කේ පොප් පිරි අවුරුදු සිරි - 2022

Chapter 3

" දැන් අපි පවත්වන්න සූදානම් වෙන්නේ උද්වේගකර තරඟ වටයක් "

" ඒ තමයි අපේ කොට්ට පොර තරඟය " ජිමින් මයික් එක කැරකෙව්වා .

" හෙවත් පරණ කෝන්තර උත්සවාකාරයෙන් විසඳා ගැනීමේ තරඟය "

" එහෙනම් පරණ කෝන්තර තියෙන අය විතරද මේකට සහභාගී වෙන්න ඕනෙ ජිමින් ? " ජෙසී නාට්‍යානුසාරයෙන් ඇහුවා .

" නෑ නෑ අලුත් කෝන්තර තියෙන අය වගේම කිසිම තරහක් නැතිව ඉන්න අයටත් මේ තරඟෙට සූදානම් වෙන්න පුළුවන් " ජිමින් පැහැදිලි කළා .

" ඔය Music Bank එකේදි එහෙම දිනන පරදින ඒවට පලිය ගන්න පුළුවන් දැන් "

කොහොම කොහොම හරි සතුටු සිනා වගේම සතුටු කතා අතරින් කොට්ට පොර තරඟය ආරම්භ වුණා .

අතිඋද්වේගකර තරඟ වට කිහිපයකට පස්සේ අවසාන වටයට තේරුණේ සූහෝ සහ ජන්කුක් .

තැන් තැන්වල කම්මැලිකමට වාඩි වෙලා හිටපු කට්ටියත් පැනගෙන ආවේ අවසන් මහ සටන බලන්න .

ඒ වගේම BTS සහ EXO යන කණ්ඩායම් දෙකත් තමන්ගේ සාමාජිකයන් දෙදෙනට ඔල්වරසන් දෙන්න පටන් ගත්තා .

" කමෝන් හියුන්ග් , ඔය තඩි හාවට එකක් දමලා ගහන්න " කායි ප්‍රමුඛ EXO කට්ටිය සූහෝට චියර් කළා .

අපේ BTS කට්ටියත් වැඩේ අත ඇරිය පාටක් තිබුණේ නැහැ .

" හාවෝ අද ගුටි කාලා ගෙදර ආවොත් බලාගෙනයි " ජින් සහ ටේ දෙන්නම එක පාර කෑගැහුවා .

ජිමින්ටත් චියර් කරන්න වුවමනාව තිබුණත් එයා නිවේදකයා හැටියට අපක්ෂපාතී වෙන්න එපැයි නේද ?

ඒත් අපේ ජිමින්නම් සැලුණේ නෑ .

" යා තඩි හාවෝ අපි හැමෝගෙම කෑම හොරකම් කරගෙන කාලා දැන් හොඳ ශක්තිමත් ඇතිනේ ...දෙන්න හොඳ සටනක් කොල්ලො "

ඒ විදියට ජිමින් තව කෙනෙක් ගේ ගුටි දෙන්න ඕනෙ ලැයිස්තුවට අද දවසේ ජයග්‍රාහී ලෙස ඇතුල් වුණා .

#ජිමින්ගැම්මක්තමයි

ටික වෙලාවක් ඇදිලා ගිය ද්වන්ද සටන හමාර වුණේ ජන්කුක් සූහෝගේ මූණට දැවැන්ත ප්‍රහාරයක් එල්ල කිරීමේන් .