.
.
.
قصر سي محمد "الساعة 10:20 "
فاطمة حدا الباب وتسلم على خاوتها وترحب بيهم
مريم : شكون عالباب ؟
فاطمة : خويا سي اسماعيل وابراهيم ونساهم للا
مريم : مشات للباب سلمت على ولادها ونساهم ورحبت بيهم كي عاداتها
ابراهيم : للا بابا فينو
مريم : قاعد فالجنينة يستنا فيكم من الصباح يسال قال اليوم شبيهم بطاو
مشاو جميع للجنينة وقاعدين قعدة الكبار يحكيو ويدردشو تعدا الوقت النساء فوسط الدار يحضرو في الطاولة تقول طاولة سيدي رمضان الخير بانواعو موجود
سميحة : ربي يدومها نعمة وديما ملمومين فالخير يا رب
زهرة : اي قلت الحق آمين يا رب
فاطمة : كلمت الاولاد واكدت عليهم بش يجيو يفطرو
زهرة : عملت الباهي محلاها اللمة عنا قداش ماتلميناش الكل ..
.
.
.
كمل ال réunion سلم على شركاؤو و ودعهم هز دوسياتو ومشا لبيروه باركولو العمال بنجاح الصفقة نوقز التلفون شاف شكون وجاوب
فاتح : مبروك ولد عمي
أدريس : يعيشك يا آغا ياخي كنت حاضر ؟
فاتح : لا ، علاه
أدريس : خاطر انا مزلت ماستوعبتش للي المشروع كمل ونجح وانت تباركلي اسرع من الضوء يا معلم هههههه
فاتح : السلعة قاعدة تخرج كالبطاطا و ولاد الحلال وصلولي الخبر الي اثبتت سيطرتك في الاجتماع
أدريس : القوة لربي يا معلم اا نتقابلو اليوم ؟
فاتح : الفطور اليوم فالدار الكبيرة قبيلا شوي عملولي ابال نتقابلو غادي
أدريس : متفاهمين بسلامة
فاتح : بسلامة
عمل ابال لبوه سي ابراهيم خبرو بنجاح الصفقة خدم الكرهبة ومشا للدار هز رهف و ولادو وسمر ماشيين للقصر. وصلو لقاو العائلة كلها غادي مشا للصالة شيرة الرجال وقعدو يهنيو فبعضهم .
البنات عاملين حالة بالحكايات ولولاد يلعبو في وسط الدار
سميحة : للا مريم عندي مانقولك انت و زهرة
مريم : إن شاء الله خير شفما
سميحة : خير خير علقريب بش نعملو الخطبة لفاتح والمعلوم سمر لفاتح اكهو نحب نتهنا عليهم الزوز وكان ماتراوش مانع نعملو الخطبة والعرس فاقرب وقت
زهرة : زغرتت :الدار داركم والبنية للآغا من بكري موش من توا مرحبا بيكم فكل وقت
مريم : زغرتت وولولت على تولويلتها جاو البنات
ليال : شفما الزغاريت هادي الكل ؟
مريم : فرح بش يتعمل فعايلتنا عرس الآغا على سمر تي زغرتو يا بنات
علات الزغاريت فالقصر سمر دموعها على شفارتيها فاش قاعدين يخرفو رجعوا لحكاية قديمة هي نساتها وعقلها كان يقلها هذاك كان حديث صغر والي هي توا حرة بلا قيود منين طلعو بحكاية الخطبة والعرس ....
العادات والتقاليد بش ترجع سيطرتها من جديد او بالاحرى هي تمادت على تقاليد العرش ومسحتها كانها مفماش العرس آخر اهتماماتها حلمها تكون محامية وتسافر برا المدينة والبلاد ككل في مفهومها عرس يساوي قفص تتنفس اما جوانحك ماعندهم حتى فايدة قعدت في اقرب كرسي قابلها وجها لخلخ وصفار تسمع فيهم يهنيو فيها وهي في عالم آخر...... شوية والكل قاعدين فالطاولة عرس الآغا الموضوع المهم حددو موعد العرس والخطبة ورسمو تفاصيلو الكل الي كانو بالنسبة ليها حاجة تخنق فيها
حاضيها بعينيه عرفها متقلقة شغلوه عليها بالحكايات محطش فبالو يكون العرس الي مقلقها كملو فطررو
الخدامة لمو الطاولة فاطمة حضرت التاي سربتلهم مع القاطو فالصالو
الكل في بيتو وقت القايلة
كنان : قتلك اخرج هاذي بيتي انا
كيان : تعيا وانت تقبص انا دخلت قبلك للبيت
كنان : كيان بلاش عرك تعبت اليوم برشا اخرج نحب نرقد
كيان : يا خوويا انت تحب كان النوم تقولشي مربيين كوالا موش عبد مانبييييش خارجة البيوت برشا
كنان : كيااااان بلاش عنااد وعس فمك احسنننلك وتوااا اخرج .. عيط عليها هزت مخدة وخرجت تجري تلوج على بيت وترمرم فالكلام موش مفهوم دخلت لبيت وسكرت الباب وعيطت بالقوي بهييييييم حطت مخدتها وقعدت تبكي فوق الفرش
كمل توضا وخرج لقاها فوق الفرش تبكي بصوت موش مسموع حط السجادة وصلى صلاتو على صوتو تفجعت ولقاتو يصلي بقات تغزرلو وتسمع في ترتيلو للقرآن لين كمل وهي شادة المخدة قعد حذاها
أيمن : شتعمل هوني علاه الدموع
كيان :امم لا شيء غلطت فالبيت هاني خارجة
أيمن : جاوبني على سؤالي ليك منحبش شكون يتلفني
كيان : juste تعاركت انا وكنان عالبيت وطردني وكنت نلوج على بيت وجيت لهوني غلطة
أيمن : والدموع على خاطر بيت هاا
كيان : اممم .... هو لي طردني وعيط عليا
أيمن : باهي ارقد هوني انا هاني خارج
كيان :يعيشك .... ااا صووتك حلو برشا وانت تصلي
أيمن : يكون احلى وانت تصلي مورايا
كيان : طبست وحشمت على ربثتها تبسم وخرج
.
.
.
.
.
.
.
.
رمضانكم مباارك تصوموا بالصحة والهناء يا رب 🤲🤲❤️☁️☁️❤️
أنت تقرأ
آل مالك ( عشائرية )
Romanceبين عادات وتقاليد وعالم الغموض يتسلل الاعجاب والعشق الى قلب وعقل احدهم ذا شخصية مورسي ويبدا الاندفاع والارتجال يقود شخصية انثوية لطيفة لاكتشاف خبايا وتركيبة الآغا #مافيا #رومانسية #تونسية #جزائرية #سمر #فاتح #dz #tn
