اوقعت الشيطان (كامله)

الفصل (٣)

#نوفيلا
#اوقعت_الشيطان
#الفصل_الثالث

_____________________________

كانت فرح تحاول ان تستوعب لما جاء عمها الان وقالت:"عمي هلال."

نظر لها هلال بانكسار وقال:"سامحيني يا بنتي سامحيني يا بنت اخويا عشان اتخلينا عنك."

نظرت لالياس الذي كان ينظر بجمود لعمها ونقلت نظرها لعمها وقالت بهدوء وهي لا تفهم شيء:"طب ممكن حضرتك تقعد يا عمي ."

جلس عمها وزوجته وابنه الذي كانوا ينظرون لالياس بكره شديد فقال عمها هلال بحزن حقيقي واسف:"انا مش طالب غير انك تسامحيني يا بنتي."

فرح بعدم فهم:"عمي ممكن حضرتك تفهمني ليه جيتو دلوقتي بالذات."

ثم تحدثت بحزن شديد:"ليه جايين بعد ما اتخليتو عني وسبتوني لوحدي سنتين اعاني واواجه الدنيا لوحدي."

"شعرت بيد الياس التي تربت علي يديها بحنان نظرت له تحاول منع نزول دموعها"

قال هلال وهو يتنهد:"احنا بقينا علي الحديده يا بنتي،محلتناش حاجه حتي البيت اللي قاعدين فيه هيتاخد قريب."

نظرت له فرح وقالت:"ليه يا عمي حصل اي."

اندفع ابن عمها الذي يدعي عبده وقال بغضب شديد"جوزك هو السبب خد مننا كل حاجه وخلاها باسمك وقريب هيسحب مننا البيت ويقعدنا في الشارع و....."

لم يكمل حديثه بسبب لكمه الياس له فشهقت فرح وقال الياس بنبره مرعبه :"اياك ثم اياك تعلي صوتك علي فرح انت فاهم."

ارتعب عبده من نبرته فقال الياس بشر:"قسما بالله لولا انك ابن عمها لكنت هخليك تتمني الموت ومطلهوش."

اقتربت فرح منه وامسكت يديه وقالت:"الياس عشان خاطري عشان خاطري انا كفايه."

كان مازال الياس ينظر لعبده بغضب فقالت فرح برجاء
:"الياس عشان خاطري اقعد بس."

غضب الياس من نفسه لانه جعلها تترجاه فقال محاولا ان يتحدث بهدوء:"حاضر."

تنهدت فرح وقالت لعمها:"متقلقش يا عمي كل حاجه هترجعلك زي ما كانت."

ابتسم عمها ونظر لها الياس بصدمه وقال بغضب شديد:"نعم انتي بتقولي اي يا فرح."

قالت له بهمس:"الياس ممكن ترجع كل حاجه ليهم دول مهما كانوا اهلي برضو."

تحدث زوجه عمها بسخريه وقالت:"لا اصيله."

نظر لها الياس بحده فقال هلال بتوبيخ لزوجته:"اكتمي يا وليه اكتمي."

تجاهلت حديث زوجه عمها وقالت لالياس:"ها يا الياس."

الياس بحده:"يعني اي انا خدت حقك منهم وانتي عايزه تسامحيهم وترجعي كل حاجه."

فرح وقد بدات تسيل دموعها وقالت:"لا انا مش مسامحه بس رجعلهم كل حاجه."

ضمها اليه امامهم وقال بحنان:"ششششش متعيطيش يا فرح خلاص هعملك كل اللي انتي عايزاه."