انتماءات كاذبة

البارت السادس

وإن ضآقت عليك الأرض بمآ رحبت .. إخرج وانظر كيف هي السماء رفعت , أما علمت بأن الله رافعها .. قآدر على تفريج الكروب وإن عظمت
- آديم اليحيى
صحى من النوم ومد يده بكسل يسحب جواله يطالع الساعة لكن فيه موضوع شل تفكيره نهائي عن الساعة رسالة من فراس " انا وصلت الكويت .. أشوفك بالشركة " انصدم من فجأة الخبر ! ابعد الغطا وقام بسرعة وسحب اقرب ثوب قدامه ونزل مسرع حتى انه استخدم السلالم مافيه اعصاب ينتظر للمصعد .. وركب سيارته وهو يدعي مايشوفها قبل يجي ..
كان واقفه وفي داخلها رجفه .. هي توقعت أن ماعنده علم بتوظيفها بس تجاهلت داخلها وماسألت لؤي عشان ماتنصدم .. كان واقف ومعه مجموعة رجال واضح من الطبقه الاستقراطية .. التفت لهم : تفضلو .. مصعب وصلهم للقاعه انا دقيقه وراجع
التفت لها ونظراته الناريه مصوبه لها مسكها من معصم يدها وسحبها بقسوة وهو يمشي دون يلتفت لحد طلعو برا الشركه ورماها قدامه : الظاهر انتي ماعرفتيني .. احترمي كونك حرمه ولا تخليني اضطر اتعامل معك باساليب تهينك
سارا بقهر : وانت احترم كونك رجال ...
مامداها تكمل جملتها وهو ينطق بين اسنانه : ماني في وضع تنتقديني فيه ! انتبهي ... وانا سألتك سؤال وش قاعده تسوين هنا ؟
سارا موقفها ماتنحسد عليه : موظفه بقسم الترجمة
فراس : وبأوامر مين توظفتي ؟ وبرضا مين اساسا ؟
سارا وهي منحرجة لأن الكل قبل يدخل الشركة يشوفهم ويطالعهم : المدير التنفيذي الجديد
فراس رفع حواجبه : اهااا ... خل استوضح لك الأمور لأن واضح ان عقلك مايستوعب شي , المدير التنفيذي الجديد والقديم والحالي هو أنا وأي مدير ثاني يبل اوراقه اللي وظفك فيها ويشرب مويتها ... واذا قصدك السكرتير ( طالعها باحتقار ) مدري وش الأسلوب اللي استعملتيه عشان يوظفك بس خذيها من الآخر .. انتي مطرودة وبما انك رجعتي الملف اللي رميته بوجهك للنظام غصب انا برجعه لك مشوه
سارا فتحت عيونها بوسعها .. مو مصدقة بيشوه سيرتها بملفها السيرة اللي تعبت طول حياتها تبنيها : ....
فراس بنظرة جانبيه وهو راجع لداخل : ولعاد اشوف وجهك بمكان انا فيه
خانتها دموعها وهي تنزل .. شعور الذل يخليك تحتقر نفسك ليش رجعت ليش حطت نفسها بهالموقف ..؟ مشت لبرا الشركة وهي تمشي بخطوات واسعة بالرصيف وتمسح دمعه لكن تنزل غيرها فقدت السيطرة ... حست بيد تمسك يدها توقفها سحبت يدها مباشرة وهي تشوف لؤي وعيونه المصدومه وهو يشوف دموعها : سارا
سارا مسحت دموعها : نعم شتبغى ؟
لؤي انعصر قلبه الظاهر انه مالحق : شافك ؟
سارا صرخت فيه : ايه شافني وبحياتي كلها ماتعرضت لاحتقار زي كذا .. ماراح اسامحك طول عمري على اللي صار اليوم
لؤي : هدي بالك شوي .. انا شدخلني ؟
سارا : انت اسوأ منه ! اقل شي هو من البداية موضح انه مايبغاني اشتغل .. انت ملتوي تقول تعالي وانا ضامنك وآخر شي يصير كذا
لؤي : سارا صدقيني انا ماكنت عارف انه بيجي اليوم .. ولا امداني اتفاهم معاه تعالي معاي اللحين وبصلح الوضع
سارا وصوتها مرتجف من الدموع : لؤي خلاص ! انا مابغى شي بيني وبين شركتكم .. طابت واللي جاني كفاية
ومشت مبعده عنه .. وهي تحس بمعاني الذل والإهانه كلها لؤي شد على قبضته ورجع للشركة ودخل مسرع مباشرة لمكتب فراس وفتح الباب دون يطرقه .. كان فراس واقف مع مصعب قدام مجموعة اوراق يتناقشون فيها اول مانتبه له التفت لمصعب : مصعب اطلع برا
طلع مصعب .. ولؤي صرخ : ليش سويت كذا ؟!
فراس ببرود وفي يده ورقه متمعن يقراها : ماني مضطر ابرر لك تصرفاتي
لؤي : بس انا اللي وظفتها .. ايش ذنبها تهينها كذا
فراس : لا والله .. انت وظفتها ؟ مهما كنت رافع قدرك لاتنسى انها مؤسستي
لؤي : رافع قدري ..؟ مثل مارميتها اليوم ترميني بكره ماعندك مشكلة
فراس واعصابه باردة وعيونه بالملف: لو زودتها كمان بهالاسلوب الحقك فيها ماتفرق معاي
لؤي : لا تتعب نفسك ! .. انا طالع وانا الغبي اللي وافقت اساعدك اساسا .. اللي مثلك بيلتفت يوم حوله ماراح يلاقي احد .. وهالمؤسسات ماراح تطاولك طول عمرك
وطلع وهو يسكر الباب وراه بأقوى ماعنده وهو يحس بعقدة ذنب بسبب اللي صار لها .. للحين براسه شكلها وعيونها المرجانيه تلمع دموع وراسمه خنادق على بشرتها البيضا
***
الساعة 6 صبـاح .. بغرفة أحمد وغادة /
احمد واقف وغادة قدامه تسكر أزرار ثوبه .. قالت بدلع : معقولة حياتي .. تو متزوجين وبتداوم
أحمد وهو مخدر بدلعها : وانا ايش رايح اسوي ياقلبي ؟ اخذ اجازة عشان نسافر بكره
غادة وهي تلعب بطرف غترته : ماتدري قد ايش متحمسة لهالسفره
أحمد باس خدها : وراح تتحمسين لها أكثر ان شاء الله .. ايش راح تسوي اللحين ؟
غادة : راح انام عشان انسى الوقت اللي بقعده دونك
أحمد ابتسم : ليش ماتنزلي تحت ؟ بتحصلي امي لحالها اللحين
غادة : من عيوني حبيبي .. اللحين ببدل وبنزل
أحمد تنهد : فديتها ياناس
غادة : هههههه بسم الله عليك
أحمد : يله حياتي انا طالع .. لاتنسي تجهزي شناطنا
غادة : معقولة أنسى ؟
طلع أحمد وغادة تنهدت أول ماطلع .. احلى يومين بحياتها كلها امس كله بس افطرت مع امه وخواته وعقبها ماعاد نزلت لهم .. واليوم خلاص هو قالها لازم تنزل بدلت لبسها لتنوره برتقاليه لنص الساق وبلوزة بيضاء ناعمه كم حاير ولمت شعرها لفوق مع قلوس وكحل .. رشت عطرها .. نزلت لتحت وهي تحس الجو هدوء بزيادة سمعت صوت وراها : شتسوين ؟
شهقت بخوف ثم التفتت كان أم احمد : صباح النور خالتي
أم احمد : يالله صباح خير .. شمصحيك بدري ؟
غادة : صحيت وقالي أحمد انك تصحين بدري .. قلت انزل معاك
أم احمد دون نفس : ايه حياك .. بس وش هالمنظر ؟ تنزلين كذا دون طرحه .. لايكون تحسبين انك لحالك ساكنه بهالبيت اخوان احمد موجودين
غادة ( ياشينك ياشيخه .. والله لو منتي أم احمد حبيبي كان علوم ) : اسفه مانتبهت .. بروح البس اللحين
ام احمد بطريقها للمطبخ : روحي ... كلش لازم تعلم به الله يعين بس
صعدت غادة لفوق وهي منقهرة .. بس مجرد مادخلت غرفتها وشافت صورة أحمد على الطاولة نست كلش .. وخذت طرحتها وهي تغني مبسوطة .. نزلت لتحت وهي تحس بضجة طلعت لغرفة الضيافه لمصدر الضجة .. كان أم احمد وحولها خمس حرمات بنفس عمرها .. ابتسمت أم احمد : هلا غادة .. هذي غادة زوجة أحمد
سلمو عليها وهن يباركن لها .. أم احمد : يله حبيبتي ضيفي خالاتك .. القهوة والشاهي
غادة جمعت صبرها واضح انها بتحتاجه كثير : ان شاء الله خالتي
طلعت للمطبخ وهي تجهز القهوة والشاهي .. دقت على ابتسام : الو .. بسومة
ابتسام وصوتها نوم : هلا غدو .. شمصحيك بدري كذا ؟
غادة بقهر : معك حق العالم كلهم نايمين .. خلاص احاكيك بعدين
ابتسام : لا لا .. تعالي شفيك ؟
غادة : ولا شي ابتسام .. بس قلت اكلم اسمع صوتك كيف بابا ؟
ابتسام : حمد الله .. متأكدة مافيك شي ؟
غادة : إيوه
ابتسام : طيب ليش صاحيه بدري ؟
غادة : قلت اجلس مع خالتي عشانها تصحى بدري .. مادريت ان الوضع بينقلب علي وبصير شغاله
ابتسام : ليه ؟
غادة : قاعده اجهز القهوه والشاهي لها هي وضيوفها
ابتسام : طيب عادي .. وش ودك هي تقوم تسويها وانتي الصغيره موجودة ؟
غادة : مو كذا ابتسام .. بس انا لسى عروسة وفوق كذا عندها بناتها مفروض يدلعوني اقل شي شهر
ابتسام : عن الدلع غدو .. مفروض انتي اللي ماترضين وتتمنين تخدميهم
: غاااادة وييين القهوة ؟
غادة : اقول احاكيك بعدين .. بياكلوني لو ماجيب القهوة
ابتسام : يله روحي تسنعي
غادة : هههههه وانتي روحي نامي .. اول مره احسني غابطتك
عدلت غادة شكلها وخذت الصواني لهم ..
***
دخل بدر البيت الساعة 6 الفجر عقب سهره .. ويسحب رجله لفوق ام فراس كان تنتظره مانامت طلعت على طول : بدر !
بدر التفت دون يتكلم ...
ام فراس : تعال بكلمك
بدر : بعدين .. بنام
ام فراس : حتى لو الأخبار اللي عندي تتعلق بميهاف
بدر تغيرت تعابيره : شنو ؟
ام فراس ابتسمت بامومه : كلمت أمها
بدر بقلة صبر : ايه ؟
ام فراس : والله مدري طلبت طلب غريب
بدر عقد حواجبه : كيف ؟
ام فراس : طالبه تكلمك ..
بدر بدهشه : مين ؟! ميهاف !!
أم فراس وهي مستغربه بعد : ايه
بدر اصابته حيره وش ممكن تكون تبغى تتكلم معاه فيه ..قال لامه : طيب شلون يعني؟
ام فراس : والله مدري بقول لامها تواعدنا بمكان ونشوف .. انت موافق على هالطلب يعني ؟
بدر : ايه بروح اشوف شتبغى
ام فراس : الله يكتب اللي فيه الخير
بدر ابتسم وباس راس امه : الله يخليك لي يمه .. وسامحيني على امس عارف زودتها بس ماعرفت امسك نفسي
ام فراس تنهدت : الله يسامحك ويسامحنا جميع يمه طيب ليش ماتشتغل ..؟
بدر عقد حواجبه : انا اشتغل
ام فراس : مو قصدي العرض ..ساعد اخوك بالؤسسه
بدر : لا يمه واللي يرحم لي والديك .. مبسوط كذا اتركوني على حالي
ام فراس : براحتك .. بس ترا فراس حالف مايدفع مهرك
بدر بضجر : مالي خلق فراس اللحين .. بعدين انا ماراح اتزوج اللحين ..
ام فراس : هالسنه بتتزوج ان شاء الله
بدر : لا يمه .. انا ناويها خطبه بس مجرد يعرفون انها لي .. الزواج موضوع ثاني
ام فراس : وليش ماقلت لي من اول اقول لامها يكون عندهم خبر .. خاف ماتوافق البنت ع كذا
بدر : خلاص يمه مو بقابلها .. بتفاهم معها
دخل لغرفته وهو مروق على الأخير .. خلاص صارت له ومايبغى أكثر من كذا
***
بعـد ماطلع لؤي من الشركة .. توجه لمجمع الشقق اللي تعيش فيه وهو محتار أي شقه تسكن بالضبط مايعرف غير المجمع انتبه لحرمه بال 30 تقريبا مشى لعندها وقال بلباقة : ممكن سؤال اختي
: تفضل
لؤي : انتي تسكني بهالمجمع ؟
: ايوه
لؤي : تعرفي وحده تسكن هنا باسم سارا والكر
: فيه كثير سارات هني .. أي وحده بالضبط ؟
لؤي : همممم .. قصيره شعر اسود عيون زرقاء
: ايه ايه عرفتها .. شقتها رقم 41
لؤي : يعطيك العافيه
دخل لعند شقتها وزفر بتوتر ثم طق الجرس .. جاه صوتها : مين ؟
لؤي : هممم انا لؤي سارا ..
تغيرت لهجتها للشراسه : شتبغى ؟
لؤي : نتكلم هنا ؟ .. انا محتاج اتفاهم معك
سارا : ماراح افتح .. ورجاء لاتطول بالوقفه عند الباب انا بنت ولحالي ومالي خلق كلام الناس
نزل لؤي راسه بخيبة .. وطلع وهو يحس بالضيقه وش فراس مسوي للبنت عشان تنغلق كذا ..؟ مافيه أجوبه ويحس راسه بينفجر ..
***
اسماء واقفه بقهر .. وهي تشوف بدر وأمها جمبه بعبايتها : وييين رايحين ؟
بدر : بنتمشى انا وامي شوي وراجعين
اسماء : اصببروا .. بلبس عبايتي وجايه
ام فراس : لا مانبيك معنا
اسماء : لييييه ؟
بدر : فاضين حنا ناخذك وبعكازتك وحالتك حاله .. ارتاحي بالبيت
اسماء : مابي .. والله لو بسرير غرفة العمليات بروح معكم بسريري
ام فراس : اسماء خلي عنك المبزرة .. واجلسي انتبهي لاخوانك وحنا ماراح نطول
اسماء برجاء : تكفون بروح .. والله ماراح ازعجكم
ام فراس بصرامة : قلنا لا يعني لا ! اجلسي واسمعي الكلام
طلعت هي وبدر دون يلتفتون لها .. ام فراس : يله مش
بدر وهو يسوق : زوجة عمي .. موجوده معها بعد ؟
ام فراس : ايه اكيد .. مو معقول تجي لحالها
هز بدر راسه : ايه صح ... بس وقت نتكلم مابي احد معنا
ام فراس فتحت عيونها : تبي تختلي بها ؟
بدر : ههههههههه أي خلوه الله يهداك مكان عام .. وانتي بتكونون بطاولة قريبه منا
ام فراس : والله انا ما أعجبني هالطلب .. غريبه منها ميهاف
أول ماوصلــو للمول حيث انه انسب مكان وتجمعي .. دخلو بكافيه داخله وجلسو بعد فتره دخلت ام نايف وميهاف قربو من طاولتهم وبدر يحس بيتشقق من الوناسه وهو يشوفها تسلم على أمه .. طالعت ام نايف : شخبارك بدر .؟ طيب ؟
بدر : حمد الله .. انتي شخبارك ؟
أم فراس : واللحين شلون ..؟ تعالي يام نايف نجلس بالطاوله اللي ورا لحد مايخلصون
ميهاف على ارتباكها من اللحظه بس قوت نفسها .. لازم تعدل هالوقح قبل تتزوجه اول ماراحو اشر لها بدر الكرسي اللي قدامه : تفضلي
ميهاف جلست : مشكور
بدر : إيش تشربين ؟
ميهاف : مشكور مابغى شي
بدر هز راسه : إيـوه .. الوضع غريب , مو ؟
ميهاف : ليش غريب ؟ احسه عادي ..
بدر : هههه يمكن انا احسه كذا بس بسبب طلبك . . امري ميهاف شبغيتي ؟
ميهاف طلعت رسالته من شنطتها وحطتها قدامه : ابي اعرف شقصدك بهذي ..؟ وحركتك ببيتكم وببيتنا
بدر : ماوضح قصدي للحين ؟
ميهاف : انا اللي اعرفه انها حركات رخيصة وما أعجبتني .. وماتمنيت زوج المستقبل يسويها
بدر ما أعجبه كلامها : وليش كل هذا ..؟ ترا كلها رسالة اعتذار ماصار شي
ميهاف : ما صار شي .. بس لو انت خطبت اول ثم سويت كل هذا احترمتك اكثر
بدر انصدم .. شخصيتها غير عن اللي توقعه صدق اللي قال الزين مايكمل , سكت دون تعليق عشان مايخرب الموضوع
ميهاف : اسماء قالت لي قبل فتره انوه جايك عرض تصوير مع عارضات
بدر بابتسامة جانبيه : ايوه
ميهاف لاحظت انقلاب مزاجه .. ابتسامته اختفت وصار مكشر وهذا الي تبغاه : انا ما أرضى شريك حياتي يصور مع حرمه غيري
بدر رفع حواجبه : خلصتي شروطك ؟
ميهاف : كأنه كلامي ما أعجبك
بدر طول باله : لا عاجبني .. كيف مايعجبني ؟ واللحين اكنسل العرض ...بس حبيت اوضح ان السالفه كلها خطبة يعني الزواج بعدين
ميهاف ماحبت تصير بشكل المستعجلة فقالت ببرود : اوك
بدر : مو كأنك معصبه شوي .. هدي ما يسوى كل هذا
ميهاف : مو معصبة .. بس برضو مو مبسوطة
بدر وصلت معاه كشر وقال بعصبيه خفيفه : اذا مو مبسوطة لاتوافقي .. ذليتي امنا من جيتي محد عاجبك
التفتت لهم ام نايف وام فراس لما حسو بصوت مرتفع : شفيكم ؟
بدر : مافيه شي ! يله يمه مشينا
ميهاف وكأنه ماهمها : درب السلامة ياولد عمي
بدر ارمقها بنظرة ثم طلع مع امه وهو يتوعدها .. والله وطلعتي مو بسيطة ياميهاف بس أنا اوريك !
أول مـاطلع دق على فراس .. جاه الرد : أيه بدر
بدر : مشغول ؟
فراس : شعندك قول ؟
بدر : متى ناوي ترجع السعودية
فراس : الشهر الجاي يمكن
بدر : بتطول !
فراس بسخرية : اعتقني من سخافاتك .. لايكون اشتقت لي مثلا
بدر : لا والله .. بس ناوي اخطب بعد كم يوم وابيك معي
فراس: وليش مستعجل كذا ؟
بدر : ماراح اتزوج مجرد خطبه .. يعني الموضوع يصير رسمي بس
فراس : راح اجي بعد كم يوم
بدر : حلو ... مو تسحب
فراس : مع السلامة
سكر بدر .. التفتت له ام فراس : وش طلعت تبي منك ؟
بدر بتصريف : تسأل عن السكن ومتى الزواج واشياء كذا
ام فراس : اها .. لازم تقول لاسماء اول مانرجع .. ولا لو تدري من ميهاف وقتها ياويلك منها
بدر : هههههه لا كلش ولا هالشرسه تنقلب علي .. بقولها اول ما أرجع
***
الساعة 10 مساءا – جدة /
غادة كان جالسه بالصالة مع أم احمد وخواته بصمت وهن يسولفن .. وهي تحس خلاص بتموت تو جلست من صبح وهي في شغل وكرف بضيوف أم احمد وعقبها فطورهن وغداهن , وقهوة وشاهي عصر .. طالعت الساعة منقهره ليش تأخر كذا , وقفت بتطلع وقفها صوت أم احمد :ع وين ؟
غادة : ببدل ملابسي
أم احمد : ايه روحي اجل
صعدت لفوق وهي تحس شكلها مب لايق اصلن تستقبل احمد كذا .. راحت الكشخة عقب هالكرف .. بعد فتره من صعدت دخل احمد البيت : السلام
: وعليكم السلام
شوق : هلا حمود
احمد جلس على الكنبة : كيفكم ؟
هند : شوفة عينك نتابع بهالفيلم
أحمد : ووين غادة ..؟
شوق : بغرفتها
احمد عقد حواجبه : وليش مانزلت تتابع معكم .. احسن ماتمل فوق لحالها
أم احمد : شدرانا عنها ..؟ من صبح ماشفناها حابسه عمرها بهالغرفه
أحمد وقف : يله تصبحون على خير
أم احمد : وانت من اهله
صعد أحمد للغرفه كانت جالسة على السرير وبيدها جوالها ولابسه قميص نوم ناعم طويل حرير سيور أبيض وتحت الصدر شريط ذهبي مع فتحه اسفل الفستان لفوق الركبة وشعرها تاركته مفتوح بطبيعته الكيرلي فتنته بشكلها الناعم والمغري بنفس الوقت .. ابتسمت أول مادخل : جيت حياتي .؟
احمد : ايه .. تعشيتي ؟
غادة : لا .. قلت استناك نتعشى سوا
احمد : انا تعشيت حمد الله
غادة : شنو خيانه كذا !
احمد : هههههههه والله عزمني واحد من الشباب .. واستحيت ارده
غادة برطمت : طيب ليش ماقلت لي
أحمد خلخل يده بين خصل شعرها ثم باس خدها بنعومة : ابي افهم انتي ليش حلوه كذا ؟
غادة بحياء : من ذوقك ياروحي
أحمد وعيونه تتأملها : مو مصدق ان ربي رزقني وحده بهالحلا كله
غادة : حماده خلاص والله استحي
أحمد : ههههههههه فديت اللي يستحون والله .. عيوني انا داخل اتروش جهزي ملابسي
غادة : من عيوني
اثناء ماهي تجهز لبسه انطرق باب الغرفة .. تأففت وش يبون بكل ساعه ناطين ؟ لبست روبها الحريري الابيض دون تربطه : مين ؟
سحر : انا افتحي
فتحت غادة نص الباب : هلا سحر .. شبغيتي ؟
سحر طالعتها من فوق لتحت : وين أحمد امي وابوي تحت يبغوه
غادة : شي ضروري ؟
سحر : وانا ايش عرفني ؟
غادة كان متأكدة انهم بيسولفون معاه وبس وهي بتطنش كالعاده وسط سوالفهم : والله اسفه حبيبتي بس أحمد نام تعبان .. وانا بنام اللحين
سحر وهي تحاول تطالع داخل لكن غادة ساده عليها .. نزلت لتحت .. طلع أحمد من الحمام والمنشفه على كتفه : مين ؟
غادة سكرت الباب وابتسمت : بلا سحر تبغى مني غرض
احمد لبس ملابسه واستلقى على السرير : شناطنا جاهزه خلاص ؟
غادة وكأن شي ضربها .. كيف نست ؟ ماتنلام طول يومها تحت تو صعدت : يوووه نسسيت .. افف الله يلعن الشيطان كيف نسيت ؟
احمد استغرب يعني طول اليوم بالغرفه ماقال شي .. بس حتى بالغرفة مهمله مسؤولياتها قال بهدوء : حصل خير .. جهزيها اللحين قبل تنامي
غادة كان هلكانه من الشغل طول اليوم .. فجهزت الشناط وبعدين نامت ..
***
الكـــويت /
بعد خيبة سارا الكبيرة .. بدت تفكر تفكير جدي تشتغل هنا بأي شغل وماعاد ترجع السعودية ,طلعت لبرا تدور لها على شغل .. وقت العصر وقت الشغل وماراح تلقى احسن من كذا ..
اول ماطلعت وبطريقها انتبهت له جالس بالكراسي قدام مبنى السكن كان جالس ويطالع بالمارة طاحت عينه عليها وقف وابتسم واشر لها من بعيد .. تجاهلت اشارته ومشت بطريقها تنهد بطولة بال ومشى جمبها : كيفك سارا ؟
سارا وقفت والتفتت له ببرود : ايش تبغى لؤي ؟
لؤي : حاس بملل .. قلت أجي نتسلى سوا
سارا : عندك رئيس تمسح له جوخ .. روح له
لؤي وقف مكانه : انا انطردت
سارا التفتت له وقالت متفاجئه : كيف ؟ بس انت ولد عمه
لؤي : الظاهر طلع معك حق .. فراس ماتفرق معاه لا أنا ولا غيري
سارا بندم على تعاملها معاه : متى ؟
لؤي : وراك مباشره
سارا : ماكان له داعي .. تسوي كذا عشاني
لؤي : ماهمني الموضوع كله .. بس أبي منك تسامحيني ولا تحسي اني كنت استغفلك او حاجه
سارا تنهدت : ماسويت شي غلط عشان اسامحك عليك .. غلطتك وحده بس
لؤي : إيش ؟
سارا ابتسمت تلطف الجو : انك ولد عم هذا السخيف
لؤي : ههههههههههه الصبر عاد شنسوي ؟ .. ايش ناويه تسوي اللحين ؟
سارا : بدور لي شغل .. خلاص بستقر ان شاء الله واحتاج وظيفة
لؤي : اللحين انتي سكنك بالسعودية ولا بالكويت ؟ احترت
سارا : ههههههه لا هنا ولا هنا ... بس راح استقر بالكويت ان شاء الله
لؤي : بس كلامك سعودي
سارا : لأنوه ابوي سعودي .. بس ماعمري سكنت السعودية أجيها زيارات بس
لؤي : تسمحين لي بهالتعليق ؟
سارا : تفضل عادي
لؤي : احس حياتك معقدة
سارا : ههههههههه فوق ماتتصور
لؤي : امنيتي اعرف اكثر .. بس اخاف اصير ملقوف عاد
سارا شاحت بنظرها لجهه ثانية : مافيه شي مميز تعرفه .. ( غيرت لهجتها للمرح تصرف ) انا رايحه لمشواري تأخرت .. اشوفك وقت ثاني
لؤي بشغف : متى ؟
سارا : اتركها صدفه أحلى .. مو ؟
لؤي : ماعمرها الصدف وقفت معي .. بس يله نجرب
سارا : ههههههه سي يو
لؤي ابتسم وهو يشوفها مبعده ويحس براحه وشي انزاح من صدره ..
***
اسماء صرخت باعلى صوتها : خطببببببببببببتهااااااااااااا !!
بدر : ههههههههههه ياليل الإزعاج .. لي ساعة اقولك استوعبي خلاص
اسماء : حقييير وكلب ووصخ انت وياها .. وين وين جوالي ؟ ( صرخت ) ياسمين روحي جيبي جوالي... ( التفتت لبدر ) والله والله لو رجلي مو مكسورة لقيتني متوطيتك
بدر : حمد الله أجل سلمنا
اسماء : والله والله تقهرون شفيها لو علمتوني يعني ؟ إلا تعاال .. وش قاعدين تسوون بالمقهى سوا .. عيب عيب تو حتى ماصارت حلال لك
بدر : بتصير حلال لي .. ومن حقي اقل شي ادردش معها
جات ياسمين بجوال اسماء .. خطفته من يدها ودقت على ميهاف جاها الرد : هلا
اسماء : لا هلا ولا غلا .. مالت عليك ومالت على خشتك
ميهاف : هاو .. ياساتر ليش كل هذا ؟
اسماء : لاااا يابريئة .. ماتدرين يعني
قام بدر جمب اسماء وانحنى لها وحط اذنه عند السماعة يسمع واشر لها تسكت .. ميهاف : ههههههههه عرفتي ؟
اسماء : هيييييين ياميهاف .. والله والله حسابك عسير
ميهاف : ياروحي كان بقولك والله بس امك قالت لا
اسماء : ها خلي امي تنفعك .. انا مزاعلتك رسمي !
ميهاف : لا والله ماتزعلي .. قولي لي ماقالو شي ؟
اسماء : مييين قصدك ؟
ميهاف بارتباك : مين يعني امك واخوك
ابتسم بدر لاسماء .. قالت اسماء : ايش قالو يعني ؟ بس قالو لي الخبر .. وامي مشتققه من زمان تبغاك
ميهاف : فديتها والله .. بس هي متشققة ؟
بدر اشر لاسماء تقول " ايه " .. بس اسماء خانته : لا والله حتى بدر بيموت من الوناسة .. بيسوي حفلة ببيتنا
ميهاف : ....
اسماء : وين لسانك ؟ اقول اعطيك خبر حلو
ميهاف : شنو ؟
اسماء : الاسبوع الجاي فراس بيجي .. ( بدلع ) وبيخطبوكي يالبرنسيسة من البابا
ميهاف : بذمتك !
اسماء : ايه من قدك والله شيخه .. جبتي فراس براسه للديره
ميهاف : ههههههه خلاص انا بقوم ماما تبغاني
اسماء : يالنصابه .. ماسمعت شي
ميهاف : إلا تنادي .. طوط طوط
اسماء ماتت ضحك : هههههههههههههههههههههههههه والله شكلها راحت من اللحين تتجهز
بدر وقف باعتدال : ههههههههههه فديتها .. يله انا طالع
اسماء : ويييين تو فيه اخبار ماعلمتني بها
بدر : كلش قلناه وش تبين بعد ؟
اسماء بتمطيط للحروف : الوروود
بدر همس لها : اششش .. لاتسمعك امي
اسماء : هههههههه وش تعطيني واسكت ؟
بدر : اللي تبين الله يسترك ياشيخه لاتفضحيني
اسماء : ياااااااااي ياحليلكم .. مو مصدقة والله
بدر : ايه بس امسكي لسانك اسوم .. مانبي اخوانها وابوها يدرون قبل نخطب رسمي ثم نروح فيها
اسماء : ولا يهمك .. ما أرضاها لاخوي وزوجته ولو
***
صحت غادة من النوم بحماس ولبست وخلصت .. طالعها أحمد وهو يلبس ساعته : يله حياتي جاهزه ؟
غادة وعبايتها بيدها : ايوه جاهزه .. يله مشينا ؟
احمد : يله بنسلم على أهلي ونطلع مباشرة
نزلت غادة مع أحمد .. والكل مجتمع بالصالة سلمت على عمها وزوجته ..
أم احمد : وبتطولون ؟
أحمد : شهر عسل يمه .. يمكن نطول
غادة انبسطت بداخلها .. امنيتها تتأخر ..
أبو احمد : والله مفروض مسوين لكم عزيمه قبل تروحون .. بس انت الله يهداك مستعجل
أحمد : معليه يبه .. أول مانرجع نسويها ان شاء الله ( التفت لغادة ) يله ؟
غادة : ايوه .. في امان الله كلكم
طلو لبرا وهي تعلقت بذراعه .. ابتسم لها : مبسوطة ؟
غادة : مره مره .. مو متخيل وناستي قد ايش
ركبو السيارة .. وقف سيارته قدام باب بيت غادة استغربت غادة : شكرا حياتي كان نفسي اشوف اهلي قبل نسافر بس خفت نتأخر
أحمد وعيونه على الطريق : كنت اتمنى ما أفجعك بدري .. لكن غادة انتي ماحتسافري معاي
غادة : شلون ؟
أحمد : تبين المختصر ؟
غادة فتحت عيونها بصدمه : ....
احمد : السفرة هذي مجهزها ابوي هديه لنا ... وتذكرتك عطيتها واحد من ربعي اسف غادة
غادة : احمد حياتي .. تمزح انت ؟ .. هذي سفرة شهر عسلنا كيف تضيعه كذا ؟
أحمد تنهد : غادة ماصار شي .. انا تزوجتك لأنك بنت عمي مع كذا ماعندي نيه اسيء معاملتك بس هالسفريه من زمان مجهزها ويا الشباب ومقدر افوتها
غادة غصت بحلقها : طيب ليش توديني بيتنا ؟ انا ماتزوجت عشان ارجع هنا !!
احمد : مابغى اهلي يعرفون اني تاركك .. فياليت هالسر يكون بيني وبينك
غادة : ناوي تخفيني هالشهر ببيتنا يعني
أحمد بنفاذ صبر : ياليل ياغادة .. عن الحساسيات.. ماسافرتي هالمره تسافري غيرها .. يله انزلي قبل تفوتني الطيارة
غادة انصدمت وماقدرت ترد .. سحبت رجلها وخذت شنطتها ودخلت وهي مخنوقه ..
أما احمد مجرد ماوصل للمطار .. سلم على ربعه ومودهم عالي : واخيراااااا
أحمد : ههههههههههههههههههه خلاص هالسفره كلها على حسابي تذاكركم كلكم
: اثر زواجك ببنت عمك هذا جاب نتيجة
احمد : نتيجة ؟ نتااااايج .. المهر اللي جامعه ابوي لعروستي صار لي اسوي به اللي ابغى وفوقه عروسه حلوه ببلاش
: والله ابوك مسكين مايدري عن مخططاتك
احمد : شاسوي اذا هو مارضى يعطيني هالفلوس الا بهالطريقة ..
: وهو يدري ان هالفلوس معاك ؟
احمد بثقة : ايه .. هو تحداني اجيب عروسه صاحيه تاخذني ببلاش وبيعطيني المية الف
: والله مانت بسيط
أحمد : يله بس نسافر هالشهر ونوسع صدورنا
***
غادة .. فتحت لها ابتسام البيت وضمتها بفرح : هلاااااا غغغدو مرحبا ومسهلا
غادة بارتباك : هلا فيك ..
ابتسام : جايه زياره ؟ والله مو حلوه تو اول اسبوع كان انتظرتي شوي
غادة تكابر : لا والله .. ماقدرت اسافر مع احمد واتركم احس مشتاقه لكم .. فقلت له يسافر لحاله
ابتسام فتحت عيونها : أنتي من جدك ؟
غادة بلعت ريقها وقالت بارتباك : ايه .. ( قالت بعبره خانقتها ) والله اشتقت لكم وماقدرت .. مارضى يتركني بس انا ترجيته يتركني عندكم
ابتسام كانت متأكدة ان السالفه مو كذا .. بس حست مو وقته تضغط عليها : خلاص حبيبتي لاتبكين .. ادخلي ارتاحي
طالعت غادة بانحاء البيت وسحبت رجلها لداخل .. مسرع رجعتي ياغادة ؟ .. التفتت لابتسام باحراج : ابتسام انا بدخل انام .. من امس مو نايمه كويس
هزت ابتسام راسها وقلبها منفطر على حال اختها : نامي حبيبتي خذي راحتك
دخلت غادة ورمت بشنطتها بالغرفه وسحبت فراشها اللي رتبته فوق السرير قبل تترك بيت اهلها واستلقت عليه واطلقت سراح دموعها .. اليومين هذي كانت وهم يعني قبل يصدمها بهالرمية ؟
***
احد افخم المطاعم بالكويت .. كانت تشتغل بكل طاقتها ونشاطها المعتاد تقدم الأطباق للطاولات .. وتساعد بغسل المواعين .. كانت مجتهدة ونشيطة ..
مشرف العمل : سارا خلاص انتهى دوامك ارتاحي
سارا : ايه بس النادلة الجديده للحين ماجت
مشرف العمل : يمكن تأخرت شوي .. بس خلاص انتهى وقت دوامك ماهي مسؤوليتك
سارا ابتسمت : ههه لا انا ناشبه هنا لحد تجي .. معروفك معي بهالوظيفة ماراح انساه وهذا اقل شي اسويه
قال بارتباك : ماقلتي لي سارا .. ليش نهاد ناشر هالسمعه عنك بكل المطاعم
سارا وهذي تتذكر موقفها مع فراس بمطعم نهاد : ايش اقولك ؟ سالفه طويله وهذا اللي صار .. وبكل الاحوال ماراح الوم نهاد حتى لو هو نشر توصيات بكل المطاعم انهم مايوظفوني
مشرف العمل بقلق : صاير معك مشكله شي ؟
سارا : لا لاتشيل هم .. كلش تمام مجرد سوء تفاهم
وراحت تلتهي بشغلها قبل يتعمق بالاسئلة : شيف انا باخذ الزبايل لبرا
سحبت اكياس الزبالة معاها وطلعت مع الباب الخلفي ترميها وتسندت بجسمها على الجدار وهي تطالع السماء والقمر كيف مكتمل ... تنهدت وهي تحس حالتها انقلبت كان متوقعه ترجع الكويت ومباشرة تباشر شغل محترم نظرا لشهادتها اللي تأهلها .. لكن في غضون 4 شهور هذا حالها اعتدلت بوقفتها ورجعت تدخل لكن طلع لها احد الطباخين ورجعها لورا .. طالعت فيه مستغربه : ايش فيه .. ابغى ادخل
: ههههه تدخلين ؟ انا مصدقت احصلك لحالك ياحلوه
سارا ضرب قلبها .. جهاز التحرش مو معاها بشنطتها تراجعت على ورا وهو يتقدم بجهتها : وين ياحلوه .. ؟ رايحه لفين ؟
سارا : وخر ... قسم بالله لا أصارخ والم عليك العالم
سد فمها بسرعه : صارخي اذا تقدري اللحين .. والله وطحتي بيدي اخيرا
سحب المغاطه بشعرها حتى تناثر على وجهها وهو يحاول يجردها من بلوزتها وهي تقاوم وبشدة ... ضربات قلبها جنونيه خلاص هذي هي .. النهاية !
المدخل الرئيسي للمطعم /
مسك رقبته بارهاق وهو مقفله معه .. طالع يشم هوا من اجتماع سيء طلع سيجارته واشعلها وهو يسحب منها .. انتبه لرجال كبير بالسن يطلع جهاز الربو الخاص فيه .. فمشى لجهه بعيدة عنه عشان مايضايقه بالدخان وتسند على الجدار وهو يكمل سيجارته عقد حواجبه وهو ينتبه لاصوات مريبة .. انفاس مكتومة وحاجه مثيرة للشك تتبع الصوت لحد ماوصل للمخرج الخلفي وهو يشوف محاولة إغتصاب واضحه ... رمى سيجارته ومشى بسرعه ومسك الرجال من خلفية تيشيرته وسحبه من البنت ورماه بالارض وداس برجله عليه لحتى مايوقف ... صرخ فيه الرجال : شتسوي انت ؟ شدخلك ؟
ضغط برجله عليه اكثر : انخرس يادون ... والله مو مضيع هالديرة الا اشكالك
ابعد رجله عنه وقال بحده : اقلب وجهك مالي خلقك ولا كان سودت عيشتك
نفذ برجله قبل يصير اكثر من كذا .. التفت للبنت وراه وكان حالها مثير للشفقه وعيونها مرعوبة بالارض وشعرها مشعث لامه كتوفها وترتجف .. طالع بالجهه الثانيه وعطاها ظهره : الظاهر انتي بتظلي تطلعي بوجهي وين ما أروح
سارا : ..........
فراس زفر : خلاص استسلم .. ملفك مازال بالنظام تقدري من بكرة تداومي احسن ماتداومي بهالاماكن الرخيصة
سارا رفعت راسها : كيف ؟
فراس وهو مازال معطيها ظهره : فين ما ألف وجهي راح احصلك قدامي .. عشان كذا قررت اتعايش مع الوضع احسن
سارا: بس...
قاطعها : اسكتي واقبلي العرض قبل اتراجع
كمل طريقه لكن وقف فجاه : وقولي لولد عمي الغبي يرجع يداوم .. ولا عطيت منصبه الغبي نايف
اختفى من نظرها وهي للحين مو مستوعبة .. كبست بعيونها اكثر من مره .. صدمات واجد بنفس النص ساعه !
***
الرياض – الساعة 8 مساء /
طق بدر باب غرفة اسماء : تفضل
دخل وهو كاشخ كالعادة لسهره مسائية ومبتسم : كيفك اسوم ؟
اسماء كانت مستلقية على فراشها وبيدها كتاب : ملااانه .. خلاص ابي رجلي تطيب ابي اروح واجي
بدر جلس جمبها وحاوطها من كتوفها : ولا يهمك .. اصبري وأول ماتطيبي اوعدك بأحلى مشاوير
اسماء : ايوه ايوه .. ما آخذ منك الا الحكي
بدر : افا اسوم .. متى وعدتك بشي وماوفيت بوعدي ؟
اسماء سكرت الكتاب : هات الزبدة بدر إيش تبغى ؟
بدر : ههههههههههه طول عمرك فاهمتني .. ابغى رقم المزه خويتك
اسماء شهقت : من اللحين رقمها ؟ اصبر الخطبه تصير رسمية
بدر : خلي مني سخافاتك وهاتي رقمها .. وش بتفرق الخطبه يعني ؟ خلاص هي صارت لي
اسماء بجد : لا والله يابدر بتذبحني ميهاف لو تدري اني عطيتك رقمها
بدر : ماحقولها انتي عطيتيني
اسماء : تراك ماتعرفها ! لاعصبت شينه
بدر : ياليل بتعطيني اياه ولا اروح اخذه من جوال امي
اسماء : بعطيك .. بس مو تقول انا
بدر : خلاص ماحقول .. هاتي
اسماء : هههههههههههههههه وش راح تقولها ؟
بدر : مالك دخل .. انتي هاتي الرقم وبس
اسماء مسكت جوالها ترسله الرقم : افففففففف تطفش انت وياها
اول ما استلم بدر الرقم باس اسماء بخدها : فديييت عمرها .. يله تشاو
اسماء : مع السلامة
***
كانت ميهاف جالسة بالحديقة .. جاها فهد من بعيد يركض وانرمى بحظنها : ميهااف
ميهاف رفعته وجلسته بحظنها : ههههههه هلا هلا حبيبي .. ليش تركض كذا ؟
فهد وانفاسه تتسارع من الركض : نايف .. نايف يلحقني
ميهاف : ماعليك منه خلاص .. مايقدر يجيك اللحين
فهد : نايف يع
ميهاف بنفس طريقته : ايه نايف يع
فهد : وبدر يع
ميهاف : ههههههه ايش جاب بدر اللحين ؟
فهد بحزن : بدر مع نايف برا يخوفوني
ميهاف : بدر هنا ؟
فهد هز راسه : ايه يبي يثدمني بالثيارة
ميهاف طالعت جهة باب البيت بلعت ريقها وشالت فهد ودخلت لعند امها بالمطبخ : ماما
ام نايف : هلا حبيبتي
ميهاف : اخواني عرفو ؟ .. عن بدر ؟
ام نايف : لا .. خالتك طلبت الخبر مايطلع لحد يرجع فراس ويصير رسمي
ميهاف : اها ..
ام نايف : ليش ؟
ميهاف : ولا شي ماما .. انا صاعده لغرفتي
ام نايف : تعاالي تعالي .. دام جيتي خذي الصينية وديها للمجلس برا
ميهاف : مين فيه ؟
ام نايف بابتسامة لها مليون معنى : اخوك وصديقه
ميهاف : حاضر .. وخلي هالابتسامات مني ام نايف .. ولا ارفض ترا
ام نايف : هههههههه الله لايقوله انا ماصدقت يجي هالشي يفرحني عقب طلاق نايف وقلة ادب لؤي
ميهاف خذت الصينية : خلاص ماما رايحه
وصلت لعند المجلس .. لكن ماطقت الباب وهي تسمع سالفة اثارت اهتمامها ..
نايف : وليش رفضت عرضهم ؟
بدر : ما أدري مالي خلق اسافر .. فرفضت
نايف : لاتقول عشان تصوير مع حريم .. ترا هذي مرحلة راح توصلها اللحين ولا بعدين
بدر : ياليل الحنه .. كيفي يخي مابي أقبل وبسرعة قم خل نروح للعيال
نايف : هههههههههه طيب ترا انا احلى منك اقبل العرض عنك
بدر : مره احلى مني الله يحفظك بس
نايف : آممين
هنا طقت ميهاف الباب .. جاها صوت نايف : خير ميري مسويه تستحين ويا ووجهك ولا اسلمتي مثلا ؟ ادخلي
ميهاف ( الله ياخذك يالنكيتي ) .. رجعت تطق الباب ..
نايف : احسن خلك ملطوعة عن الباب .. يقالك زعلانه بسبب الجوال اللحين
بدر : قم يخي اشغلتنا
ميهاف عدلت صوتها : نايف قم خذ القهوه
نايف : ههههههههههه اوه ميهاف اسف ع بالي ميري الخبله
بدر فز وهو يسمع صوتها .. حاول يلقط منها شي لكن ماقدر غير صوتها ونايف يقولها : ههههههه غريبه شايله القهوه
ميهاف : وآخر مره اشيلها
رجع نايف بالقهوة ... بدر : هههههههههه حرام عليك نسفت بنفسية بنت عمي
نايف : ههههههههههه ماعليك سنفورتي انا وياها متفاهمين
بدر : ايه .. دريت ان فراس بيرجع بكره ؟
نايف : ما شاء الله .. ع بالي نسى السعودية
بدر : عنده شغل ضروري .. وبيجي
نايف : ولؤي بيجي معاه ؟
بدر : شعرفني اخوي ولا اخوك ؟
***
ابتسام كانت جالسة على اعصابها .. لما شافت الوقت تأخر صار لها 12 ساعة نايمة دخلت الغرفة وهزتها بخفه : غدو
فتحت غادة عيونها بكسل : ايوه ابتسام
ابتسام ابتسمت : والله الزواج غيرك صرتي تصحين على طول .. اول تطلعي روحي
غادة : الزواج ؟
ابتسام : ايه زواجك
غادة فزت بسرعة ومسكت قلبها .. خافت ابتسام من حركتها : غادة بسم الله شفيك !
غادة : ابتسام .. انا تزوجت صدق ؟
ابتسام : اعوذ بالله من الشيطان الرجيم .. غادة انتي من جدك ؟
غادة وصدرها يرقا وينزل بسرعة جنونية .. فجأة تراجع كلش بعقلها عقب النومة الطويله وصحت وهي بسريرها وكأن مافيه شي تغير حست انه حلم : .......
ابتسام هزتها بخوف : غااادة شفيك ؟
غادة مسكت راسها : مافيني شي ابتسام .. الظاهر اني خرفت
ابتسام : بسم الله عليك .. بكلم هيثم يجي يشوفك
غادة : لا ابتسام ماله داعي هيثم .. انا بخير
ابتسام : طيب ليش ماتقولي لي شصاير ؟ انا متأكدة فيه شي ..
غادة : اتركيني اول اشوف ابوي .. من جيت ما شفته
ابتسام : تمزحي انتي ؟ الساعة 10 وين تلاقي ابوي صاحي اللحين ؟
غادة : الساعة 10 .. نمت كل هالوقت ؟
ابتسام : ايه خفت اصحيك حسيتك تعبانه بجد .. غادة طمنيني احمد مسوي معاك شي ؟
غادة بانكسار : سافر مع ربعه .. من البداية ماكان ناوي يسافر معاي
ابتسام : كيف ؟
غادة بغصه : تخيلي قالي .. ممنوع اهلي يعرفون انك موجودة ..
ابتسام : كيف يعني هم ببالهم انك بدبي اللحين ؟
غادة : ايه ...
ابتسام بقهر مسكت جوالها .. مسكتها غادة : ايش راح تسوي ؟
ابتسام : بكلم هيثم يروح يتفاهم مع هالحقير زوجك
غادة اخذت الجوال منها : لا ابتسام .. مو حلوه مشاكل لسى متزوجين
ابتسام : هوا اللي جاب المشاكل .. مايستحي صدق
غادة : معاملته معاي كويسه .. ماقدر اعاتبه يعني .. خل يسافر وعدني يعوضني
ابتسام طالعت اختها بالم : طيب وينه حتى مادق عليك ؟
غادة بنرفزة : اكيد مشغول بالسفر .. خلاص ابتسام ترا زواجي هذا اللي تارك لكم العماره فليش تبغي تهدميه ؟
ابتسام : انا ابغى اهدم زواجك غادة ؟ .. مجرد ابيه يتأدب لايحسب انه شاريك رخيصه بهالعمارة
غادة بالم : خلاص ابتسام قفلي الموضوع الله يخليك
ابتسام سكتت احترام لخاطر اختها وهي تفكر كيف تتصرف ..؟
***
دخل فراس الشركة .. ووقف عند مصعب : داومت سارا ؟
مصعب وهو مستغرب : ايه
فراس : ولؤي ؟
مصعب: لا ..
فراس : اطلب سارا بمكتبي
وصعد لمكتبه ويباشر حوسة الملفات والاجهزة .. دخلت سارا عقب فترة : طلبتني ؟
فراس : ايه .. ليش لؤي ماداوم للحين ؟
سارا بارتباك : لانه ماقلت له ..
فراس رفع عيونه لها : عفوا ؟
سارا : ماعطيته خبر .. انت مفروض تقوله
فراس طالع فيها بحدة : وانا ايش قلت لك امس ؟ مو قلت لك تخبرينه ؟ هذا وهوا منطرد عشانك مفروض عقدة الذنب تخليك تكلميه مباشرة .. ولا انانيتك تركتك تهتمي بحالك بس وتطنشيه
سارا ( وانا احسبه عقل .. الظاهر الاعوج الاعوج ) : حاضر بقوله
التفتت بتطلع ... فراس : وين ؟
سارا : فيه شي ثاني ؟
فراس : ماتطلعي لحد ما أقولك تطلعي ! .. وكلميه اللحين قدامي اخاف تسويها ثاني وتطنشيه
سارا وصلت معاها .. هالمغرور فعلا يسد النفس 24 ساعة صارم دقت على لؤي جاها الرد بصوته البشوش اللي يخليها فعلا ماتصدق انه قريب فراس : هلااا والله هلا ومسهلا
سارا : ههههههه اهلين .. كيف حالك ؟
انتبهت لفراس يطالعها بنص عين لما ضحكت .. عدلت اسلوبها وقالت برسمية : اقول لؤي .. ترا انا رجعت لدوامي بشركتكم فارجع انت كمان ؟
لؤي : كيف ؟
سارا : ايوه .. رجعت اداوم رسمي
لؤي : بس شلون ؟
سارا : بعدين ..
لؤي : ايش اللي بعدين ؟ قولي شالسالفة ؟
سارا توترت فعلا من نظرات فراس فقالت : يله بسكر .. باي
طالعت بفراس : كذا تمام ؟
فراس : ايه تمام .. تقدري تطلعي
طلعت وهي تدعي ان ربي يعطيها الصبر على هالمخلوق بس هي راضية على الاقل تشتغل وبالشركة .. مو زي اول دون حتى مصدر دخل صاحي ..
//