دردشة بنات بداية التزام 💚

نصائح هامة جدا للثانوية العامة 📚😀

السلام عليكم ..♡
بعرف اني طولت عليكم كتيير بس كنت ثانوية عامة
"توجيهي" بمصطلح فلسطين
و الحمد لله الله كرمني بمعدل 96.4 علمي
فإن شاء الله حأكلمكم عن ملخص هاي التجربة و نصائح بإذن الله تستفيدو منها  😁

🤠أول اشي هاي تجربة زبطت معي ولكل انسان ظروف تانية ف هو افضل شخص يحط خطته باليوم و يعمل جدوله و يختار عند مين يدرس او ملازم مين يحل

📌و طبعا كله بفضل من الله و المرحلة هاي بس توفيق من ربنا لانه ممكن في ناس درسوا اكتر مني لكن ربنا وفقني انا اكتر و كان هم الخير الهم بالمعدل الي ربنا كاتبه

📌اياً كان المعدل الي حتاخده فهو مكتوبلك من قبل م تنولد و هي أقدار ربنا
لكن ادرس عشان ما تندم و عشان ربنا طلب منك السعي للنتيجة مش النتيجة نفسها
و كان شعاري دايما بهاي المرحلة
" أنت مكلف بالسعي لا بالوصول "
ف اعمل الي انت مكلف فيه و توكل على الله و ادرس بقصارى جهدك و اتعب و ادعي ربنا كتييير و اساله التوفيق و الرضا

📌في مقولة لعمر بن الخطاب : لو اطلعتم على الغيب لرضيتم بالواقع
يعني سواء جبت المعدل الي بدك اياه او اكتر او اقل فهو هاد أفضل معدل الك
و انا سمعت ناس كتيير كبار وقتها ما كانو راضيين بس هلقيت بقلك الحمد لله اني اخدت هاد المعدل مش المعدل الي بدي اياه
لكن طبعا عادي في كتييير طلاب بجيبو معلات عالية و معدلات نفسهم فيها ( وهاد هو الخير الهم )
فدايما ادعي " اللهم اكتب لي الخير حيثما كان ثم ارضني به "

📌هاي المرحلة فعلا طوييلة و متعبة كتير و بدها نفس طويل عشان تكملها
لكن زي م عدت مع الي قبلك ف هي حتعدي معك
و ايااك تأجل قرار انك تمتحن و تستسلم لانها هيك هيك بدها تعدي هاي المرحلة من عنرك و تخلص
ف عديها بالوقت الي مع كل الناس احسن ما تستلم و ترجع تعيد المرحلة هاي من اول و جديد

📌ممكن في دول تانية يكون في ظلم للطلاب بالعلامات و هيك
لكن بالنسبة لطلاب فلسطين فببشركم انه حرفيا من اندر النوادر انه يصير فيه خطأ في علامة او معدل اي طالب
كل واحد شو ما قدم بيجيب
وانا معدلي كنت حاسباه بعد الاختبارات بالزبط و كتيير ناس حولي هيك

📌اذا سمعت عن حد درس كتييير و رسب مثلا، لا تحبط حالك
ممكن ما يكون بيدرس بالدرجة الي هو حكالك اياها او طريقة دراسته اصلا غلط
ف تعلم كيف تدرس صح
و أفضل اشي لهيك احضر فيديو " تعلم كيف تتعلم " لقناة دروس أونلاين لأحمد أبو زيد
و في العموم استغل الاجازة بإنك تحضر فيديوهات قناة دروس اونلاين عن الدراسة و الثانوية العامة و هاد اشي فادني جدا ، خاصة الفيديو الي شرح فيه كيف جاب الاول على الجمهورية و أكتر اشي فادني هي روتين ما قبل الامتحان في ضبط الوقت و التغلب على جزء كبييير من التوتر

📌عااادي جداا انك تتعب كتير و تعيط كتير و تدخل في اكتآب في هاي السنة لكن دايما هونها على نفسك لانها مش نهاية الكون و ثق في كرم ربنا و قوي ثقتك في نفسك