السلام عليكم ورحمه الله وبركاته 💜💜
صلو على من جلس يواسي طفلا مات عصفوره
النهارده نزلت اسكريبت جديد
ياما الحقوني مش عاوزه اتجوز بقى ارحموني
ام همس : يابنتي انتي عندك 23 سنه وال من دورك خلفو واتجوزو وانتي قاعده
همس : على فكره اتجوزو الاول وبعد كده خلفو .وبعدين ياماما انا مش عاوزه اتجوز ولا اتنيل هم ال اتجوزو خدو ايه يعني
ام همس : خدو انهم اتسترو وخلفو وجابو لامهم عيال تملى عليهم البيت قبل ما اموت عاوزه اشوف عيالك يابنتي
همس : بقولك ايه جواز مش هتجوز وعلى العيال ياستي هجبلك خمسه سته ربيهم وهم سيلوكي كده طلما عاوزه عيال
ام همس : انتي هتموتيني نقصه عمر هتتجوزي واي عريس هيجي هتتجوزي علاطول
همس لنفسها : يادي ام الجواز ال عاوزه اتجوزه والناس ما ورهاش غير الجواز
بقولك ايه ياماما انا ماشيه وهريح دماغي من عريس الغفله دا ولما يجي اتجوزيه انتي سلام عليكم
خرجت همس لاكتر مكان بتحبه البحر اكتر مكان بتحس فيه بالدفئ ولامان
وهي واقفه شافت اتنين بيتكلمو رومانسي ومسكين ايد بعض
همس لنفسها : ياااه في حد كده في الزمن ده لسه بيحب كده شكلهم حلو اوي مشاء الله اللهم بارك ربنا يخليهم.الحب ال زي ده نادر جدا ودمعت
ادهم: انسه انا اسف اني سمعت حضرتك وانتي بتتكلمي هو انتي عندك حق في كلامك بس في ناس بتحب كده لسه وعندها حب زي ده بس مش لقيه الشخص المناسب ال يستاهل الحب ده
همس : بصت له هو انا اعرف حضرتك مثلا علشان تتكلم معايا كده وبعدين انت سمعت ليه ها انت بتتجسسي عليا ولا ايه ها انطق
ادهم : ايه ايه بابور واتفتح علينا ولا ايه اهدي كده شويه محصلش حاجه لكل ده انا كنت واقف هنا وسمعت كلامك وخلاص الحكايه
همس : بردو ه......انا اعرفك اصلا انا ماشيه ياعم انت ومشيت
ادهم : عم ومالو البت دي مجنونه فعلا بس حاسس كده ان في وراها حاجه ولازم اعرفها وهي قمر كده ولو في نصيب هقبلها تاني
همس : روحت وهيا ماشيه في الطريق
اقسم بالله واحد اهبل بس ما شاء الله كده واحد قمر ياللهوووي يا ناس
وعدي ايام وهمس وادهم ماحدش فيهم شاف التاني تقريبا لحد جيه يوم
همس : في نفس المكان العصر
الو يااسماء انتي فين.......طب مش هتجي.....احنا اتفقنا...انا هفضل واقفه كده.....يعني مش هتقدري تجي...خلاص يااسماء مش زعلانه سلام
في نفس الوقت ادهم كان ماشي هو واصحابه
لفت انتباه همس وهيا واقفه لبسه جيبه بنفسج جميله وعليها بلوزه بيضه وحجاب خليط من اللونين و ملامحها كان فيها شئ كده من الهدوء كان واقف بيبص قد ايه جميله جدا بالنهار وان القدر قدر يجمعهم تاني
وقف متنح كتير
كان معجب بيها حبها لسه مايعرفش
همس : كانت لوحدها وبدات تمشي لقدام وترجع ورا
ادهم : ساب صحابه ومشى راح لها وقعد جمبها قال : شكلك حزين اوي حد زعلك
همس : انا زعلان.... انت تاني ايه ياعم انت مالك ومالي وبعدين انت بتجي ورايا ليه ها
ادهم : ابوس ايد امك اقفلي عين البتوجاز ال فتحت دي خليني اتكلم شويه
همس : اكلمك بخصوص ايه انت مين وفجاه
ادهم : حط ايه على بوقها
اتخرسي بقي خليني اتكلم
انا اسمي ادهم عندي 27 سنه اعزب وبشتغل وبصراحه كده زهقان من الدنيا دي مليش صحاب قد كده ولا ليا زمايل في الشغل بيحبوني كله بيحبني علشان مصلحتي مش علشاني انا.بعدت عن اهلي بسبب مشاكل بتحصل عمري ما فتحت قلبي لبنت قبل كده ولا عمري اعرف معنى الحب كنت بتمنى الاقي واحده احبها بكل حاجه فيا اهلي اتحايلو عليا اتحوز كل واحده اشوفها زيها زي غيرها كل البنات الايام دي عاوزه تاكل تتفسح تخرج تلبس تتشيك وخلاص...
همس : بص له وسكته كانها بتقوله ليه بتقولي الكلام ده
هو فهم الكلام طبعا ال في عيونها
ادهم : انا عارف انك بتقولي لي انا بقولك الكلام ده ليه انا بقول الكلام ده ياستي علشان حبيتك ايوه حبيتك من اول يوم شوفتك فيه خطفتي قلبي بكلامك معايا ومنكشتك ليا حبيت كل حاجه فيكي ونفسي تكوني زوجه ليا
همس :
ادهم : ايه يابنتي تنحتي ليه كده الكلام مش عاجبك ولا ايه
همس : ......
ادهم : طب اي ريأكشن طب عيطي صوتي اي حاجه
همس : اممممم
ادهم : سال ايده اه سوري
همس : بوقي ياجدع انت مش بتحس حرام عليكي ده كله كاتم بوقي انت ما عندكش اخوات
ادهم : بسسسس هقفل بوقك تاني والله وبعدين اخوات ماشي هعديها وبعدين انتي رغايه ليه ها
همس : امممممم
ادهم : يارب ارحمني انطقي يابنتي بقا قولي اي حاجه
همس : من الصدمه من كلامه عاوزه اكل درة
ادهم : تنح نعم ياختي بقولك بحبك تقولي لي عاوزه دره انت عاميه ولاطرشه ولا ابه ظروفك
همس : بقولك ايه لسانك مايطولش عليا فاسكت احسن واعاوزه درة غير كده همشي
وقامت ولسه هتمشي
ادهم : خلاص تعالي وامري لله
همس : الله هات من دي بحبها اوي
ادهم ؛ خدي بس براحه علشان سخنه
همس : خلاص ياعم هات بس
ادهم : بيبص عليها وهي بتاكل وسرح في اكلها وهيا
همس : انا اسمي همس عندي 23 سنه وانا مش مخطوبه ولا متجوزه وخلصت كليه طبعا ودا المكان ال بستريح فيه ذي ما انت شايف بعشقه دا ال بيفهمني ويحسسني بالامان ليا صحاب بس بحب افضل لوحدي اهلى وخصوصا امي عاوزه تجوزني اي حد بس انا رافضه
ادهم : بس انتي رافضه ليه
همس : علشان في مواصفات شخص معين شخص يفهمني من نظره عين
ادهم : بس انتي حبيتي قبل كده يعني حد دخل قلبك قبل كده وبيبص على تعابير وشها
همس : كانت فاهمه نظرته ؛ اه الصراحه حبيت واحد مجنون والله وبيحب يراضيني باي حاجه ومش بيزعل من كلامي ونفسي اقوله اني بحبه
ادهم : كان حاسس ان الكلام مش ليه فزعل وكان ماشي طب انا ماشي وممكن نتقابل تاني
همس : حسيت بيه وكانت مبسوطه من جواها طب ممكن اطلب منك طلب اخير قبل ما تمشي علشان مش هشوفك تاني
ادهم : اه طبعا اتفضلي
همس : انا عاوزه اجري
ادهم : ال هو ازاي يعني مش فاهم
همس : يعني تجري ورايا او انا وراك او العكس
ادهم : ماشي طلما اخر مره خلاص انا هجري وانتي ورايا تمام
همس : يلا بينا وجرت
ادهم كان بيجري وهيا وراه وفجاه
همس ؛ ادههههههم اقف عندك استني
هيا بتجري وهو كان واقف وجرت عليه وحضنته
ادهم مصدوم بس مبسوط جداا وحضنها
همس : بحبببببك يااهبل
ادهم : يعني انا..هو..
همس : مش بقول مجنون والله
ادهم : بحبببببك يا مجنونتي
جمعنا القدر فمن يفرقنا
همسه قلب
#نورهان يسري
#ريحانه الجنه
اتمنى اشوف رايكم وتفاعلكم معايا واحب اعرف رايكم بعد القراه طبعا 💜💜💛💛
