عيط يزن على طول صوتوا: مييييييييييييييسوووووووووو لغرفتك
على صوتوا تهزت زينة من صوت يزن اول مرة يجيو عندهم مالفين غير بتلفون يحكيو معاهم جبدتها ليها ميسو وحكات: ميسو ماتت يا سي يزن، امشي زينة امشي هذوا مكلوبين جامي اصلا خموا فينا ولا يشوفوا واش ناقصنا يحكيو معانا غير فتلفون ونهار جاو ناس تستقبل خواتاتها بالاحضان وفرح وحنا بضرب والعياط 😹
شدت ختها من يدها وطلعوا للغرفة غلقوها بالمفتاح بقات زينة كابشة في ميسو وتبكي: ميسو علاش زهرنا هك علاش واحد ما يحبنا 😭 ميسو انا تعبت والله تعبت
ميسو: اشششششت متبكيش اقلبي بسك مش حنا غالطين الحق على امنا جابتنا حنا في 4 بعد موت بابا الله يرحموا راحت مع عشيقها مستناتش حتى كمل العدة ههه عادي اروحي هذا هو قدرنا ولازم نتحملوا ودك ارقدي غدوا عندك جامعة
رقدوا معنقين بعضهم، نلضت زينة على صون منبه طفاتو وهي تحس راسها ثقيل شافت مع ختها بعدت شعر على وجها باستها وناضت عملت روتينها ورجعت تنوض ختها
زينة: ميسو يا روحي نوضي راح يروح عليا حال
ميسو: خليني نرقد هاو مفتاح وروحي وحدك
زينة: نسيتي اخر مرة سقت فيها واش صرا
فتحت ميسو عينيا وحكات بصوت غالب عليه نعاس: نسيت على ن. مك بلي متعرفي ديري والو انت مالا كي تزوجي كيفاه ديري واقيلا تحبي نجي نعتلك كيفاش يحويك
سوطات عليها تضرب فيها: انت والله ما تحشمي تفيه خامجة
ميسو: 😹😹😹😹😹 علاه نحشم راح يجي يوم ونشوفك احلى عروسة
زينة: شكون قالك راح نتزوج اتزوجي انت ونا نبقى لاصة فيك
ميسو: روحي تزمري على روحك نا اختشي خليني نتقلش ونعيش مع راجلي في العسل
زينة: تفييييييه فسق خماج متحشميش، ياااااو نوووووضي راح عليا حال او عندي برومي سيون راها تيدي
باست ختها وناضت تجري لصال دوبان تعمل روتينها ، قعدت زينة تسنى حتى لقات ختها جات.
زينة: يويويوييي اخيرا شرفت حضرت جناب الاميرة
ضحكت عليها ميسو وبدات تطبع فيها: امشي امشي برك يا بهلولة
هبطوا لقاو غير يزن يفطر صبحوا عليه وقعدوا في طاولة يستناو في خدامة تحطلهم لفطور
يزن: صباح الخير، خير وين بيها نشوف فيكم عادلين
شنفت عليه ميسو ودورت وجها، استغفر هو وشاف مع زينة
زينة: رايحة توثلني للجامعة بعدها تروح لسوق تجيب حوايج خاصينا
يزن: مكانش طلعة ونا لي راح نوصلك وشي لي ناقص اكتبيه في ورقة نمد شوفير يجيبوا
ميسو: هههه كملت واللله مليحة دي جا بارح راح يحكم فيا اليوم
تمالك روحوا: كلامي ما يوليش زوج ودك لغرفتك.
