= تيجى نتجوز !
_ فالشارع !
ضحك = انا والله ماعنديش مانع .
ضربته فكتفه _ ماأنت اصلك ....بس بقي كسفتني
= طب اييه مافيش حدوته جديده.
_ عاوز !
= هرجع الاقى حاجه عظمه صح !
_ عايزه أبقى مشهوره زى الناس اللى هناك دى .
= وبعدين ؟!
_ ويبقى ليا 7 رويات و 5 كُتب .
تنح = ايه العدد الغربيب دا وأشمعنا ؟!
هزيت كتفى _ معرفش بس هو دا اللى جه فدماغى أول حاجه فقولته .
= وبعدين ؟!
_ ونفسى أروح معرض الكتاب وأخد ماما معايا .
= مش أنا يعنى ؟!
_ توء توء ماما ، عشان دايماً تقولى انتِ مش نافعه في حاجه هاتيلى ميزه وحيده فيكِ أو حاجه مُميزه بتعرفى تعمليها ولا فالحه فتعليم ولافبيت ولا فطبيخ ولا فأى حاجه !
بقي انا يابني مش فالحه في حاجه
= خالتي بتقولك كدا !
_ مش عارفه يأخى هى عوزانى أبقى فالحه فبيت ليه ، هو انا هقعد معاها طول العُمر مش انا هروح ع بيت حبيبى !
ضحك = طب وحبيبك دا هتعملى أيه فبيته !
ابتسمت _ حبيبى فالح فالبيت هو اللى هيعمل .
بادلنى الابتسامه = أعملك بعيونى والله.
سكتت فكمل = مش عاوزك تتضايقى علفكرا انتِ كلك مُميزات .
_ انا ماعنديش ميزه واحده أقابل بيها ربنا وانا عارفه .
= علفكرا عندك كتير جدا يعنى مثلا ..
سكت شويه بفكر ورجع يكمل = مثلا أسمك نور وانتِ عندك 20سنه ودى حاجه جامده ومحدش عرف يعملها .
_ انت عبيط يمحمود
أبتسم = حلمك جميل وهتحققيه .
_ وانت معايا !
مسك ايدى = وانا معاكِ
الحلم صعب وخصوصاً أننا فأرياف ، عندهم عادات اللى هو البنت المفروض محدش يعرفها غير البيت وناسه والخمسه سته اللى أحنا منهم وانا حلمى كبير ومن وجهه نظرى عشان تبقى كاتب ناجح ومعروف المفروض يبقى فيه تعامل مع الناس والمفروض تعافر لحد ما توصل وانا أصلا طاقتى يدوبك ..
: كنتِ فين ينور ؟!
_ كُنت مع حوده يماما .
: هو ساحرلك ؟!
_ هو مش هيبقي جوزى قره عينى مخرجش معاه ليه ؟ لاء مش فاهمه ليه .
_ابتسمت بغُلب : حُبك باين فعنيكِ يبنت بطني
ضحكت _ مش للدرجادى يمااما فيه ايه !
: فاكره يوم ما أتقدملك
_ مش فاكره لاء .
: مين فضل 3 تيام مبياكلش ومقضيها عياط بس !
_ يلا منى لله ضيعت 3 تيام من حياتى كان مُمكن أعيشهم معاه .
: ربنا يحفظهولك ، هروح أسخن الاكل قبل ما بابا يرجع.
مش جميله كفايه او يمكن عاديه ومجتمعنا ماشي تحت شعار " الحب للجميلات فقط" بس انا حبيت واتحبيت ، ويمكن أتحبيت من أجمل وأحن راجل فالعالم راجل ماشى بيوزع كلمه بحبها ع كل اللى يقابله ع بابا وماما وعم عبده البواب وطنط هاله بتاعت السوبر ماركت وصحابه وصاحبى .. راجل معلق صورى فكل مكان فمحفظته وفمادليه مفاتيحه وفأوضته ووسط ملفات شُغله المهمه ، هه راسملى بورتيه ومعلقه فالصاله عندهم ..
: قبلتيه ليه ؟ لحد دلوقت وبعد سنتين اهه ومش هيهدالى بال غير لما اعرف.
_ طيب وانا قررت أعرفك
: طب والله بتهزري
_ طيب خلصي الشاي وتعالى معايا البلكونه.
: اهه الشاي ..
اخذت نفس عميق و بدات احكي _ عشان حسيته.. لما جه اخر مره وبابا قالي لازم تقابليه وطلعتله معيطه وكحلي سايح وشكل وشي اعفن من وش جزمته كنت داخله ناويه اهزقه واللى هو اييييييه انت ما بتزهقش ؟! بقالك اسبوع نازل زن زن اول ما شافني معيطه اتخض وقام وقف كان بيعطيني مناديل وأيده بتترعش ومش عارف يعمل ايه فضل واقف لحد ما قعدت وقعد قريب مني
واتكلم = طيب ايه لازمه الدموع الحوار ابسط من كده ..
ما ردتش عليه فحسيته اتحرج ومع ذلك كمل= رفضاني قولي رافضاني .
اكلمت بأمل _ وهتمشي ؟!
ابتسم= بصراحه لا
وقتها يمكن حسيت انه بيحاول يطلعني من مودي ودي كانت اول مره حد يحاول يعمل اي حاجه عشانى ، فاوردى وبتلقائيه ابتسمت كان تعليقه على ابتسامتي
" يخربيت اللي يزعلك يا شيخه والله "
= يمكن دى اول مره تشوفيني فيها والاكيد اني اول مره اشوفك وايه الهبل اللي بقوله دا احنا جيران اصلا ؟!
_ يا ابني بقاا
= انتِ عاوزه ايه دلوقت ؟!
_ عاوزه اي حاجه في العالم الاك
= ايه السماجه دي اشمعنا انا يعني !
_ اهه اراده ربنا بقى تعمل ايه
_لا والله
ضحك = مجنونه ؟!
كملت _ انا نفسى الاقى حد يحبنى مش حد بتجوزنى لمجرد ان دى سُنه الحياه مش طماعه لدرجه أنى اقول عاوزه بطل يطلعلى من روايه ويبقى أحن عليا من نفسى و..
