လူစားထိုးသရုပ္ေဆာင္ (Completed)

Ch 26 ကျိုရှန်းဆိုတဲ့ကိုယ်က ဘာကောင်မှ မဟုတ်ပါဘူး

For Unicode
ကျိုရှန်း သည် ကြမ်းပြင်ပေါ်ရှိ ဖုန်းကို ကြည့်လိုက်သည်။ သူ ခေါင်းငုံ့ပြီး စကားမပြော။

သူက ယန်မင်ရှို့ နဲ့ ငြင်းခုံချင်ပေမယ့် ရှင်းပြရတာလည်း ပင်ပန်းပါသည်။ အရက်မူးနေတဲ့သူငယ်ချင်းကို အိမ်ပြန်ခေါ်သွားရုံနဲ့ ဒီလိုသံသယစိတ်မျိုးကို သူဘာကြောင့်ခံနေရတာလဲ။ ယန်မင်ရှို့ ၏ ပြင်းပြသောဆန္ဒနှင့် မောက်မာမှုသည် တစ်ရက်နှစ်ရက်သာသာရှိသော အရာမဟုတ်သော်လည်း ဒီနေ့မှာတော့ သူသည်းမခံနိုင်တော့။ ဒီနေ့ဖြစ်ပျက်ခဲ့တဲ့အရာတွေကပဲ များလွန်းနေလို့လား။ ယန်မင်ရှို့ ၏ ပုံသည် သူနှင့် မပတ်သက်သလို အတင်းကြီးလုပ်ယူထားသည့်ဟန်။ ယန်မင်ရှို့ အပြုအမူအတွက် အကြောင်းပြချက်များစွာကို သူကြိုးစားရှာဖွေခဲ့သော်လည်း အေးစက်သော ခံစားချက်ကိုသာ ခံစားနေရသည်။

ကျိုရှန်း စကားမပြောတာကို ယန်မင်ရှို့ မြင်တော့ ဒေါသပိုထွက်လာသည်။ သူ့စိတ်ထဲတွင် ၀မ်ယုတုန် ၏ သက်ပြင်းချသံ တိုးတိုးနှင့် နားမလည်နိုင်သော အမူအရာတို့ကို အဆက်မပြတ် ပြန်မြင်ယောင်မိကာ ကျိုရှန်းလိုလူနှင့် ဘာကြောင့် ပတ်သက်နေတာလဲဟူသော မေးခွန်းထုတ်တာမျိုးကော

အဲဒီအကြည့်က သူ့ကို အပ်နဲ့ ထိုးသလိုပါပဲ။

သူ စိတ်ရှုပ်လာ၏။ သူ ဘာလို့ ကျိုရှန်း နဲ့တွဲနေတာလဲ။ သူ့မှာ ၀မ်ယုတုန် နဲ့ ဆင်တူတဲ့ နောက်ကျောပုံသဏ္ဍာန်ကြောင့်ပဲလား။ ၀မ်ယုတုန် က သူ့မှာ မတတ်နိုင်တဲ့ အရာတစ်ခုကြောင့်မို့လို့ အစားထိုးဖို့ပဲ ရှာနိုင်ခဲ့တယ်။ သူ ဘယ်တုန်းကများ အဲ့လောက်သနားစရာ ကောင်းသွားတာလဲ

ကျိုရှန်း သည် အစားထိုးသူသာဖြစ်ပြီး သူ့ကို နှစ်သက်ကြောင်း အကြိမ်ကြိမ်ပြောဖူးသော်လည်း၊ သူသည် သူ့နောက်ကွယ်မှ ၎င်းတို့၏ သဘောတူညီချက်ကို ချိုးဖျက်ခဲ့သည် (လန်ရှီရုံ ကိုရည်ညွှန်းသည်)။

ယန်မင်ရှို့ ဟာ တစ်ခါမှ ဒီလောက် အရှက်မကွဲဖူးပါဘူး။ သူ့ရင်ထဲမှာ ဒေါသတွေ တိုးလာ၏။ ကျိုရှန်း ရဲ့ တိတ်ဆိတ်မှုက သူ့ဒေါသကို နည်းနည်းမှ မလျှော့‌ေစ။ ဆန့်ကျင်ဘက်တွင်၊ သူ၏ တိတ်ဆိတ်ခြင်းမှ အဓိပ္ပါယ်ဖော်သော ကတိကဝတ်များက သူ့ကို ပို၍ပင် ဒေါသထွက်စေခဲ့သည်။