البارت الخامس🌹🌹🌹
اخذ سيف يضحك على كارمن وشكل وجهها بعد أن علمت بمكوثه معها
كارمن : تبات هنا ازاي مش فاهمة فضحك على شكلها
سيف : زي الناس انتي ناسية انك مراتي ولا ايه فأرتبكت كارمن وابتلعت ريقها بصعوبة ونظرت له
كارمن : لا يا سيف مش ناسية بس بليز روح اطلع لمراتك وماتقلقش ماحدش ح يحس بحاجة مش ح اقول لحد حاجة فشعر سيف بألم في صدره لرفضها اياه فنظر لها بحزن
سيف : يعني مش عايزانى، وجودي مالوش لازمه فردت سريعا
كارمن : مين قال كده ياسيف انت وجودك اهم حاجة عندي ولاحظت ردها فأرتبكت وحاولت تغيير الحوار انا قصدي انت لسه متجوز جديد وكمان من مراتك حبيبتك غير القلم اللي حضرتك هبدته لها ده يالا ياسيف اطلع لها فنكس رأسه بحزن وشعر بالألم على وجعها فهي تذكره بكلامه لوالده في المكتب وجاء ليتحدث فوجد هاتفه يرن فنظر فوجدها هي شاهي
سيف : ايوة ياشاهي خير فأستمع لبكائها ووقف مكانه وهو يتحدث في ايه ياشاهي حصل ايه وقد كانت شاهي قد فكرت كيف تجعله يصعد لها سريعاً
شاهي : تعبانة قوي ياسيف الحقني بطني بتوجعني قوي مش قادرة استحمل الألم ده فتنهد سيف بقوة
سيف : طيب طيب انا طالع لك ونظر لكارمن بحزن و قبل أن يتحدث ابتسمت له ووضعت يدها على كتفه
كارمن : اطلع يا سيف شوفها وماتقلقش ان شاء الله خير ابقى طمني عليها ولو احتجت حاجة انا صاحية فابتسم لها واتجه لها مقبلا رأسها وهو يستنشق عبير شعرها وضمها لصدره وهمس
سيف : ربنا مايحرمني منك يا اجمل وارق واحن كوكي في الدنيا وقبل باطن يدها وخرج سريعاً واغلقت كارمن الباب وبدأت دموعها في النزول بصمت وأخذت تضم نفسها بقوة وكانها تهدهد نفسها حتى ذهبت في النوم
صعد سيف للأعلى ووجد شاهي ترتدي قميص نوم يكشف اكثر مايداري من جسدها وبكامل زينتها وفور ان رأته اقتربت منه وأرتمت في احضانه فأخرجها سيف من أحضانه ونظر لها بجمود
سيف : ده منظر واحدة بتتقطع من المغص يا شاهي فأرتبكت قليلاً ونظرت له
شاهي : ماهو المغص جالي بعد ماخلصت لبس حبي
سيف : ولابسه كده ليه وانتي عارفة اني بايت تحت يا.... شاهي ف أدارت وجهها عنه
شاهي : انا بلبس كده طول عمري مش علشان حاجة عموما خلاص انا بقيت كويسة تقدر تنزل للهانم بتاعتك اللي الكل بيحبها فأمسك يدها وادارها له ووجد عيونها تلمع بالدموع فقبل رأسها وضمها لصدره
سيف : خلاص شاهي بس انتي النهاردة زوتيها قوي بكلامك وتجريحك لها وهي بتتجنبنا تماماً
شاهي : خلاص ياسيف طلقها زي ما باباك قال فأنتفض سيف والتفت لها
سيف : انتي مجنونة أطلقها ازاي يعني ده يبقى رد جميلها ليا ولابويا أطلقها وتروح تعيش لوحدها ماهي مش ح تقدر تعيش هنا لو طلقتها
شاهي : تروح مطرح ما تروح مالناش دعوة المهم تبعد عنا فأمسك يدها بقوة
سيف : عملت لك ايه نفسي اعرف هي بعيدة عنك نهائي سيبيها في حالها بقي بصي يا شاهي ده اخر انذار ليكي ياهانم ارحميني بقى من المشاكل دي لأنك في الاخر ح تخسري سامعه اتفضلي غيري هدومك خليني اوديكي للدكتور فأرتبكت
شاهي : خلاص سيف مش مهم ح اشرب حاجة سخنة وح ابقى كويسة
سيف : يالا ياشاهي مش عايز وجع دماغ ما انا مش ح اروح الشغل والاقيكي بتكلميني زي دلوقتي اتفضلي خلصينا
شاهي : حاضر ثواني ح البس
