آل مالك ( عشائرية )

partie 13

شيفرة مورسي (  عشائرية ) للكاتبة sacapitale 🇹🇳🇩🇿

فوط للبارت بليز دعمكم يحفزني ☄️☄️

⁦⁦(✯ᴗ✯)⁩⁦(✯ᴗ✯)⁩⁦(✯ᴗ✯)⁩⁦(✯ᴗ✯)⁩⁦(✯ᴗ✯)⁩⁦

سمر ☄️

رميت الروبة فالارض راسي بش يترشق بالوجيعة حيلي مهدود نشوف للحنة في يديا كانها وحش يشكل خطر على حياتي لي فالاصل مانمنش بيهم هاذيكا حكايتي ماشية للهلاك وانا عندي امل نمنع منو ههههه حالة فراغ في تفكيري  شبيه قلبي هكا علاه منيش نبكي ونحس بالوجيعة علاه مرفضتش علاه سكت وقبلت بيه مفما حتى إحساس من ناحيتو كيف نتذكر اسمو بدني تشدو القشعريرة قعدت مدة كبيرة وانا نخزر للسقف بعدها قمت حليت المشطة تا شعري ودخلت دوشت نشفت شعري شفت الساعة 3 تا الصباح سكرت الكليم ورقدت محسيت كان على الحركة في الدار والزغاريت غميت روحي حاولت نرجع نرقد اما هيهات دخلو البنات كالعسكر عليا
حنين ( بنت أسماء اخت ليال ) : راااقدة نهار عرسك
سمر : بفففف بلا عياط نسمع فيك
حنين : لالة زهرة قاتلك أهبط تفطر  فريق التجميل يستنا فيك لوطا هععع روبة العرس مذخمة عاللخر فيسع نحب نشوفك بيها .....
سمر : هبطت فطرت وانا غايبة عالوعي كل تفكيري فالنوم  هزوني لبيت عملولي حملة نظافة شويا بدات الحجامة تصففلي شعري  وعملتلي مايك اب كل شويا نمسح ونخفف خاطر اوفر عاللخر شوشطها معايا كملت  ثبت فالمرايا الماكياج صافا لبست الروبة اما فرحانة السبب شنوا منعرش يمكن كيفي كيف البنات نحب روبة العرس ستيل باربي وومترات قماش متالي تابع للروبة لافوال  والبوكي والاكسسورات الطقم البلالط و القلادة ستيل فينو كملت لبست وخرجت من البيت هازة الطالون متاعي ماشية شيرة البنات  الزغاريت علات وريحة الماكلة فالدار للضياف نعرش قداه ساعة
زهرة : كملت زغرتت : ايجا اقعد فالصالة حتا توصل الزفة
سمر : يهديييك امي مزال الوقت خنمشي نشوف البنات شعملو تعرفني الجلسات الجدية برشا منرومهمش حتا كيف يباركولي نعرش شنقلهم
زهرة : عرايس هالزمان تحركي للصالة
اسماء : خليها لالة نهارت عرسها ميتعاودوش اللحضات اذوما

سمر : خليتهم يحكيو وتسرسبت للبيت نلقا هاجوج وماجوج الدبش فالقاعة صوت السيشوار عاطي مسد
حنين : ياااا اللهم صل وسلم وبارك على سيدنا محمد  : مشات عنقتها ومبعدا رجعت الباب بندير والبنات يغنيو ويشطحو وسمر وسطهم كملو الزردة متاعهم خلاو بلاصة لسمر قعدت وسطهم تعمل فروتوشات لحنين عدلتلها الايلاينر متاعها والغيسيل ومشطة حواجبها  بعد مدة قصيرة كملو نص هبط لوطا يشطح والباقي لملم البيت وخلطو عليهم .الخدامة يسربيو فالعصير والحلويات بانواعها 
سمر : حنين
حنين : نعم
سمر : جعت .. نحب قاطو و jus 
حنين : تحب تبقع روبتك اركز شويا عيش سماسم
سمر : ديجا نحب نتعشا انا 
حنين : تتعشا على 6 متاع العشية.... اين الرومانسية اين سقام العرايس تحب تخليه يتعشا وحدو السيد
سمر : امممم سقام العرايس .... ااا
حنين : تسمع فالزفة ؟
سمر : نسمع نسمع  اخرتي جات اااه ياربي
وصل الكورتاج بعد رمي رصاص كبير كبارات العروش حاضرة رحبو بيهم وقدمولهم الضيافة لي تليق بالمجلس والعرش  شويا ودخل فاتح سوت فالنوار كاملة مكملة والبرنوس على كتافو قابلتو واقفة تشوفلو بنظرات هادئة كحل عينيه بمنظرها الروج  اتيراه من بعيد تشها يمسحو قرب لعندها وقف بجنبها شدها من يدها يحاول يسيطر على اعصابو
سميحة : بش تبقاو برشا واقفين هكاا ... هياا خرج مرتك
فاتح : حطلها البرنوس على كتافها وغطاها مليح
سمر : اااا تخنقت هكاا منشوف في شي أمي قلو ينزلو شويا
زهرة : الصبر خمسة دقايق تخرجي بيه
سمر : اوووف ياااا
زهرة : سمر   
سمر : هاني سكت زير على يدها وخرجها على صوت البارود والزغاريت ركبها فالكرهبة وتعافر مع روبتها غلق الباب وركب حذاها  ..... حالة صمت فالكرهبة ديمارا الكورتاج بعدلها البرنوس على راسها تنفست الصعداء
فاتح : خنقك ؟
سمر : بربثة : اي  ثقيل برشا 
فاتح : بقا يخزرلها وهمسلها : محلاك يا شيخة
سمر : ماتت بالحشمة والخوف  خوفها الغزل متاعو ودخلها بعضها تذكرت نهار  تحلف فيها وتعودلها بالعقاب على كلامها لبدت والدم نشف منها . طبست راسها وسكتت في داخلها افكار متضاربة شي يقلها نهارتها كان مغشش وشي يقلها هو كلامو ينفذو ميهمو فحد فاقت وقت وقفت الكرهبة فوسط الحوش فالقصر الكبير نزل ونزلها  .... صوت البارود قوي شدت فيدو
فاتح : بلاش خووف اهدا  ... سارع  خطواتو بيها للباب قابلتهم مريم بطبق التمر والحليب و زبدة عربي عطاتهم الحليب شرب وشربلها خذات حبة تمر قسمتها شطر ليها وشطر حطتو في فمو بيدها الصغار حطتلها مريم الزبدة فيدها وحملها بيديه رفعها شويا مسحت الزبدة على الباب عادة من عادات العرش  نزلها ودخل بيها للقصر  وهي ترجف كيان وراهم تعدل فروبة سمر وتزغرت مع البنات وسط الصالة قعدها فبلاصتها
سمر : محمد
فاتح : شاد تبسيمتو : هااا
سمر : خوو عليا البرنوس كتافي طاحو مثقلو
فاتح : قرب خذاه عليها و طبع بوسة على كتفها وخرج ماشي للمجلس عرضو ايمن داخل يعدل فالكرافات متعافر معاها ويكفر
فاتح : مشالو عدلها .... علاه لابس سماها موش جوك
ايمن : عنقو وباركلو بالعرس  ..... مجبور عامل تاتو فرقبتي تابع الخدمة يلزمو وقيت باش يتنحا  .
فاتح : خبيه خاطر كان شافو سيدي يسموك ورا الشمس
ايمن : وتخلي ولد عمك يطير ورا الشمس
فاتح : وفرايك انا حي وانت ورا الشمس
ايمن : هالهدرة  يخليك كبيرنا وشيخنا
فاتح : وقتاه وصلت ؟
ايمن :  شي حكاية 3 سوايع ... وانا فطريقي هنا لمحت صقر فكرهبتو يكون وصل ؟
فاتح : مزال اقف نرحبو بيه  .... شويا ودخل صقر من عرش الشاوي فعمر فاتح الآغا الخليفة لبوه  لابس قميص عربي اسود وغترة باج بتطريز اسود فالاطراف لافها ايماراتي ساعة والمحابس فيدو و التلفون قرب بارك للآغا وتقدمو  ماشين شيرة المجلس يناقشو فمواضيع تثير اهتمامات عقولهم اكهو .  الساعة تشير للتاسعة ليلا  الخدامة تعدل فالطواول وتسربي فالاصحنة الكل يتعشا  الخير  بانواعو ...... حاضي ولاد خوه بحرص من العشية  لابسين سوت فالبلو كيف بوهم مشالهم حطهم فوق الطاولة طلع كمام السورية وقعد يوكل فيهم  وشايخ على هبالهم .
صقر : هاا العم المثالي ترشي في اولاد اختي
ايمن : قلتها بفمك عمهم هههههه
صقر :  شنوة شاره عالصغار  قول نعملولك عرس
سيف : مزال قبلو شكون
صقر : شكون ؟
ادريس :. انت 
صقر : اما انا معرس
ادريس : ربي يرحمها  ... وولدك شكون يربيه
صقر :عندو بوه 
ادريس : ويلزمو ام  زادة
صقر : اغلق عليا السوجي
ادريس : تعرش كيفاه كيما انا خذيت منكم انت تاخو  منا 
صقر : ادريس شرف ليا اما انا منخممش فيه الموضوع 
ادريس : وقت تخمم خوك هنا
صقر : ونعمة الاخوة .
.
.
.........
.
.
زفوهم بعد نهار طويل.. وحدهم فالكرهبة  هو يسوق وهي تتثاوب والخوف راكبها والتخمام عاميلها عينيها قلقت حبت تتناسا وتبدل جو نطقت
سمر : كرهبتك فلاش والا بلوتوث ..................
فاتح : بلوتوث 
سمر : الكود ؟
فاتح : M25p174TK  ...
سمر : تبربش فتلفونها ... لقيتوو هااا خطت غنايات على ذوقها وتشطح وتحرك فكتافها  شيئ  تخمامها عمالها عينيها قصت عالغناية 
سمر : محمد
فاتح : تنهد : روح محمد
سمر : نحب نحكي احكي معايا نورمال بلاش غزل
فاتح : احكي نسمع فيك
سمر : انت بش تفدي فيا الجديد و القديم ؟!
فاتح : سمر احكي حاجة مفروزة وضحلي كلشي مخي موش فصحن يحلل ويناقش
سمر : انت با.. باش تندمني على الي عملتو معاك
فاتح : نفخ وقارا الكرهبة على جنب : سمر  اخر مرة نقلك احكي بالمفروز ... نهار طويل فات اليوم
سمر تحاول تستجمع فقوتها  : تتذكر نهار خديت مني الفاست  ... عيطت وسبيت وقتلي الى بش تندمني على كل كلمة قلتها ليك  حسابك بش يبدا من ليلة هااا 
فاتح بعد صمت كبير : انا شكون بالنسبة ليك سمر ؟
سمر : ولد عمي ، الآغا  و..وراجلي
فاتح : من شنوة خايفة شنوة الشخصية منهم الثلاثة لي مخليتك فالستراس هكا
سمر : انت بكلك
فاتح : خصص اكثر
سمر : انت ناقم عليا وتوا باش تنفذ فيا  وتخلف الفازات لي عملتهملك 
فاتح : هاذا لي مقلقك
سمر : امممم ....يعني
فاتح : منيش ناقم سمر منييش
سمر : احلف
فاتح رجع ظهرو وحل ازرار الشوميز الفوقانية  : كلمتي متكفيش ... تحبي الحلاف
سمر : حركتو خلاتها تركز على صدرو هزت عينيها ليه : كااافية .... نهار الهجوم  انا وثقت فيك من كلامك اكهو ومن غير سبب معين ....  متخيبنيش اماااان
فاتح : واضح  ... وعد مني
سمر : علاه كيف تقلي وعد نحس هكا ... نحس بسلام داخلي
فاتح : تنهد : آاااه ... قلي سمر
سمر : نعم
فاتح : انت رافضة فكرة اناراجلك يعني رافضة فكرة الليلة ؟
سمر : عينيها على  شعرات صدرو الخفاف : هااا شقلت اما فكرة ؟
فاتح : انك تصير مرتي مرت فاتح بن مالك بالفم والملا 
سمر : حشمت وطبست راسها 
فاتح : تؤ تؤ .. هز راسك  .. حاليا انت مرتي وانا وراجلك مفماش حدود علاااش حاشمة تحب اي متحبش قول لا عادي
سمر : فاتح. .... طلب
فاتح : اطلب
سمر : سامحني امان على الي جاي .... مدت طراتش صباعها لصدرو وعداتهم عليه حاجة داخلها تطلب فيه اكثر بقات دقايق تحرك فاناملها  عليه بحركة عشوائية تجرات اكثر وفتحت زر اخر ... بقى حاضيها مدة كبيرة اخر حركة منها هبلتو فتح بقية الازرار وخلا يدها تتماشى على صدرو براحتها ... طالعة هابطة بصباعتيها تستكشف في بدنو بدن راجل اول مرة تعمل حركة كيف هاذي  شدتها طبلية الشكلاطة بقات مركزة معاها توشاتها ونزلت لاخر حزامو وحبست قربت اكثر من غير اي تفكير طبعت بوسة خفيفة على صدرو دوبلاش شفافها توشاو جسمو بقات تكرر في عملتها من غير متشعر جاها صوتو ثقيل
فاتح : سمر .... ستووب تواا .... اعمل لي تحب كيف نوصلو للقصر
سمر : بعدت عليه في حالة  غايبة عالوعي بدنها خانها يحب اكثر عدت لسانها على شفافها  : سامحني
فاتح : على شنوا
سمر : لي عملتو  تواا
فاتح : شنو عملت
سمر : تحارشت بيك
فاتح : هااا تحرش .... خلا يدو على فرق صدرها  وعمل نفس عملتها تهزت وتنفضت
فاتح : علاه مبعدتنيش عليك
سمر  تحكي بقوة : هااه ... منعرفش  
فاتح : نجاوبك ؟
سمر : اممممم
فاتح : خاطرو حلال محلل  انت حلالي وانا حلالك  لي يصرا  لبدنك توا حاجة طبيعية  ولي عملتو فيا و هبلتني بيه هو  نفس احساسك ورعشتك وقت لامست صدرك حاجة غريبة  خلاتك تتهز اما مرفضهاش بدنك خاطر عقلك اكدلو انها مباحة وجائزة
سمر : هااا..... ضامة شفافها بحركة طفولية 
فاتح :  لون احمر ممنوع
سمر : مافهمتش ؟
فاتح : معاش تحط روج على شفايفك بلون هذا يهبلني وينرفزني
سمر : علاه متحبش اللون الاحمر ؟
فاتح : متحطوش اسمع الكلمة نفخ رجع لجديتو والبرود متاعو
سمر : سكتت عدلت قعدتها  عينيها فالقاع محكات شي .... رجع خدم الكرهبة يسوق بسرعة متوسطة
وصلو للقصر قصر سي اسماعيل نزلو ومشاو شيرة البارتي الخاصة بيه دخلو طالعة فالدروج حبست نحات الطالو وكملت صاعدة حللها باب البيت  دخلت محكاو شي قعدت فوق الفوتاي وتكسل في ساقيها وتتثاوب شويا وركزت مع الزينة لي عاملينها للاشومبر الورد منثور فالارض والبالونات فالروج طاولة صغرونة فيها السقايط واكثرهم شكلاطة بانواع مختلفة .
فاتح رما الفاست والشوميز فوق الفوتاي ودخل للصال دو بان عمل دوش بعد نهار متعب فات عليه خلاه يدعي المثالية ويجبر شخصيتو المنطوية انها تتحول لاجتماعية ويحرك لسانو ويتكلم ويجاوب بتفصيل عكس عادتو والبرود متاعو .. قعد دقايق تحت الماء حس بدنو ترخف لف منشفة على وسطو الثانية فيدو ينشف فشعرو المبلل  خرج  يلقاها تتعافر مع شعرها تحل فالكوافير تعدا للدريسينغ روم لبس شورت بلونوي  خرج لقاها تمسح فمكياجها وتتثاوب كملت جات تقوم تدعثرت طاحت فالقاعة جات مفروشة قرب لعندها يحب يعاونها بقات تخزر للسقف كيف المهبولة وتلفتت تخزرلو وترشقت بالضحك  حتى دموعها هبطو مالضحك 
فاتح : يتبسم : هيا قوم يزي بدل حوايجك بزايد تمرميد ليوم
سمر : اااه يما راسي ومسلاني وزاد كمل عليا شعري  وجوعانة .... هاع دقيقة فماا عشاء ؟؟
فاتح : يضهرلي فما فالكوجينة
سمر : قامت  تجمع فلاروب  ... تنجم تحللي الروب ؟
قرب لعندها منغير ميحكي حرف حللها السونسور وهي شادتها بيدها فاتت للصال دو بان  عملت دوش سلطانة كريمات وزيوت وتعطير خرجت  ملقاتوش فالبيت تعدت  تبربش فالدريسينق روم بطلوع الروح لقات بيجاما شورت ساتان مستورة بالنسبة للبقية  لونها اخضر ملكي لبستها  وخرجت تستكشف فالدار حلوة ومزيانة ستيل قديم اما فخمة شدتها ريحة الماكلة مشات للكوجينة لقاتو حاط الطاولة صايي  بقات واقفة تشوفلو حسلها وقت جات
فاتح : صحة الدوش
سمر : يسلمك
فاتح : ايجا تعشا .... نعرف مخلاوك تاكل شي
سمر : انفجرت : اي مخلاونيش لا غداء لا قاطو ولا jus  سخفت
فاتح : ههههه هيا اقعد
قعدت وحطت في صحنها تاكل  وجودو قدامها يوترها  كل شوي تتثاوب كملت لملمت الماعون ومسحت الطاولة طفات الضو وخرجت مش فاهمة وجهتها فين  عرضها هاز تلفونو عمل ابآل  حكا كلمتين مش مسموعين  وقص .... شوي وصوت البارود  المتواصل ماشي ويعلا
سمر : بخوف : جاو جاو مرة اخرى ... هوما البرا . ا آاا..
فاتح : هشش ...  كالم  ذوك ولاد العم والعرش ورجالنا 
سمر : بقلة فهم : هآاا ...علاه يعملو هكا ياخي هبلو 
فاتح : لا مهبلوش ...العادات يقولو هكا
سمر : ياودي اما عادات قلبي طاح
فاتح : اولا منيش ولدك وقت تحب على بيبي قلي وانا نتكفل بكل شيئ
سمر : حالة فمها  ووجها احمر : هاااي  شوية قدر امآن .
فاتح : مجاوبهاش قرب لعندها وحملها بين يديه مشا بيها للبيت حطها في بلاصتها  وعدللها الغطاء طفا الضو وتمد بجنبها  حاط يد على عينيه  طريقتو في الاسترخاء وقت يكون تاعب  ... بقات تخزر للبيت فالظلام اضو القمر متسلل من الشباك  تذكرت الشكلاطة مشات على طراتش صباعها  للطاولة اختارت كعبة نوار استحلات ذوقها ومشات للصال دو بان بروسات سنيها غسلت يديها ورجعت لبلاصتها وغطست في نومة متعرف على خلاها وين .