{ وجودك لون لي حياتي و أنا من غيرك حياتي مالها ألوان }

الفصل الخامس

—————————
سبحان الله وبحمده
سبحان الله العظيم

من فضلك ضع التصويت إذا سمحت وشكرًا  { الـفـ٥ـصـل }
أتمنى أن تستمتع بالقراءة ، ( تنبيه : لا تدع القراءة تلهيك عن العبادات)

تعالوا نشوف وضع (فارس) بعد ما نزل من الدرج
[ في الصالة الأساسية لقسم النساء ]

فارس بتذمر وهو متجه لباب الخروج : يارب صبرك على ذي الاخت الحمدلله ان ريفال عاقلة محنا ناقصين بزارين ثانيين بالبيت

وبينما هو متذمر ما انتبه للشخص الآخر اللي كانت وجهته الدخول

: ياربي نسيت الحين وينها ذي نغيم ماقالت لي اي غرفة أروح لها من زمان ماجينا المزرعة اف

كانت تمشي و على وشك الدخول إلا شوي وتطيح بسبب عباية الكتف حقتها الطويلة بينما كانت بالفعل خالعة حجابها وماسكه بيدها النقاب وشنطة يدها

وهو طالع قابلها بوجهه وسحبها نحوه قبل لاتطيح وبسطت هي على صدره تلقائيًا عشان ماتطيح..

فارس بقلق : انتِ بخير يا بنت صار لك شيء ؟
البنت وهي متفاجئة من الحدث : اي اظن يمكن معرف !
فارس ماقدر يمسك ضحكته واطلقها ناسي انها بين يديه : بالله كيف ما تعرفين ضحكتيني يا شيخة *ضحك*
البنت بفهاوه : صبر منو شيخة ؟ أنا اسمي مو شيخه اسمي حور
فارس واصل حده من الضحك انفجر بينما ابتعد عنها : ياربي بموت هذي شفيها

للحظات فقط قامت تضحك بعد ما استوعبت اللي قالته
حور بضحك وهي تناظره : ياربي توني استوعب قصدك اء اي انا بخير شكرًا..
فارس وهو يمسح دموع الضحك انتبه لحالته معها وهدأ وقرب منها شوي وسحب حجابها من حول رقبتها وحطه فوق راسها : اعتذر لاني ماغضيت بصري عنك يوم تدخلين بس زين لحقت علشان لاتطيحين يا حور *ابتسامة* بنت عمي مشاري صح ؟ أنا فارس ولد عمك صقر..

حور باستيعاب لحالها : وي نسيت حجابي.. امبيه شكرًا ! وصح اتمنى تنسى اللي صار تكفى لا تقول لأحد !

فارس بابتسامة وهو يصد عنها بطريق الخروج : ماعليك ماهوب شيء ينقال للعالم يلا تغطي زين عني و أظن ان اختي تدور عليك تلقينها داخل يمكن بعدها ماطلعت ولا كان صوتها مسموع من بعيد *ضحك* عاد مايحتاج تعرفينها انتِ

حور بإحراج بعد ما استوعبت حالها بالكامل : شكرًا فارس يلا مع السلامة شكرًا مرة ثانية !

وعقبها راحت داخل سريع واول غرفة دخلتها غرفة الحريم وهنا شافت نغم بعبايتها رافعة نقابها وخدودها محمرة بشكل ويدينها متكئة على التكاية حقت الكنبة ومبوزة تطالع الأرض

حور بنداء : نغم أنا جيت !
نغم بإحراج وصراخ : لا أهلًا ولا سهلًا
حور باستغراب : وي ليه وش مسوية لك أنا ؟
نغم : موب انتي إلا ا...

يـتـبـع...