك نفسيته تذكرت علاجي ماكدر اخذه بدون اكل واني هم جوعانه كلش رحت للغرفه اخذ عبايتي حتئ اروح لان من يطلع صكر انزعها لبستهه وطلعت امشي وكول اني سباعيه صكر كال سباعيه اني قويه ماخاف من شي اني سباعيه صدك اخذت لخبز ورجعت لحمدالله مصار شي وياي ولا احد تعرضلي تريكت باوعت لصاله بعد باوعت للساعه 11ونص تعاجزت عفته ورحت للغرفه اخذت علاجي وفتحت لتلفزيون بقيت اكلب بلقنوات لكيت مسلسل تركي بقيت اباوع عليه ف صار عندي فضول اشوف شكو بلغرفه فتحت لكنتور ملابس كوووووومه ولا عبالك رجال عنده كومه ملابس فتحت لمجرات شون مرتبات ولا عبالك بنفس لبيت لمتروس زباله مجر سوع وحلقات لدشاديش مجر اوراق واقلام مجر بس هواي شغلات مثل لمقراضه ولمحفضات وملمع لاحذيه وبعد هواي شغلات فد نصدمت شون هيج مرتب عفتهن ورجعت للمسلسل تذكرت نفسي ايع صارلي شكد بهذني ملابسي نوب لبنطرون كسرني تكسر حرت بين اسبح بين اغسل عبايتي كمت غسلت عباتي والحمد الله عنده غساله جففته وخلينه ع صفحه قريبه مني للاحتياط دخلت للحمام غسلت ملابسي وخليتهن يتجففن لمن اسبح وبقيت كل شويه اعيد لتجفيف علمود لبسهن ماعندي غيرهن خلصت بيهن شويه رطوبه بس ميخالف احسن من لوصخ طلعت للغرفه مشطت شعري وجان عنده كومه عطوراته صح رجاليه بس يخبلن واحد كلش حبيته ماتحملت ورشيت منه وشعري عفته مفتوح حتئ ينشف لان ماعرف اذا عنده شسوار او لاا باوعت ساعه 1ضحكت مدري ليش فرحت من شفت لوقت ماشي هيج يمكن لان لموعد باجر يرجعني لاهلي كمت للصاله طلعت فراشه وغسلت لارضيه ورتبتهه للاخير كلت اخذلي فره بلبيت خاف ناقصه شي اقل شي اسوي حتئ اجازي انضفله بيته لاستقبال نضيف الحوش نضيف لصاله نضيفه لمطبخ نضيف لحمام بي ملابس اله غسلتهن دورت لكيت اوتي كويتهن اله رحت لكيت لمغسله مو شي هم نضفته رجعت للغرفه باوعت ساعه 5 ضربت ع خدي عزززه ممتغديه ركضت للثلاجه جايب دجاجه ويه لمسواك اخذت نص طبخته مركه وتمن اني مجان قصدي اكل الي بس فشله من صكر شيكول عليه لمن يلكاني ممسويه اكل يكول تنتضرني اجيبله جاهز. صبيت غده واكلت شويه وغسلت لمواعين ساعه 6 ونص شوكت يرجع صكر يربي راح يصير لليل واخاف وحدي من ذكرت اني سباعيه خليت لتلفزيون ع دعاء علمود شويه ارتاح صليت وبقيت لتصفن ماكو شي ماكو شي ماكو شي لتخافين محد يمج اسولف ع نفسي بس كون اصير قويه شويه اخذتلي ورقه وقلم من اوراقه وكمت اكتب اني من محبين لشعر صح مو شي بس لكلمات لتجي ابالي اكتبه كمت اكتب بس اريد الهي نفسي ف كتبت مدري شنو مو شعر وانما سوالف لمهم اشغل تفكيري كل شويه عيني تريد تروح للساعه بس اردهه لان بس اشوف لوكت اخاف لمن اشوفه صاير ليل حتئ لبرادي سادتهن علمود ماشوف ضلام ف خلصته بين اباوع ع لتلفزيون بين اتمدد واتصفن بين اذكر اهلي واضحك بين افكر بصكر بين اكتب واسلي نفسي لساعات صارت سنين باوعت 10 شوكت تجي ل12حتئ يجي صكر يلا ساعتين مابقه شي داسولف هيج وندك لباب طفرت متتتت يربي منو لاجه صكر ميجي هسه
صكر/فتحي لباب مريم هذه اني صكر
لمن سمعت صوته ركضت بفرح فتحت لباب
مريم/كواك الله
صكر/كوه لله حيلج شونج
مريم/الحمد الله
صكر/تعشيتي لو بعدج
مريم/لا ماشتهي
صكر/اي احسن حتئ تاكلين وياي اني هم ممتعشي لسه وميت جوع
مريم/تأمر امر ثواني ويصير عندك العشه
صكر/جان عندي مجال بس تعمدت ماروح لشوفها لان اريده تصير قويه وتتغلب ع الخوف لي بداخله وصار عندي مجال ارجع للبيت من وكت اجيت افتح لباب تذكرت لمفتاح عفته يم مريم دكيت لباب تاخرت يلا فتحته باوعت عليه شون فرحانه بجيتي بهاي لحضه ماحسيت نفسي غريب حسيت بلحنان حسيت نفسي ابو الهه عبالك اب وشاف بنته وحتئ هيه تلكتني بطريتهه لحنونه من صدك حسيت اني ابوها دخلت لسياره واني اسولف وياها نزلت وباوعت للصاله ماشالله تلمع رحت وراها للمطبخ
صكر/اول شي شكرا ع تنضيف لبيت
مريم/قليل بحقك لان مساعدتك هاي الي تسوه اكثر
صكر/لا كتلج هذه واجب وثاني شي مجان واجب عليج تشتغلين وتعبين نفسج وانتي مريضه وتعبانه
مريم/لا بلعكس محد يسليني غير لشغل واني اصلن طبت كلشي مابيه حتئ لعلاج اريد اتركه
صكر/لعلاج لااا لحد ميخلص هوه
مريم/ههههه حاضر
صكر/اني حروح اغير ملابسي لمن تخلصين
صكر دخلت للغرفه اخذت ملابسي ورحت الحمام انتبهت ملابس وصخه ماكو عرفت مريم غاسلتهن رجعت للغرفه شفتهن مكويات ومعلكات بتسمت بدون شعور شكد كبرت بعيني هاي لبنيه يربي كل يوم تصدمني بشي وتخليني انعجب بيه اكثر
....
مريم/فتحت لعلاليك لكيته جايب كص لحم وصمون ومقبلات وببسي رتبت لطاوله لبلمطبخ وحميت مركة لدجاج ولتمن وهم خليته
مريم/يلا العشه جاهز
صكر/يلا جاي. .... رحت للمطبخ ضحك
مريم/معجبك لاكل
صكر/لا بلعكس شكله طيب بس اضحك ع المطبخ من زمان مشايفه هيج نضيف
مريم/ههههه اي دام اني هنا تعود ع نضافه
صكر/والله ونعم وثلث انام
مريم/ههههه من اصلك
صكر/بس شنو لفائده راح ترحين ويرجع لوصخ نفسه
مريم/صدك شوكت ترجعني لاهلي
صكر/انتي جهزتي لورقه لي انطيتجياها
مريم/اي اي جاهزه كلش
صكر/من نخلص العشه نطينياها انطيه لصديقي وباجر هوه يروح للنجف ويجيب كل معلوماتج علمود اني كبل اخذج لاهلج
مريم/معلوماتي علمود شنو
صكر/يعني اقصد يدور اهلج يشوفهم وين يتأكد من مكان بيتكم علمود اني ماروح ادور كبل اوصلج
مريم/اهااا شكرا الك
صكر/عود من توصلين اشكريني
مريم/ههههههه
صكر/ههههه
خلصنه العشه صكر راح للغرفه واني بقيت اعزل لمطبخ غسلت لمواعين خصلت ورحت للغرفه لكيته يريد يطلع
صكر/شوكت جبتي خبز لصبح
مريم/ورا ال10
صكر/خو ماصار وياج شي
مريم/لا الحمد الله
صكر/اني طالع محتاجه سي
مريم/بخوف...وين رايح
صكر/هنا للمحل اجيب ريوك وكم شغله ماتأخر
مريم/تمام
صكر/شجيبلج وياي
مريم/سلامتك
صكر/تمام راح اقفله لباب وراي
مريم/اي اقفله
رحت للغرفه تمددت ع قنفه بقيت افكر بصكر بمعاملته شون حلوه وياي صدك مرتاحه وياه لو لشباب كله مثله جان عشنه بامان حسيت نفسي اريد اغفه كمت غسلت وجهي وفتريت بلبيت ورجعت كعدت سمعت لباب نفتح عدلت عباتي
صكر/هاي الج وهذه ريوك راح اخلي بلثلاجه
مريم/فتحت العلاكه حلويات عزه شكد ستحيت سديته وخليته ع صفحه اجه صكر وبيده كلاصين نطاني واحد وراح كعد ع قنفه يشرب ويباوع وبتلفونه لحد مااني كمت وعثرت وهوه طفر الي لمن تبده لببسي ع القنفه
صكر/خما تاذيتي
مريم/لا بس القنفه تنكعت
صكر/مو مشكله انام بلصاله
مريم/لاا وين لصاله هناا تنام
صكر/ لا ابويه بلصاله انتي نامي واخذي راحتج
راح صكر للصاله فرش ونام بقيت اتكلب ماكدر انام خايفه طلعت لكيته كاعد
صكر/ هاا اجيتي
مريم/خايفه هناك ماكدر انام
صكر /تعاي نامي هنااا
مريم / لا انته ماكو داعي
صكر/لا اكو روحي جيبي فراش فرشي هنا يمي ونامي
مريم/صدك جذب رحت جبت فراش فرشته يم لحايط فصار قريب عليه مسافه خطوتين تقريبا جان يكلب بلجهاز بس من اجيت نام
صكر/اجت خايفه الصدك اني جنت منتضرها تجي لان اعرفها تخاف من خيالهه مريم طبعه حلو خجوله حنونه ام دميعه ع اتفه شي تبجي واتوقع عصبيه واحلئ شي شرفها كلش شريفه ومحافضه ع ستره.
اجت نامت فد مسافه عني اني ماردت اضايقهه عفت لجهاز ونمت بس ماغفيت هيه هم تحوس اعرفه مستحيه مني بعدين غلبني النعاس ونمت
مريم/بقيت اراقب صكر منتضرته ينام صدك حسيته نام كبل نمت كعدت لصبح ولكيته ماكوو كبل طفرت باوعت ع نفسي الحمدالله متغطيه زين بلبطانيه
صكر/بليل فزيت باوعت ع مريم بسابع نومه بقيت اباوع عليه غصب ادير وجهي ورجع اباوعلهه استغفر ربي اتعوذ من الشيطان بس عيوني عليه كمت غسلت وجهي ودخلت للغرفه شربتلي جكاره ورجعت نمت كعدت الصبح ساعه 6 غسلت وكعدت بلغرفه اتصفح بلجهاز لمن اجت مريم
مريم/صباح الخير
صكر/صباح الورد
مريم/عبالي رحت
صكر/لا ب 7 اطلع
مريم/ثواني وجيبلك لريوك
صكر/حضري سوه
مريم/هااا
صكر/سويلنه سوه اني وياج
مريم/تمام
صكر/حلوه نفسه بل اكل من تكعد وياي تاكل تنفتح شهيتي ويصيرلي واهس اكل
مريم/غسلت ورحت باوعت لسياره هناا رحت للغرفه لكيته كاعد ع جربايه ولازم جهازه نوب كلي اسوي ريوك سوه عزه شكد عيب هذه لهس بيه اففف يلا ميخالف هوه كله ليوم لو باجر اروح جهزت لريوك وكتله راح جاب خبز شويه واجه بملابس لدوام شكد يخبل بيهن لهيبه يربي خلي اوصفلكم شكله طوله 185 وزنه 75 شعر ناصي عيون سود ومجروره بشره حنطاويه وشويه بيه سمار مخلي بس شاربه اسود شكبره يخبل اما اني /طولي 148 وزني 58 قزمه وسمينه اعرف افشل بشرتي بيضه شعري طوييل كلش شويه ويصير يم لركب عيوني بني ومعدوره وحلكي صغير ناعمه كلش عمري اكبر من شكلي
صكر/جبت خبز نطيته لمريم ورحت غيرت ملابسي رجعت لريوك جاهز
صكر/عاشت لايادي
مريم/بلعافيه
صكر/ليوم صديقي راح يروح للنجف علمود يشوف اهلج
مريم/بفرح....صدك والله
صكر/اي والله حتئ باجر اوديج لاهلج واذا كدر يجيب معلوماتج بليل اذا تحبين
مريم/بس خلي يلكاهم حتئ لو عكب باجر هم ميخالف اهم شي ارجع
صكر/يلا اني اروح وماوصيج بعد تعرفين شنو
مريم/ههههه مافتح لباب لاي واحد وانتبه ع نفسي واخذ علاجي واسوي غده وتغده لان انته متجي
صكر/ههههه عفيه لشطوره يلا مع السلامه
مريم/الله وياك
صدك جذب ارجع لاهلي رحت بفرحتي رتبت لبيت كله ونضفته من جديد وسويت غده تمن ومركت بيتنجان لان كلش احبه وطبخي بيه ممتاز وكلت بما انو راح اروح خلي ادلله شويه سويت مقبلات بيتنجانيه وحمص بطحين وخليتهن بحافضه وعفتهن بلثلاجه صارت ساعه 2ونص صبيت غده وتغديت ورحت للغرفه شغلت لتلفزيون اباوع فلم واجه صكر
صكر/سلام عليكم
مريم/وعليكم السلام
صكر/شنو هاي لريحه لطيبه شطابخه
مريم/تمن ومركت بيتنجان
صكر/بيتنجان وهيج طيب
مريم/ماعرف طعمه يمكن يختلف
صكر/يلا لعد صبيلي
مريم/حاضر ثواني بس
صكر/رجعت للبيت اشوفه واخذتله ملابس لان ماعده ومتقيده بلعبايه ولكيته مسويه غده وريحته تشهي واني جوعان ف كلت اتغده يلا اروح
مريم/صبيت الغده وصكر اجه كعد يمي لمن خلصت كلي اكو غراض بلسياره نزليهن رحت لكيته فواكه وملابس مافتحتهن كلت اكيد اله بس اخذت لمسواك اغسله
صكر/اكو ملابس h__x_25لكيتيهن
مريم/اي خليتهن الك بلغرفه
صكر/مو الي الج
مريم/والله احرجتني ليش تكلف نفسك والله هواي عليه
صكر/لا تستاهلين اكثر ع هل ترتيب ع هل طبخ لطيب ع التعب لي تشتغلينه بلبيت
مريم/والله اقل شي اسوي اشتغلك بس انته الله يهديك مسويه وحده بوحده
صكر/لا والله مو هيج بس لان صارلج فتره بملابسج ومتقيده بلعبايه
مريم/جزاك الله خير اي والله متعبتني كلش
صكر/ههههه هسه رتاحي منه يلا اني اروح
مريم/ولجاي
صكر/هم مسويه
مريم/اي هسه سويتلك
صكر/والله عمي معدله يلا صبي
مريم/ههههه هوه جاي سمشويه
صبتله جاي وشرب ويريد يروح مشيت وياه للسياره هاي كل مره من يطلع اطلع وياه للسياره ومن يروح ارجع
مريم/صكر محتاجه كم شغله للبيت
صكر/اي كولي
مريم/اريد بيتنجان وسلك ودبس رمان وليمون وبهارات
صكر/ماشي اجيبهن وياي بليل لو مستعجله عليهن
مريم/لا عادي بليل ماعندي شي
صكر/تمام يلا دخلي جوه وقفلي لباب
مريم/تمام
راح صكر ورجعت للبيت غسلت لمواعين لتغده بيهن ورحت للملابس لي جابهن دشاديش ثنين وشالات ثنين وبدي ماروني وبجامه سوده وشويه لكيت علاكه صغيره فتحته واذا هيه ملابس داخليه بقيت الطم من لفشله شكد عيب هذه شبي شون هيج يجيب متت بدمي رجعت لميتهن لتراك ولملابس الداخليه ووحده من لدشاديش ضيعه هم خليته وياهن وشال واحد هم رجعته لحاصل اخذت دشداشه وشال بس لاخذته تصير عريضه كلش مو ع قياسي ابد وطويله كصيته سويت طولهه ع كدي اما لعرض فرحت بي علمود مابي حرام او عيب ابد ممبين شي من جسمي لونه وردي باهت وبيه من وسط رسم دبابه ثنين بلونه كلش لكيته مناسقهن ثنينهن حتئ هذاك لشال ولدشداشه اخذتهن وسبحت ولبستهن اويلي ع الراحه اخيرا تخلصت من لبنطرون بقيت احوس بلبيت لمن صار لمغرب ساعه 6ونص ودخل صكر
صكر/صاح... مريم
مريم/ها هاا
صكر/وهوه داير وجه ...جبتلج غراضج
مريم/مو وكعت كلبي ليش تصيح
صكر/مابيه حيل ادور عليج ...باوعت لكيته نازعه لعبايه ولابسه دشداشه وردي وعريضه كلش وهيه كصيره صايره تخبل بقمة الكياته ولطافه
صكر/هههه هاي شنوو طالعه حلوه
مريم/ستحيت ودنكت راسي......مشكور ع ملابس بس رجعهن ماحتاج غير هذه واني باجر رايحه
صكر/شنو معجبنج
مريم/لا حلوات بس ضيكات بس هذه زين
صكر/هااا مو اني ماعرف اشتري للبنات ف دخلت لمحل ولكيت مره كتله خاله خليلي ثنين دشاديش وشالات وياهن وكم شغله ع ذوقج
مريم/ها يعني انته وصيت بس ع الدشاديش
صكر/اي ليش شكو غيرهن ترا مافتحت لعلاكه
مريم/ماكو شي هيج بس اكول
صكر/اعرف تقصد ع الملابس الداخليه واصلن جذب اني شتريتهن بس ماريد احرجهه
مريم/شعجب ليوم جاي من وكت
صكر/ماعندي شي واصلن ليوم اخر يوم الي بلكاضميه بعد ارجع لدوامي ارتاح
مريم/هاا زين شنو نوعه دوامك
صكر/عندي فراغات اكدر ارجع للبيت وعطل مو مثل قبل
مريم/هااا هسه اسويلك عشه
صكر/لا لتسوين نطلع نتعشه بره
مريم/هااا لاا هنا احسن
صكر/مشتهي اطلع كلس وماكدر اخليج وحدج
مريم/تمام لعد نطلع
استحي اطلع وياه وخطيه اخربها عليه ف قبلت نروح نتعشه بلمطعم لبست لتراك ولفيت شالي وجنت غاسله عباتي لبسته ف صرت شويه حلوه مرتبه واكو شغله ماذكرته جايبلي حذاء ويه لملابس لان ماعندي اجيته حافي باقيه البس من احذيته شالي لوردي ولبدي ابيض ولبجامه سوده ولحذاء رياضي ابيض ورشيت من عطره الي احبه ماعرف ليش احسه عطري مو عطره طلعت لكيت صكر بلصاله ينتضرني