شافت مع صحبتها: هذوك زوج باش يهبلوني
شيماء: شكون واش قاتلك زينة
ميسو: راهي هي وصحبتها في المخفر سور كشما داروا راح يهبلوني
شيماء: 😹 سور كشما خصاو واحد كيف عادتهم ههههه مراحش يتبدلوا
ميسو: ههههه ااا والو لي يديهم امو داعية عليه امشي امشي نروحوا نخرجوهم من. بعد نرجعوا نقضيوا صوالحنا
ناضوا بنات حتى تفاجئت ميسو من شخص لي واقف وراها ومربع يديه لونها تبدل ، شافت معاها شيماء ومع شخص لي واقف قبالهم ، حطت يدها على كتف صحبتها: ميسو شبيك شبيه تبدل لونك وزيد شكون هذا
يزن: واش است ميسو مش قلتي رايحة تعملي شوبينغ اما نشوف فيك قاعدة مقصرة وتضحكي
شيماء: وانت دك واش دخلك فيها واش تكون انت
قبل ما يجاوبها نطقت ميسو: هذا خويا لكبير لي جامي جا وحوس علينا واش نحتاجوا بارح جا بيه بسي خويا لي زعما توأم تاعي
يزن: متخلينيش نغلط معاك قدام ناس وحسابك انت وختك مزال مخلاصش
ميسو: هههه والله ضحكتني اسي شباب صار انت هو لي من صباح وانت كيف الكلب من ورايا تعس فيا
محستش كيفاه حتى لقات كف جاها منو شافت معاه وتبسمت
: من رجعت وانت هذا واش تعرف كف رايح وكف جاي ديجا علاش رجعت بيك بيه شكون قالكم ارواحوا مناش محتاجينكم ، ضمرتوا وخرجت لحقتها صحبتها
شيماء: واو هذا زل خوك واااا طحبة مقلتيليش بلي خوك زل قوقليلي متزوج ولا نو
ميسو: هههه والله ضحكتيني ونا مش قادرة نضحك
شيماء: مقتلكش اضحكي راني نسقسي فيك متزوج ولا نن
ميسو: وي متزوج بوحد عوتشاية لفعة اووووف نكرها وعيشك خليني من ملتو علاش نروح نجيب زينة من بعد نحكيو
شيماء: زهري العوتشاي
ميسو: شيييماااء
شيماء: اتنفسي غير بالعقل عندك يطرطقلك شي عرق
تبسمت معاها وديمارات راحت للمخفر وهي في طريقها اتصلت بالمحامي باش يحضر اوراق كفالة اختها ولصحبة ختها.
بعد شي نصف ساعة من زمان وصلت ميسو وشيمو للمخفر دخلوا هدروا مع ضابط وقالوا له يفك عنهم وانهم مزال صغار وطاياشات بحكم عمرهم 18 سنة، بعد عدة محاولات الاقناع لي قاموا بها ميسو وشيمو اقتنع اخيرا اقتنع وطلق سراحهم، وقعت ميسو على الكفالة تعهم لي جابهالها المحامي.
