جات طالعة لغرفتها تجري ما حست غير بشعرها قريب تقلع
ادلار ويين رايحة مزال حسابك مش قلت لربك مزيديش تخرجي من دار
ميسو بعيون دامعة: اطلقني احمار شعري طيرتوا اطلقني نعرف انو انا وحدة هاملة عندكم الحق 😹
زينة: بلعي واش هذا الكلام مراكيش هاملة 😢
يزن ادلار: اطلعوا لغرفتكم ومكاش خروج منها يا ربي ونسمعو بلي رجلكم تخطات خطوة وحدة خارج الغرفة.
غير طلق شعرها طلعت تجري لغرفتها رمات روحها فوق سرير وبدات تبكي لحقتها زينة غلقت باب بالمفتاح: ميسو يا روحي يزي بكا عيش اختي 😢😢 راكي تولي مشي شابة
ميسو: علاش كل يحط عليا الحق وكامل يشوفني هاملة حتى خاوتي هه شافوني هاملة ههه توأم تاعي وما وقفش جنبي 😭 راني تعبت ازينة تعبت 😭 علاش راحت وخلاتنا 😭
زينة: 😭 اششششت هيش ختي هي رحت ربي يسهل عليها انت ماما وختي وكلش عندي 😢
بقات في حجر ختها تبكي لين غفات باستها من راسها وعدلتها في بلاصتها غطاتها مسحت دموعها بدلت حوايجها وهبطت لصالون لقات غير يزن كان شاد كارو وحاط كاس مشروب قداموا هز راسو لقاها واقفة قداموا غمض وعاود فتح عينيه وحكى بصوت هادئ عكس نار لي داخلوا: واش خرج ربك من غرفة مش قلت وحدة ما تعتب رجلها باب غرفة؟
زينة بصوت غالبة عليه بكية: حرام عليكم معلابالكمش واش رانا عايشين وكلام لي كل يوم نسمعوه بالاخص ميسو 😭 انت وادلار كل واحد راح بنى حياتو وحنا واحد ما محوس علينا 😭
من كلامها رمى الكاس لي كان في يدوا على الحيط وبدا يعيط: انتم لي محبيتوش تجيو معايا ةزيد مش حق علينا حق على امكم لي راحت وخلاتكم اقلبي منظرك عليا لا لا نغلط فيك كنت حاسك صح صغيرة وعقلك كبير اما ظهرتي كيفك كيف ختك
من عياط تع يزن ناضت ميسو تفرك في عينها شافت غرفة ملقاتش ختها خافت ناضت تجري شافت ختها جامدة في بلاصتها ودموعها يسيلو جرات حضنتها ووجهت كلام ليزن: واش بيك كالب وتوكل في روحك تقول كلينالك رزقك بلاك
بقى مكور يدوا باش مايرفعش يدوا للمرة ثانية عليها غمض لاض على عينيه، من قوة حس ناض ادلار وهو عينيه حومر وشعروا مفرفش هبط لصالو واش مهبط ربكم انتم لثنين مش قلنا رجلكم متعتبش باب الغرفة؟
ميسو: علاش جيتوا واش جابكم اه ولا هذا وين تفكرتوا بلي راه عندكم زوج خيات هههه اصلا كتاه تفكرتونا حتى تتفكرونا درك وزيد ياك حنا هاملات وقليلات تربية ارجعوا منين رجعتوا
جبدها ادلا عطاها كف على طول يدوا: اخر اخر مرة صوتك يعلى فهمتييي ودك ورب العزة غير لسانك يتقص
قربت منها زينة حضنتها وهي ترجف من خوف بادلتها ميسو حضن وشافت مع ادلار بتحدي: اخر مرة يدك تتهز عليا راك فاهم اسي شباب ودك غدوا منحبش نشوفكم هنا كيف ما نسيتونا شحال من سنة دك اعتبرونا متنا
وجعهم قلبهم على خياتهم مكانوش حابين يبعدوا عليهم اما امر كان فوق طاقتهم.
