حكاية حياه

البارت الثالث عشر

#دينا_دخيل
#حكاية_حياه

البارت الثالث عشر

في اليوم التالي
إستيقظت حياه من نومها وهي تشعر بالألم في جميع أعضاء جسدها إثر العلاج ولكنها تحملت وقامت لتصلي فرضها وتقرأ وردها اليومي وهي تدعي الله ان يشفيها ويعافيها من مرضها .
وخرجت من غرفتها لترى شيماء وإنعام وسمية وعلا يجلسون مع مريم وأبيها

حياه : صباح الخير

الجميع :. صباح النور يحبيبتي

انعام بحنية : تعالي يا حبيبتي اقعدي
جلست حياه بجوارها وسألها الجميع عن أحوالها وصحتها وهي سعدت بوجودهم فهي تحب التجمعات العائلية جدا .

شيماء: معلش يا حياه ان معرفتش اجي معاكي امبارح بس أنتي عارفه الشغل والمدير مش بيرضي بأجازات
بس ان شاء الله المره الجاية هروح معاكي

حياه بابتسامه : أولا عارفه شغلك بس حتي لو كنتي فاضيه أكيد يعني مش هنروح كلنا
أنا اصلا بعد كدا هروح أنا ويوسف وخلاص
الموضوع مش كبير

شيماء بابتسامه : ربنا يكمل شفاكي علي خير

حياه : يارب

حياه بابتسامه : ها يست علا ... خطوبتك امتا بقا عايزين نفرح

سمية : أن شاء الله لما تخفي يحبيبتي نبقا نعمل الخطوبة والفرح كمان

حياه بتعجب : أنتو عايزين تأجلوا الخطوبة ..  ليه
أنا كويسه يا طنط خالص. ... وعلاجي لسه مدته طويلة
وبعدين دي خطوبة يعني... ودا هيفرحني

علا : بس مينفعش نعمل خطوبة في الوقت دا و ...

حياه بابتسامه : مينفعش ليه يست أنتي
أن شاء الله خطوبتكم تكون خلال الاسبوع دا ... عايزين نفرح يا جماعه ولا أنتو ايه رأيكم
ولو عليا أنا معنديش مانع ومش هزعل بالعكس

احتضنتها علا بشده : بحبك اووي يا حياه

حياه بحب : وأنا اكتر
فين اخوكي دا عشان نشوف معاد نحدد الخطوبة

يوسف وهو يدخل المنزل بابتسامته المشرقة
حد بيجيب في سيرتي

سمية بضحك: مراتك اللي بتجيب

يوسف بحب : لا طالما كدا ... براحتها

خجلت حياه منه وابتسمت علي الفور

يوسف بابتسامه: المهم كنتو بتقولوا

حياه : عايزاك تحدد مع الاستاذ حسام خطوبته مع علا بقا
عايزين نفرح

يوسف : بس يا حياه ...

حياه بملل : من غير بس ومتقوليش زيهم يا يوسف
أنا والله دا شيء هيفرحني
يالا كلموه دلوقتي وشوفوا يوم تنزلوا تجيبوا الشبكه ونعمل خطوبة

يوسف بابتسامه: أنتي تؤمري

ابتسمت له حياه
واخرج يوسف هاتفه واتصل بحسام الذي سعد كثيرا من ذلك الخبر فهو يود لو تزوج علا علي الفور
وحدد يوسف معه الخطبة بعد أسبوع