{ وجودك لون لي حياتي و أنا من غيرك حياتي مالها ألوان }

الفصل الأول

من فضلك ضع التصويت إذا سمحت وشكرًا { الـفـ١ـصـل }
أتمنى أن تستمتع بالقراءة ، ( تنبيه : لا تدع القراءة تلهيك عن العبادات)

: يا بنات وينكم فيه !
: هلا هلا ، يبا اصبر باقي شوي و نخلص !
: يا ليل ذول المبزرة رايحين نسافر حنا مو كأن رايحين المزرعة
: عيب لا تقول كذا عن خواتك
: عاد يما وهو الصادق طولوا حشا عزة الله وصلنا آخر ناس
وهم قاعدين يتكلمون متذمرين نزلوا البنات مع شنطهم
: خلاص انتهينا وجهزنا لا تعصب أنت وياه !
: لا لحظة ، ماما ماشفتي نقابي الثاني ؟ ؛ ما احب ذا رباطه قصير ويالله ينربط
: نغموه اخلصي علينا
: فويرسوه خف علينا من عصبيتك شوية لا تسوي فيها معصب
: بس انت وياها ، اي يمه روحي شوفي غرفة الكوي تلقينه في الدرج الأول سيده قدام أول دولاب
نغم : شكرًا ماما شوية بس رايحة راده صاروخ أجيبه
مثل ماقالت راحت وجات سريع بس من سرعتها بغت تطيح لكن مسكتها اختها على طرف الدرج قبل الحادثة
: شوي شوي يا بنت *ضحك* السيارة ما بتطير عليك
: روفي شكرًا ، احس ياخي الحمدلله ما طحت وقسم شكرًا شكرًا شكرًا !
ريفال : العفو ، يلا سريع دخليه الشنطة ، خلاص يبا اعتقد انتهينا
الأب : يلا أجل انتظركم بالسيارة تعال يا ناصر نشيل باقي الأغراض اللي عند الباب ، وانت يا فارس جيب أغراض خواتك
ناصر و فارس : إن شاء الله / حاضر

و بعد ما خلصوا من حمل الأغراض داخل السيارة ركبوا كلهم وانطلقوا للمزرعة و أثناء ما كانوا يمضون وقتهم بالكلام و السوالف و غيره وصلوا أخيرًا بعد فترة زمنية مو قصيرة و لا طويلة

الأب : يلا يا عيال وصلنا المزرعة انزلوا و طلعوا الأغراض
نغم وهي تمدد ذراعيها بعد ما طلعت من السيارة متوجهة للشنطة : يا الله قوتك بسم الله
ريفال وهي تضحك عليها : امبيه نغيم شفيك ترى ما طولنا مرة بالسيارة ، وانتبهي لاتشيلين شيء انتي مو قادرة عليه
نغم : حبيبتي وش عرفك بالحركات هذي أنا الحمدلله عندي قوة اشيلهم كلهم لو تبين
فارس : أقول بس يا البزر خفي علينا اللي يسمعك الحين يقول عندها عضلات انتي صحن العشاء الجماعي ما قدرتي عليه تقدرين على ذول كلهم ؟ *ضحك*
الأم : الله يهديكم بس يا عيال مو وقتكم يلا خل ندخل الظاهر باقي محد وصل
ناصر : إلا يما شوفي جت سيارة عمي مشاري و عياله
ريفال : هي فروس تعال ساعدني نودي الشنط مع نغم ، ناصر خذ أغراضك انت وابوي وحقين فروس
نغم : الله وناسة يعني حوري قلبي جات ، امبيه سريع تحمست بعد ما نرتب أغراضنا أبي ألعب
فارس وهو يشيل الشنط مع ريفال : أقول يا أم عضلات خلصي ساعدينا بس وعقبها سوي اللي تبين

يـتـبــع...

—————————————