دردشة بنات بداية التزام 💚

فلسطين 2022؟!🙂✌

في البداية السلام عليكم 

هاي المرة رح احكي و اعلق ع شوية شغلات بخصوص الاحداث الي بتصير و صارت اليوم (أحداث الاقصى و فلسطين في رمضان 2022)👌 و معلش اذا في كلمات بكون بين احرفها مسافة لانو في كلمات ممنوع نشرها

و اه تذكير صغير الي بالصورة هاد مش المسجد الاقصى ولا المسجد القبلي الي لون قبته اسود هو المسجد الاقصى هدول جزء منه بس مش كله 👌

المهم👍

كلنا سمعنا من بداية شهر رمضان بالعمليات البطولية وبعدها احداث جنين الثورة و بعدها صرنا نسمع عن تمهيد لعيد الفصح عند اليهوو.....د و انو الكل مترقب شو بصير

اولا شو هو عيد الفصح هاد 🤔

هاد هو باختصار احد الاعياد اليهو...دية التوراتية و المقدسة عندهم و فيه بيعملو طقوس مقدمة كتير بس اهمها و اساسها هو ذبح القرابين و نثر دماؤه على قبةالصخرة

وهاد مش اول مرة ينعمل  بس دايما بيكون برة المسجد الاقصى بس كل سنة عن التانية بقرب مكانو اكتر لحد موصل السنة لداخل المسجد🙄 

و احياء هاد العيد معناه عندهم انو بداية لاحياء الهيكل المزعوم الي هو ع انقاض الاقصى طبعا ناهيك عن التدنيس الي حيصير بالمسجد الاقصى من نثر دم القرابين😠

و القرابين الي هن الخرفان او الغنم   و الجماعات الدينية حطو مكافات للي بقدر يذبح داخل لمسجد الاقصى وحسب تطبيق الشروط بتكون المكافاة

وهاد العيد بقعد 8 ايام بتبدا طقوسه الاصلية اليوم🙃

ثانيا شو بصير بالمسجد الاقصى🤔

الي بصير يخو انو رجعو الحواجز الحديدية و اعتدوا ع المصلين من صلاة الفجربالطخ و الق...نابل و الضرب و الاعتقال وما رحمو حد سواء كبير صغير طفل رجال ولا نساء طاحوا في كلو حتى الصحافة

و عملوا على اخلاء المسجد الاقصى بالكامل و دمروا المسجد القبلي و قبة الصخرة وصلاة الجمعة بس سمحوا للعجائز و بعض النساء و كسروا جميع العيادات المحاطة بالاقصى

ولحتى الان اكثر من 170 اصابة و 500 معتقل ربنا يشفيهم و يفك اسرهم 😢

و طبعا الفيديوهات وضحت الجرائم هاي و وثقتها👍

ثالثا احنا شو مطلوب منا نعمل 🤔

اول اشي كلنا بدنا نحط نية الرباط و الجهاد في سبيل الله💚

ولو كنت مقدسي روح ع المسجد الاقصى و اعتكف و اصمد ✌

و لو كنت من الضفة او اهل ال48 ف روحوا بالباصات لهناك و اصمدوا مع المقدسيين و الي منكم باقسام طبية يروح يلحق الجرحى🤞

ولو كنت غزاوي فاطلع مظاهرات و بلاش نشر فتنة و خليك واثق بمقاو....متك واذا بعيد الشر صار ح...رب اصبر و اثبت 

ولو كنت خارج فلسطين اخرج في مظاهرات و تابع القضية و اتعلم عنها و علم غيرك و انشر جرائم المجر....مين و فعل الهشتاقات و علي من معنويات اخوانك بفلسطين و بلاش كلام فاضي و احباط

و الدعاء اهم سلا....ح و هاد  بايدنا  كلنا و خصوصا الدنيا رمضان 🤲

و بس ك رد على بعض التعليقات المستفزة الي شفتها ع مواقع التواصل الاجتماعي 😑

الي بقعد يقول وين غزة و مقاومتهاااااا دايما بس بهددوع اساس الي خاصو 4 حروووووب و انتصرو فيهن هم الحيطان😏

و هاي النوعية لو كانت عايشة برة غزة مهي مكيفة ولو صار ح....رب مش رح يطولها اشي ولا تخاف يكون عندها شهي...د او تصير بلا بيت او عائلتها كاملة تحذف من السجل المدني 😶

ولو كانت بتعيش جوا غزة لو صار ح....رب بتصير تحكي دمرتونا و بدنا نعيد و ابصر شو🙄

و الي بقعد يحكي انتو دايما بدكو حد ينصركو و بتعرفوش تعملو اشي  ، بدي احكيلو هل انت اعمى ؟!!! افتح التاريخ و افهمو منيح بعدين تعال تكلم 😒

بعدين هاي قضية اسلامية قبل كونها قضية فلسطينية 😀

ولكل من يقول فلسطين ليست قضيتي 🙄

اجل فهي قضية الشرفاء😏💪

هاد اشي بسيط والي بدو يفهم اكتر يتابع الاخبار او يبحث و ح يلاقي كل اشي 🤷‍♀️

فعلوا الهشااق  #الأقصى_خط_أحمر ❤

و متنسوش تصلوا على النبي 🌹