The Mafia Lord Is Obsessed With The Famous Ballerina (ON-GOING)

18

Hannah's POV:

Hindi ko namalayang nakatulog ako kaya dali-dali akong bumangon ang nagbihis dahil hindi ako nakapagpalit pagka-panik ko rito.

Tinignan ko ang orasan at 7pm na. Paniguradong nagluluto na si manang, sakto ring kumalam ang sikmura ko.

Pag-labas ko ng kwarto ay agad akong bumaba para pumunta sa kusina. Tama nga ang hula ko at nagluluto na si manang ng hapunan.

Hindi pa man ako tuluyang nakakalapit ay amoy ko na agad ang paborito kong ulam.

"Mukhang mapaparami ang kain ko sa sinampalukan na niluluto mo, manang." Sabi ko at lumapit sa p'westo niya.

Natawa naman siya sa sinabi ko. Kumuha ako ng kutsara at tinikman ang sinampalukan. Pagtikim ko ay agad kumunot ang noo ko dahil walang lasa.

"Manang, bakit po walang lasa?" Tanong ko sa kan'ya.

Tumigil siya sa ginagawang pag-breading ng manok at nagtatakang tumingin sa akin.

"Jusmiyo kang bata ka! Wala pang pampaasim at pampalasa 'yan, bakit tinikman mo agad?" Natatawang tanong niya sa akin.

Napasimangot naman ako dahil doon. Akala ko luto na kaya tinikman ko, hindi pa pala! Gutom na ako!

"Gutom ka na ba? Sandali lang ipapahain ko na rin ang mga pagkain sa mesa at baka parating na rin sila." Sabi ni manang at pinahain sa ibang katulong ang mga pagkain at nagpatuloy ulit sa pagluluto.

Nagtaka naman ako sa sinabi niya at napansin ko rin na marami siyang niluto gayong iilan lang naman kaming kakain.

"Manang, bakit ang dami po ng niluto niyo? Pupunta po ba dito sila Jessie?" Takang tanong ko.

"Nako! inaya ko nga kanina ang mga batang 'yun pero hindi raw sila pwede ngayon saka dinaan nila yung maleta mo. May bisita raw na pupunta ngayong gabi sabi ng daddy mo at kailangan daw naka-ayos ka." Sabi ni manang na lalong ipinagtaka.

"Sino raw po?" Tanong ko ulit.

"Walang sinabi, nak. Mamaya rin dadating ang bruhildang mag-ina kasama ang daddy mo." Sagot ni manang.

Napatango naman ako at agad na nagpaalam para makapag-ayos. They're back? Jusko! Bakit bumalik pa sila dito, sana nanatili na lang sila sa hacienda nila. Paniguradong plastikan malala na naman ang magaganap mamaya.

Pagka-panik ko ay pumunta ako ng banyo para maligo. Nagbabad muna ako sa bathtub na may sabon at ilang petals ng rosas. Nakagawian kong magbabad sa ganto ng ilang minuto dahil sobrang nakaka-relax.

Nang matapos ang ilang minuto kong pagbababad ay nagbanlaw na rin ako ng katawan saka hygiene routine ko.

Sinuot ko ang bathrobe at naglagay ng towel sa basang buhok ko. Lumabas na ako ng banyo at pumuntang closet.

Hindi ko alam ang susuotin dahil hindi ko rin alam kung sino yung mga bisita.

I wore my red fitted dress and has 2 inch slit in left side. Kumuha rin ako ng accessories when the necklace that someone gave me caught my attention. Kinuha ko ito at sinuot, tumingin ako sa salamin at bumagay siya sa suot ko.

Kinuha ko na rin ang hindi kataasan na heels. Susuotin ko na ito ng biglang may kumatok sa pinto.

Lumapit naman ako rito para buksan at makita kung sino ang kumakatok.

"Bakit po ate Lorie?" Tanong ko.

"Pinapatawag na po kayo ni Sir Adie." Sagot niya sa tanong ko.

Napatango naman ako sa sinagot niya. "Paki-sabi na bababa na rin po ako." Sabi ko sa kan'ya na ikinatango niya saka lumakad na pababa.