ည အိပ်ခါနီး ရှန်ခ တစ်ယောက် ခခအခန်းတံခါးကိုဖွင့်ပြီး အပေါက်ဝကနေဘာလုပ်နေလဲ ကြည့်လိုက်တော့ စာရေးစားပွဲပေါ်မှာ ပုံဆွဲနေသည်ကိုတွေ့လိုက်တော့ ပြုံးပြီးကြည့်နေလိုက်သည် ။
ရုတ်တရတ် ခခက အနောက်ကိုကိုလှည့်ကြည့်လာပြီးသူ့ကိုလည်းမြင်ရော ကိုယ်လေးတုန်တက်သွားပြီး မျက်လုံးလေးပြူးသွားလျက်" ဒယ် .. ဒယ်ဒီ ! ခခက အိမ်စာစာလုပ်ပြီးလို့ မအိပ်ချင်သေးတာနဲ့ ခဏလောက်ပုံဆွဲမိတာပါ ဒယ်ဒီ "
အသဲအသန်လက်တစ်ခါခါနဲ့ ရှင်းပြလာတဲ့ သမီးဖြစ်သူကိုကြည့်ပြီး ရှန်ခ မျက်မှောင်ကြုတ်မိသည်
" အေးပါ သမီးရယ် ဒယ်ဒီလည်းဘာမှမပြောပါဘူး "
ရှန်ခသည် သူ့သမီးကို အပြုံးလေး နဲ့မကြောက်အောင်ပြောပြပြီး ခခအခန်းကို ဝေ့ဝဲကြည့်နေတော့
" ဆောရီး ဒယ်ဒီ .. ခခ အခန်းမရှင်းမိထားဘူး "
ခခသည် သူ့ဒယ်ဒီ သူ့အခန်းထဲကြည့်နေတာတွေ့သွားတော့ သူ့တစ်ယောက်အိပ်ကုတင်လေးပေါ်က ရှုပ်ပွနေတာကိုသိတာကြောင့် တောင်းပန်လိုက်သည် ။ ဒယ်ဒီက အရမ်းအသန့်ကြိုက်သည် ။ သူတို့မောင်နှစ်မတွေအပေါ်လည်း အရမ်းစည်းကမ်းကြပ်သည် ။ ဒယ်ဒီက တော်ရုံ စကားမပြော အခုမှသာ ခခအခန်းထဲလာကြည့်တာဖြစ်သည် ။ တော်သေးတာက ဒယ်ဒီက မဆူတဲ့အပြင်
" ရပါတယ်သမီးရဲ့ ဒယ်ဒီက ခခအိပ်ပြီလားဆိုတာခဏဝင်ကြည့်တာပါ မနက်ကျရင် မိအေးကိုသမီးအခန်းရှင်းခိုင်းထားလိုက်မယ် ပုံဆွဲနေတာမလား ဆက်ဆွဲ ဆက်ဆွဲ "
" ဟင့်အင်း ဒယ်ဒီ .. ခခ အခုပဲအိပ်တော့မယ် "
ပြောပြီး စားရေးစားပွဲပေါ်ကမီးအိမ်ကိုပိတ်လျက်သူ့ကုတင်ပေါ်သူတက်အိပ်သွားတဲ့ သမီးငယ်ကိုကြည့်ပြီး ရှန်ခ မျက်နှာပျက်သွားရသည် ။
တံခါးအသာလေးပြန်ပိတ်လျက်သာ ဘေးအခန်းက ရာရာ့အခန်းဆီ လာခဲ့လိုက်သည် ။
သားအခန်းဝကနေ သားကရှန်ခ ကြည့်နေတာတွေ့တော့
" အယ် ! ဒယ်ဒီ သားအိမ်စာလုပ်ပြီးတော့ မာမီက ဂိမ်းခဏဆော့လို့ရတယ်ဆိုလို့ သားခဏဆော့တာပါ ဒယ်ဒီ "
YOU ARE READING
The Deception of Love (TDOL) Ongoing
Fantasyအိမ်ထောင်ရှိသော်လည်း မချစ်တတ်တဲ့ CEOကောင်လေးနဲ့ ဘဝပေးအခြေအနေကြောင့် လူတစ်ချို့ကို လှည့်ဖျားပြီးပိုက်ဆံရှာနေရတဲ့ကောင်လေး သူတို့နှစ်ယောက် ဘယ်လိုအကြောင်းကြောင့်တွေ့ဆုံရမလဲ ??? သိချင်ရင် ဝင်ဖတ်ကြည့် 🤍