{ وجودك لون لي حياتي و أنا من غيرك حياتي مالها ألوان }

الفصل الثاني

—————————
سبحان الله وبحمده
سبحان الله العظيم

من فضلك ضع التصويت إذا سمحت وشكرًا  { الـفـ٢ـصـل }
أتمنى أن تستمتع بالقراءة ، ( تنبيه : لا تدع القراءة تلهيك عن العبادات)

نغم : طيب طيب لحظة شوية برفع كم العباية علشان لا اجيب العيد

و شمرت عن أكمامها و راحت تساعدهم يدخلون الشنط داخل ، وعن الأم راحت تشوف أغراض المطبخ ، و الأب راح مع ناصر ياخذون أغراضهم لقسم الرجال مع أغراض فارس ، و بينما هم في نص عملهم تدخل معهم عائلة عمهم مشاري...

يلا نشوف داخل وش عند ( فارس ، ريفال ، نغم )
[ في الصالة العلوية الأساسية ]

فارس بضحك : اخس نغموه طلعتي تعرفين تشيلين الشنط بدون حوادث
نغم برفعة رأس : احم طبعًا يا حبيبي شعرفك انت فيني عاد بعدك ماشفت شيء
ريفال : أقول بس لا تطيرين فوق خلك تحت عن شوفة النفس هي فروس باقي بس شنطة وحدة جيبها من تحت الله يعافيك 
فارس وهو يأشر على عينيه : من عيوني هذي قبل هذي
وعقبها نزل تحت يجيبها عالسريع و ما تخطى الدقيقة إلا وهو جايبها
فارس وهو يضحك : يا شيخة وش ذي الشنطة الخفيفة بالله وش فيها ؟
ريفال وهي تجلس على الكنبة الموجودة : هذي يا حبيبي فيها البطانيات
نغم وهي تفكر : بطانيات... روفي جبتي البطنية حقتي؟ ما أذكر إني أخذتها ياويلي لايكون نسيتها كيف بنام بدونها !
ريفال بينما قربت من نغم ونقرت جبينها بخفيف : طبعًا جبتها انتي همك تجين علشان تلعبين مع البنات ماتشوفين كامل أغراضك
نغم وهي تضمها باندفاعة : بتخطى النقرة عالجبين و قسم أطلق اخت بالوجود أحسن من بعض الناس... *قالت وهي تناظر أخوها*
فارس فهمها و عبس : نعم خير وش ذي النظرات وش مسوي لك أنا هاه ؟!
نغم وهي تكتف يدينها وتنزل بشويش من الدرج : لا ولا شيء سلامتك بروح تحت أكيد عمي نزل ويا عياله ابشوف حوري
فارس بتنهد وهو يحط يدينه بمخابي ثوبه : يا الله صبرك على ذي الاخت
ريفال بضحك : فروس ماعليك منها بس ماتعرف ذي حركاتها ، وعاد من صجها يعني اعتذر بس من اليوم وانت ويا ناصر تستعجلون فينا
فارس وهو رايح ينزل : لا ماعليك بس مواعدين العيال نجهز المكان بدري قبل لا يجي الليل وانتوا شوي ويجي العصر بس زين لحقنا
ريفال ببعض الذنب : فروس زعلان منا علشان أخرناكم ؟
فارس بابتسامة : لا أبد ما زعلت هذانا الحين هنا ماعليك المهم انه وصلنا بسلامة
ريفال بابتسامة : قواك الله شكرًا على المساعدة

و بعدها راحت ريفال ترتب أغراضها بغرفتها وتودي شنط امها بغرفتها وشنط نغم بعد ، و عن فارس راح يساعد اخوه وابوه عقب ما سلموا على عمهم وعياله وخالتهم من امهم نفسها اللي هي زوجة عمهم.

يـتـبــع...