أنها مُلكـي ومـلاكـي

البارت الاول

وليان :  اشلونكم شخباركم  اليوم حجيلكم قصتي  قصتي اشوية غريبة لا مو شوية هوواي  اذا حجيتها مراح تصدكونها  واتكولن جذب وين اكو هيج  بس لا اكو اكو هيج قصتي مثلل الخيال اول شي حعرفكم على نفسي  اني وليان  عمري 18 سنة ادرس  سادس اعدادي  حلم اهلي اصير صيدلة بس اني اريد طب عام من بغداد  عندي اخت وحدة  واخ واحد  اني الجبيرة  لاهلي  ابوية مهندس  وماما مدرسة ادرس بالمدرسة وادرس بمعهد  انكليزي اختصاصها اختي ليان  لي هي اصغر مني عمرها 14سنة  تدرس متوسطة هاي اختي بالها ولايم الدراسة  كلة مكياج طلعة وطبة هيج تحب  وطبعا كلة تطلع من الاوائل وهذا الشي بفضل بابا  وماما والكتل هم ههه الة دور  لان اذا ميضربوها والله ولاتقرة  ولاتفتح كتاب   من الأحد لاربعاء ماما ادرسنة ومن الخميس لاحد  بابا هو لي يدرسنة طبعا اني هم  بابا وماما يدرسوني بس اني مانكتل مثل ليان  لان اني ادرس ماتعبهم والصغير مدلل البيت مصطفى  عمرة 3 ونص عندي عم واحد وعمة وحدة  وخوال اتلاثة   وخالة وحدة  اني احب شخص لي هو ابن عمي هذا العشك  اموت علية وهو هم ربينة سوة اني وياة  بنفس البيت بس هو اكبر مني  عمرة 25 سنة خريج  تربية   رياضيات   يدرس وياة ماما بنفس المعهد خلي اعرفكم علية وعلى اهلة......  بيت عمي محمد  اول شي عمي دكتور جامعي ومرتة ربت منزل ربت بيت  مخلصة اعدادي بس محمود عندة  خوات اثنين  واثنينهن مزوجات وهو الوحيد لاهلة بيت عمي كولشش علاقتنة قوية  وياهم  جنة عايشين بيت واحد بس بعدين عزلو اشترو بيت بصفنة حايط على حايط  وهم ناس تجي على ناس  اني اروح ابات يمهم من يجن خوات محمود   بحجة خواتة اشوفة  واحجي وياة هم   اما خوالي ماااحبهم مثل بيت عمي  علاقتي ضعييفة وياهم بشكلل  ضعيفة  اشوفهم بس بالاعياد لان عندي ولد خوال ومحمود افندي ميقبل  اروح.......... اجتي ايام السادس  ماما سجلتني يمها بنفس المعهد  هي ادرسني بلاش بالبيت لان امي ورياضيات محمود  وفيزياء وكيمياء وباقي المواد    بالمعهد ماما حطلي يم اساتذة  خوش تدريس  يدرسون  الاسبوع الجاي   حبلش اداوم بالمعهد   طبعا مدرسة ماكو لان عطلة صيفية واني  داقرة بيهة حتى اطلع معدل  اي المهم  جانت دنيا عصر واني استوني كاعدة من النوم والكفشة كفشة يايمة اخرع  فتحت عيوني   لكيت محمود فوك راسي عطت عيطة  يمكن حتى الجيران سمعو صوتي ههه الموقف جان خوف على فرحة  على حزن  من عطت هوو حط ايدة على حلكي   ظليت مصدومة عزا هذا منين اجة واشلون صعد كامت الاسئلة تتجمع و تفتر بعقلي   لان هو  من يجون يمنة ميصعد لغرفتي ابدد    هسة اشلون صعد  بلةةة............

محمود:  اشششش اششش خرب بأبوج فضحتينة

وليان:  وخرت ايدة من حلكي  وحجيت.....  شجاااابك 

محمود:  رجلي جابتني   شنو  شجابني

وليان:  محموود اشببيك اذا بابا شافك اهنا تصير مصيييبة مصيييبة  تعرف شنو مصيبة موو