أنها مُلكـي ومـلاكـي

البارت الثاني عشر

وليان: صافنة وافكر وروحي طالعة مثل السجينة ماكو فرق انوب اريد مي ماكو عطشانة وتعبانة وهو راح بعد مجاة ب3 اباوع على ساعة هو ماكو من اريدة ميجي بس من ماريدة الكاة فوك راسي مميتة علية بس اريد مي انوب اخاف يجي ويسوي شي من باب ماريدة يجي ومن باب اريد يجي حتى اكلة عطشانة والله عطشانة ظليت كاعدة ل4 ب5 وربع نمت....

محمود: الدنيا هوووسة يمنا ولد خوالها يكولون هربت وياة حبيبها يمكن واني كوة لازم اعصابي محمد صديقي واكف يمي وبس يهدي بية يكلي معليك عوفهم اتجاهلهم واني والله لو يعوفني اشوية الا املخ ولد خوووالها تملخخ وانعل ابوهم لابو ...... ظليت برة اليل كلة ندور والله ماخليت جامع ماخليت مستشفى بالشوارع ادور مثل المخبل مخليت شي مدورت بي وملكيتها كلبت الدنيا عليها فص ملح وذاب ظليت برة اني والولد وخطية هذا مهند كلساع يخابر طبعا كولش اختنكت بشكل مو طبيعي اني جنت قريب على امام الامام موسى بن جعفر الكاظم (عٌلَيَةّ آلَسِلَآمً) كلت بما انو قريب اروح ازور ارتاح اشوية ب5 الفجر رحت لامام اني والولد طبعا جان اكو واحد من ولد خوالها فد مسمووووم وجلب هم بس يشمر كلام وكل ما اريد احجي وياة جماعتي ميخلوني المهم رحت زرت الحمدلله والله اني بحضرت الامام يم شباك الامام وابجي بحركة وامسح بدموعي حتى محد يشوفني من جماعتي كولشي ماريد بس الله يرجعها والله كلبي فرفح عليها .... صلينة وزرنة والحمدالله وخلصنة وطلعنة من الكاظم (ع)ب 7و40 دقيقة بعدنة استونة طلعنة بالطريق راجعين لبيت خابرني مهند كال اكلك شلون صايرة مواصفاتها اني كتلة هيج وهيج كتلة ليش. كال لكيناها لعد هسة خابروني لاكين بنية بالشارع من كال هيجج اخخخ شصار بية كمت ابجي من كل عقلي ممصدك كال حخليهم يجيبوها لبيتكم غير كتلة اي ومنا انطلقنة بكلللل سرعة اتوجهنا لبيت خوفي لاتطلع مو هية يسووويها الحظ رجعنة لبيت لكيت مهند برة وكلهم جانو برة عمي وابوية وخوالها والكرايب المهم نزلت على سريع ورحتلهم...... هاااا بشرو وينهااا (بخوف وبلهفة)

مهند: هسة حيجبوها

محمود: زين انت ليش مجبتها

مهند: اني مادري عبالي رحت لدوام نص الطريق وخابروني كالو لكينة بنية هيج وهيج عاد خابرتك كتلك هي هيج مواصفاتها كتلي اي رجعت خابرتهم انطيتهم العنوان وكتلهم جيبوها انتو

محمود: زين عمي انتو ليش مرحتو خلي نروح احنة نجيبها اخاف يتاخرون

مهند: لايابة جاي بالطريق عشر دقايق ويكونو يمكم إن شاء الله ترجع بالسلامة

ابو وليان: امين(بتعب)

محمود: دخلي نروح احنة اخاف تطلع مو هي

ابو محمود: محموود شسالفة الرجال كال هسة يجيبوها

ابو جعفر(خال وليان): اني اول مرة اشوف هيج ابن عم يخاف على بنت عمة شنووو هل حنيةةة معرفتكم والله

ابو وليان: سلمانننن موووو وكتتتها(ابو جعفر يقصد اسمة سلمان)

ابو جفعر(سلمان): اعصابك عيني شكلنة

محمود: ظلينة فوك الربع ساعة برة ننتظر استوني داطب لبيت اصعد ابدل اجتي دورية الشرطة جايبيها و يااااريت مشفتها بهل حالة متربة وشعرها مكفش لافيها بطانية والله كوة لازميها عمي وابوية راحو عليها وعينها جانت علية اووف ظليت جامد بمكاني من شفتها كلهم راحو عليها اخر شي اني رحت استوهم عافوها لزمها عمي رسن وكعت من طولها شالها عمي دخلها جوة ومرت عمتي ملخخت نفسها عبالها ميتة اسم الله عليها وخالتها ونسوان خوالها التمو عليها يابة خلي تتنفس نصيح ميديرن بال الا عمي عصب كام يعيط ويصيح كلت ليان تجيب مي جابت مي انطيتة لاعمي غسللها وجها ماكو البنية متكعد سبحها بالمي وهي هي ولا فتحت عينها ولا رمشت اصلا رسن لفيتها زين وشلتها دطلع عمي خزرني

ابو وليان: محمووود

محمود: مدتفتح عيونها شنو نتظرها تموتتت حاخذها لمستشفى

ابو وليان: اني عندي ايدي واخذها. عووفهااا

محمود: مهتميت لعمي عفتة وطلعت رحت لسيارة اجتي مرت عمي تركض وراية وتصيح كسرت كلبي رسن كتلها تصعد اجتي وياة وعمي هم اجة لان ماعندة خيار بعد اخذتهم ونطلقت لمستشفى وجماعة افريقيا كلها وراية. جماعتي وخوالها والدهم وابوية وامي... الخ....الشوارع ازدحامات كوة وصلنة لمستشفى اجت دكتور حجينالة عن حالتها دخلوها طوارئ واحنة ظلينة على نار برة ابوية يرزل بية لان شلتها عود كدام خوالها. واني روحي طالعة ابوية وين واني وين اشوية وطلع الدكتور....

الدكتور: ماكدر استلم حالتها خلي تجي دكتورة تستلمها حالتها البنية رايحة منتهية متعرضة للغتصاب وللعنف الجسدي هم لازم تبلغون الشرطة...

محمود: صدمت عمري من سمعتة كال هيج

ابو وليان: شنو متكدر يعني شنوووو تعوفوها تموووت وين الدكتووورة جيبو دكتوورة

ام وليان: اغتصابب وعنف شنوو عزااا لعزاااني عزااااا

الدكتور: لترفع صوتك الله يخليك طول بالك هدي اشوية ثواني وحتجي دكتورة تابع حالتها

ابو وليان: استغفر آلَلَهّ استغفرالله

محمود: ضربة واجتي على راسي دخيلك ربي دخيلللك(احجي وافرك براسي) ... ورة اشوية اجتي دكتورة محجت شي رسن دخلت لغرفة لي بيها وليان احنة برة على نار وهي جوة اجة مهند خطيةة ماعرف اشلون اتشكر رحت اتشكرتة بفضلة لكيناها لو ماهو جان لحد هسة منعرف هي وين.....
بقلم / الكاتبة اية عبدالرحمن 🍁
تفاعلكم 🤍