دردشة بنات بداية التزام 💚

الخطوة الأولى 💗 الصلاة 💚

يلا نبدا نلتزم مع بعض 🌹
اول خطوة 💗
الصلاة 💚
لازم اول حاجة مصالحها أو نلتزم فيها هي الصلاة 💚 لانها صلة العبد بربه 😊
طب ركز معايا شوية ،انت لمن تسمع انك بدك تطلع مشوار مش لتقوم تجري عشان تجهز نفسك ،ولا لو كان صاحب هاد المشوار هو بنفسة الي قابلك انك تيجي عليه ومعطيك موعد،ولا تخيل انو هاد الشخص كان الو مكانة مرموقة أو كان رئيس ولا ملك ،انت اكيد رح تفرح وتروح ع المعاد بالظبط أو حتى تروح قبل المعاد بشوية عشان ما تتأخر ،فما بالك لو كان الذي يدعوك ملك الملوك 😍تخيل الله عز وجل يدعوك انت لتقابله 😍ويناديك ٥مرات في اليوم 📢 ألا تستحي أن تأخر الآية على النداء 😐
عشان هيك بدنا نتفق على أنه أول ما نسمع المؤذن بيقول الله اكبر الله اكبر 📢بدنا نقوم بسرعة وتركي اي اشي في أيدينا ونقوم نتوضا ونصلي 💛 وبالمناسبة للي حجتهم ما معنا وقت ⏰يا اخي حرام عليك ما بين ٢٤ساعة مش لاقي وقت لخمس دقايق بس للصلاة ،انا بقول بالبداية ما بدنا نوافل ولا اشي بس خمس فروض ،يعني ١٧ركعة ،لو كل ركعة بدها تاخد من وقتك دقيقة هي يدوب تلت ساعة بس وعشر دقايق وضوء كل مرة هي نص ساعة من اصل ٢٤ساعة 😐⏰وضايلك ٢٣ساعة ونص 😶..
طب السؤال أنا كيف بدى اخشع في الصلاة 💚 يعني في بقلك أنا ما بحس بطعم الصلاة ؟!!وما بقدر أركز فيها ؟! الجواب لانك بتسليمها بسرعة من غير ما تحس فيها (يعني زي ما بنقول سلق بيض او بتغزها غز) طب أنا كيف بدي اخشع ؟!ركز معايا شوية،ورح نبدا بخطوات لو نفذتها باذن الله ستشعر بالراحة في الصلاة، ودائما أسألوا الله أن يجعلنا من الخاشعين اللهم امين 👐🌿..

🌹الخشوع في الصلاه 🌹
اول خطوة رح نبدا مع كلمات المؤذن والاذان📣 ،اول ما نسمع الاذان بدنا نردد مع الاذان بس بهدوء ونركز في الكلام ونستشعر عظمة الاذان (طبعا رح نعيد ورا المؤذن في جميع ما يقول ما عدا بعد حي على الفلاح بنقول لا حول ولا قوة الا بالله العلي العظيم) وبعد ما ننتهي من الاذان رح نقول الدعاء الي بعد الاذان (اللهم رب هذه الدعوة التامة و الصلاة القائمة آت محمد الوسيلة والفضيلة وابعثه مقاما محمودا الذي وعدته) وطبعا بدنا ندعي ما بين الصلاة والإقامة ويا ريت لو كنا متوضيين عشان هاد وقت استجابة للدعاء (رح نعمل جزء خاص بأوقات استجابة الدعاء).
الخطوة الثانية الوضوء 🌊💧،استشعروا الوضوء ،وطب كيف هاد؟! أنا حاقولكو احنا لمن نتوضوا بالبداية لازم نحط النية (وهادي بالقلب او ممكن تتمتم فيها بس متسمعوش الحارة كلها 😁)وتاني حاجة انك تفهم انو انت لمن بتتوضا بتمحي الذنوب و بتحيطك هالة لحد الوضوء الي بعده ، طب هي كيف بتمحي الذنوب؟! انتي لمن تتمضمضي ٣ مرات في كل مرة بطلعي فيها المية من تمك بتطلعي كل الذنوب الي صار بسبب الفم واللسان(اتكبون في النار على وجوهكم الا حصائد ألسنتكم ،يعني انت هيك بتحاول انك تبعد عنك هذا العقاب وتخفر هذه الذنوب)ولمن تستنشقي ٣ مرات بتمحي الذنوب الي كانت بسبب أنفك ولمن تغسلي وجهك ٣مرات بتمحي الذنوب الي كانت بسبب وجهك و نفس الاشي لحد ما تخلصي وضوء،يعني انت لو استشعرت هذا المعنى حتفرح بالوضوء (وتحكي بينك وبين نفسك أن شاء الله ربنا يغفر لي الذنوب الي قبل وأيضا تعتبر تجدد توبة وتجديد عهد مع الله)(بس برضو هاد مش داعي انا نعصي ربنا وبقول محنا بتتوضا وبنغفر النا)وبهيك لتكوني مقبلة على الصلاة وانت مرتاحة 😌.
الخطوة الثالثة التكبير 👐،يعني لمن تقولي الله اكبر 💖خلي ربنا اكبر اشي بقلبك واتركي التفكير في أي اشي تاني.
الخطوة الرابعة دعاء الاستفتاح 🌱،يعني لمن تقولي (اللهم باعد بيني وبين الذنوب و الخطايا كما باعدت بين المشرق و المغرب،اللهم نقني من الذنوب كما ينقى الثوب الأبيض من الدنس،اللهم اغسلني بالثلج والماء والبرد)هاد رح يعطيكي مجال للتركيز واستعداد للصلاة،ولازم تقوليه بيقين .
الخطوة الخامسة التمهل في قراءة القرآن 📕📖،الشعور مرتبط بالاداء عشان هيك بتلاقي الخاشعين بيقرأو بتمهل ف احنا بدنا نعمل الأداء عشان بيجي الشعور ،يعني بدنا نقرأ بتمهل عشان نخشع ،وكمان تذكري أنه في سورة الفاتحة ربنا بيرد عليكي ،طب اسمعي الحديث القدسي شو بيقول "قال صلى الله عليه وسلم:قال تعالى:"قسمت الصلاة بيني وبين عبدي نصفين ولعبدي ما سأل،فإذا قال (الحمد لله رب العالمين)قال تعالى:حمدني عبدي ،واذا قال (الرحمن الرحيم)قال تعالى:أثنى علي عبدي ،واذا قال(مالك يوم الدين)قال تعالى:مجدني عبدي،واذا قال (اياك نعبد واياك نستعين)قال تعالى:هذا بيني وبين عبدي ولعبدي ما سأل ،واذا قال(اهدنا الصراط المستقيم صراط الذين أنعمت عليهم غير المغضوب عليهم ولا الضآلين)قال تعالى:هذا لعبدي و لعبدي ما سأل"انتي متخيلة ربنا بيحكي معاكي وبيرد عليكي وبعدين لو انتي كل ما حكيت أية بالتي في نفسك اه ربنا رد عليا بكذا فإنني ح تركزي في الصلاة وباذن الله تبقي خاشعة .
الخطوة السادسة السور القصيرة📑،انتي لو كل يوم حفظتي شوية آيات جداد وكررتيهم في الصلاة وكل ركعة تغيري الآية مش كلهم سورة الإخلاص غيري واحفظي وكرريهم في الصلاة عشان تركزي وتنتبهي بالصلاة.
الخطوة السابعة الدعاء💚،خصصي لكل سجدة دعاء مختلف ،ومثلا الفجر أدعية غير الظهر وهكذا (رح اعمل بارت صغير بالادعية الصغيرة الي ممكن نقولها بالسجود أو بشكل يومي).
الخطوة الثامنة خلي عينك ع سجادة الصلاة🎴،ومضلكيش تتلفتي يمين وشمال ركزي بصرك حتقدري تركزي.
💮وهاي خطوات بتساعدك انك تركزي بالصلاة وما تتلفتيش حوليكي وتقديري تخشعي فيها باذن الله 💮
📑الي بدو يتوسع بالموضوع بنصحكم بكتاب "فاتتني صلاة"جميل جدا 📑

وان شاء الله تقدرو تستفيدو وتحاول تطبقو واكتبو رايكو بالتعليقات.
والسلام عليكم ورحمه الله وبركاته 🌹