شيفرة مورسي (عشائرية ) 🇩🇿🇹🇳
للكاتبة sacapitale
تصويت للبارت بلييييييز 🍯 دعمكم يحفزني ❤️🧸🥺 . « رأيكم في التعليقات يهمني ..احداث القصة + طريقة السرد »
.
.
.
.
اٍلْزَمْ قَلْبَكْ ... لٓا يَحٍّنْ وَلٰٖٓا يَمٍيلْ ... 👑✨...
وَصّي نَبْضَكْ ... يَبْقَىٓ ذَآكَ الٖثَّقٍيلُ....💘🍷...
.
.
.
.
.
فاتح & سمر
سمر : تمد بجنبي وحط يد على عينيه انا نحكي وهو متلفني ...قتتتلك قوم من هوني .
فاتح : صوتك صوووتك صوووووتك
سمر : هااا مبسلك نقلك هاني انا ماشية لبيتك وانت مرقد هوني
فاتح : مرقد ؟ .. عدل مصطلحاتك
سمر : اذاكا لي موجود .. مزلت مكملتش كلامي قام سكر الباب بالمفتاح ورماه في جيب السروال
فاتح : آخر مرة تتجاوز حدودك فالهدرة معايا فاهمة ياا شيخة
سمر : شيخة ؟؟ هعععع متقليش شيخة خييت
فاتح : علاه مرت الشيخ شتتسما من غير الشيخة ؟
سمر : اسمها لي ماتتسماش
فاتح : يتبسم : باهي يالي متتسماش طفي الضو وايجا ارقد .
سمر : يارب صبرني ..مشيت لطرف الفرش وقعدت وهو ولاعلى بالو مغمض عينيه ومرتاح بقعدتو . تركزو عينيا على لحيتو وسمار بشرتو وملامحو الحادة من غير منشعر قلت : محلاااك
فاتح : عملية تحرش تحب عقاب واحد آخر ؟
سمر : فقت على الي قلتو لطمت فمي بيدي مستوى الغش ولا طالع جبدت اللحاف تغطيت بقيت نتقلب فبلاصتي نتفرج فالسقف ونخمم فالمستقبل
سمر : آغا
فاتح : مهبولة هالطفلة قبيلا شوي تحكي معايا كاني ولد صغير وترزل فيا ( البخص ) وتوا تناديلي آغا : نعم !
سمر : طلب معليش !
فاتح : اطلب
سمر : نحب نرجع للفاك بلييييز هذا آخر عام نحب نكملو
فاتح : شكون شادك ؟
سمر : انت
فاتح : انا ؟
سمر : اي بقرارك لي قلتهولي قدام الباب
فاتح : منعت عليك الفاك نهار اكهو موش بطلتك يا الشيخة
سمر : احلف براس لعزاز عليك تخليني نكمل .
فاتح : وعد مني ليك .
سمر : فرحت بااارشاا بوعدو ليا خاطرو الآغا وكلمتو تتنفذ بالحرف كبر في عيني وزادت قيمتو عندي خاطر بالحق يستاهل للآغاوية كان ديما بهيبتو بين الكل ولا مرة سمعنا عليه انو ظلم حد دعيت في سري ربي يحميه من الاعداء ويخليه تاج للعرش
سمر : مرسي بوكو
فاتح : بيناتناش شكر الا اذا انت تحب تعمل حدود ورسميات
سمر : بقيت ساكتة وقلتلو تصبح بخير
فاتح : وانت من اهل الخير .
.
.
.بعد مرور 10 ايام .
.
.
أيمن & كيان
أيمن : العملية مستمرة ومنسقة مع الاستخبارات هدا اليوم 10 من الي التحقت ..يوميا نتقدموا في تنفيذ الخطة في آخر النهار نعمل ابال لادريس والا لبابا نطمن على حوالهم واخبار العشيرة تفكيري خارج أوقات الخدمة ينحصر في « تُتِّي » كياااني وطولها ولون شعرها وعينيها .. تذكرت نهار من سنين فاتو كنت في قصر عمي اسماعيل لمحت بنية صغيرة مربعة فالجنينة شعرها مغطي وجها لي قد كعبة الحمص قربت لعندها نلقاها شادة فيدها حبات توت وتاكل بنهم ملطخة يديها ووجها تبسمت على منظرها وقلتلها .
أيمن : شتاكل انت ؟
كيان : تتي
أيمن : ضحكت من كل قلبي على طريقة كلامها حملتها بين يديا حطت كفوفها الصغار على خدي طبعت لون التوت على وجهي وهي تغزرلي تحب تبكي ..خاطر معقلتنيش وصلتها لالة سميحة قعدت ترزل فيها مسحتلها وجها وكفوفها بكلينس وشدتلها شعرها لفوق وهي مشنفة تبسمت على شنوفتها
سميحة : ها كيان قول يعيشك لايمن
كيان : يعيثك أينن
أيمن : عرفت لاسمها كيان وضحكت على اينن خرجت وخليت قلبي غادي مربوط بمشاعر كل يوم تكبر وتتضاعف حتى ولات نسيج ثم شريان يربط بينها وبين قلبي الي سلمتهولها فاللحظة اذيكا .
أنت تقرأ
آل مالك ( عشائرية )
Romanceبين عادات وتقاليد وعالم الغموض يتسلل الاعجاب والعشق الى قلب وعقل احدهم ذا شخصية مورسي ويبدا الاندفاع والارتجال يقود شخصية انثوية لطيفة لاكتشاف خبايا وتركيبة الآغا #مافيا #رومانسية #تونسية #جزائرية #سمر #فاتح #dz #tn
