دايفرجنت (متوقفة لحين إشعار أخر.)✌....💋2💋

بارت5🌺💜

دايفرجنت *2*
بارت *5*
بقلم life maker : عبير خالد ✨لينهه نجم الدين 💛 تنزيل محمد 💛 ملاذ مالكك 💛✨

بات الطريقُ أعوجًا جدًا؛ كثرتِ الحُفرُ فيهِ؛ من الصعبِ العبور، كثرَ السقوطُ يا الله، أنجدني ليس لي سواك، أنس قلبي يا الله، فهم قد أوحشوه.

      *#عزيز.*
.
.
.
.
.
في غرفته المظلمة جلس علي الأريكة وليس هنالك ضوء؛ إلا بعض الأشعة الخارجة من الأباجور الصغير الموضوع على الطاولة بقربه، سرح بنظره بعيدًا وهو يذكرها، كانت تبكي كالأطفال، كانت ملامحها الدقيقة تشع ألمًا وحزنًا، تذكر كيف كانت تتحدث، والوجع يخرج منها مع كل كلمة، ويولج إلى قلبه محطمًا إياه...

«flash back»...

رزان: كنته كل يوم بتعرض للمضايقة منهم، ما بس مضايقة في الكلام، لا كانو بتعمدوا إنو يضايقوني في كل شي، مره رديت عليها قومت الدنيا وما قعدتها، وبقت تهدد فيني ما خلت لي جمب أنوم بيهو بليل، كنته خايفة جدًا إنها تعمل لي حاجة، دائمًا بسمع من الناس الفي السجن إنو زوزهه خطر كيف إنتي متحملاها؟! 
وغيرو كتيييير ما عارفة كيف اليوم مرا علي، وطلعنا وقت الفطور بطلعونا من الزنزانات وبرجعوا بحبسونا، طلبته أقابل رئيس السجن، فعلًا قابلتو وطلبته منو يغير لي الحجرة الأنا فيها، بس إتفاجأته إنو موصين عليَّ مخصوص أقعد مع زوزهه!
الخلاني أخاف بالجد الصوله ونحن راجعين على الزنزانة وكلامها معاي...
الصوله وفي ضحكة صغيرة حقت شماته في وشها:
*مشششمممم مسكيييينه يا بتي، والله الليلة إلا تطيري غايتو، أدعي إنو زوزهه الليلة يحصل ليها شي؛ لأنها ما حتسيبك يا تموتي يا تموت هي، الليلة ما بطلعك منها إلا الشديد القوي.*

الكنته مستغربه منو بالجد؛ إنو لي هم بخافوا منها كدا، ما عندهم سُلطة عليها؟! 
حسسوني إنو ماف كبير عليها في كل السجن، ودا الأثبتتو لي والله، من غير مبالغة حرقتني بالنار، وقطعت لي شعري، بتقع فيني ضرب لدرجة لا بقدر أقوم لا أقعد، والغريبة إنو ماف زول بفتح خشمو معاها، ياخ الصوله ذاتها ما بتسألها، يااخ حاجة كدا مرعبة شديد...
جاء يوم محكمتي وسلفًا أنا كنته عارفة إنو حأتعدم؛ لأنو أهل محمد كانوا مصرين على كدا، وبسعوا للحاجة دي بيدينهم ورجلينهم، والشي الساعد أكتر إنو أنا طاعناهو بالسكين 7 مرات، فعلًا إتحكم عليَّ إعدام وإتحولته سجن الإعدام، كان باقي شهر على تنفيذ الحكم، ما عارفة إحساسي وقتها كان شنو ما كنته خايفة لأنو أنا ما غلطته، أنا متأكدة إنو ربنا ما حيخليني براي، وفي عز وجعتي دي قصتي وصلت كل الناس، عن طريق السوشيال ميديا كيف وين ما عرفته، الناس كلها هاجت شديد وطالبوا بحقي الأهلي ما طالبوا بيهو!
لقيت السند من الغريب، وما لقيتو من القريب، تعبته شديد نفسيًا كل الصولات كانوا بكرهوني، قالو أنا عملته شوشره ليهم في السجن، عمرها ما حصلت ليهم...

--------------------------------------------------------------------------------------
ربي لا تُفلت يدي ليس لي سواك يا إلهي، أنت ملجيء أنت أماني، أنت منقذي، أنت العادل الذي لا ظلم ولا جور في حكمك، يا أرحم الراحمين... ❤ .