لو خــيروني بـــين كــــل المخاليق
أختـاركـم يا أهــل النوايـا السليمة
.
.
ويبقى غلاكم في صميم المعاليق
وتبقــون رأس المال وأكبــر غنيمـة
.
.
.
.
بًقُلَمً أّلَکْأّتٌـبًهّـ 🌸
مروه حمزه ❤️
———————❣️
تالين: وصلنه للناصريه واني ميته خوف وابجي مخليه راسي على جامه مال سياره ودموعي تنزل حاره على خدي اني مكاني مو هنا شجابني وشنو ذنبي قابل اني الكتلته لو موتهه شسوي ياربي وشنو الي منتظرني وبين سلسة افكاري قطعني صوت الي اسمه ادهم
ادهم: هسه شلون بلوه هايه شنو هل ازدحامات وين تخلص والجو حار طووووط طووووط وخر ابن الكلب
عباس: على كيفك عمي كول يا الله البنيه تبجي ومختنكه راح تخبله
ادهم: عساها ماتت وشيعته بالجفن وخلصت منها وابتليت بيها هسه ما تسكت لا اخلي جيله براسك واخلص منك انت الثاني
عباس: سكتنه عمي سكتنه 😒😒
تالين: اسمع كلامهم واني ميته خوف شلون يحجون معقوله راح اعيش وياهم لو شنو وبين شوارع الناصريه دخلنه بفرع عريض وطويل وكفنه كدام باب جبيره اجه الي اسمه عباس وكلي
عباس: نورتي خويه انزلي للبيت ودخلي كدامنه
تالين: فدوه رجعوني البغداد والله خايفه وصرت ابجي حيل
عباس: انزلي لا تخافين لا يسمعج عمي ادهم وتترزلين
تالين: نزلت واني خايفه دخلت للبيت جان بنائه حلو جانت طرمه كلش جبيره توسع ثلاث سيارات وبصفها حديقه جبيره وحلوه واول مدخلت جان اكو باب كيلدور والمضيف دخلو بي الزلم والباب الثاني يطلع منه صوت نسوان فتحت الباب دخلت جان اكو ممر وبي غرف مدت راسه مره وكالت اجتي الفصليه وصارت هوسه حيل اجتي مره شويه سمينه مره جبيره دفعتني حيل وكعت وتعورت بضهري صرت ابجي حيل ليش هيج سمعت مره عجوز كالت
ليش هيج ويه البنيه هيه شعليها خطيه خلي الله بين عيونج ردتها المره الي دفعتني
... اسكتي ينوريه بس لو الزمها الا ما اخليها عايشه اخوها كتل ابني وجايه تعيش يمي من انعل ابوها لا ابو شرفه
نوريه: اسكتي ولج لا يسمعوج وينك فهد ولك فهودي تعال شوف اسون بحرمتك
فهد: ها يمه ما تخلصوني من المشاكل والله تعبان وراسي يوجعني اجه يصيح وما انتبه ال وجودي
نوريه: دشوف يمه الله يرضاها محمد يجن على حرمتك ويطگنه
فهد: ليش عمه اطگيه صدك اني لسه ما شفته هيه وينها
اندار جان يشوفني كاعده ولازمه ضهري ودموعي تجري
فهد : باوعت عليها طبعا اني اول مره اشوفها من عقدت عليها ما شفته لان هيه فصليه وابن عمي سجاد الله يرحمه ما عنده اخو ورادوا فصليه وعمي كال ناخذها ال فهد لان محد قبل ياخذها واني وافقت على مود اول مره يطلب مني طلب والخاطر شيباته (طبعا اني عمري 28 سنه واسمي فهد طويل وحنطاوي وجسمي مثل جسم اي شاب عراقي 😂..) شفتها مو بنيه غنبله الا اطك بالكاع بيضه ثلج والعيون عسل وكبار وكلهم دموع ومسحوبه الا اطيح الحيل عود سويت روحي ثكيل كدامها كلتله كومي كومي هاي ليش هيج كاعده
تالين: هاي المره دفعتني وكعدت تعورت بضهري
فهد: عمه ما الج شغل بحرمتي عوفيها لا تخليني هسه اكفر بيكم
المره دارت وجهه ما عاجبه الحجي 😒
تالين: دخلتني الي اسمه نوريه بغرفتها جانت غرفه عاديه بوفيه وكنتور بيها وجربايه ومشغله مبرده جان الجو حار حيل
نوريه: تعالي يمه احاجيج كم احجايه واعلمج اصيرين مره حوك لان لو بقيتي على هاي فهاوتج ما تعيشين وراح تبقين مكفخه بيد الرايح والجاي لان انتي اجيتي بنص ذيابه وسبع الى يطلع منه بخير
تالين :بيبي والله اني معليه همه جابوني وصرت ابجي
نوريه: ادري يمه لا تبجين هيه هاي حظج من الدنيا ومكتوبه الج والمؤمن مبتلى لازم تجتازين هذا الاختبار من رب العالمين
تالين :ان شاء الله الله كريم 😥
نوريه: انتي شسمج
اسمي تالين
نوريه: ياا هذا صعب ما يلفظ شنو من اسم شحلاته اسم صبحيه وحتى يلوكلج والله
تالين: ههههه ليش صبحيه مو صبيحه
نوريه: هم حلو مابي شي دكومي هسه بدلي واسبحي منا الحمام حتى تجين تاكلين راح يصبون غده
تالين: تمام
اخذت ملابس تراك احمر وبي اسود مخصر كلش حلو ويايه اخذ مشطي للحمام سبحت فتحت الدوش ودموعي تنزل ويه الدوش تعبانه مابيه حيل كملت سبح وبدلت بملل ومشطت شعري بالحمام ورفعته كعكه وطلعت شفت كدامي عمهم ادهم
ادهم: هاي شلابسه ما تستحين لابسه تراك كدامنه
نوريه: ما تعرف بعدها صغيره وهيه بنت بغداد همه هيج لبسهم ما تعرف بعادتنه هيه بنيتي واني اعلمه
ادهم: اي علميها وانطيها تلبس غير هل لبس لا تخليها هيج مفرعه كدام الشباب الي طابين وطالعين خووش 😒
تالين: بقيت صافنه هذا شبي عابت راسه جنه مربع هيج يحجي ميباوع على وجهه بالمرايه جنه بطل راني 🙄
نوريه: تعالي يوم اللبسي هذا الثوب اخذته منه ورحت للبسته واني وجهي مكلوب اول ملبسته دشداشه عريضه للون زيتوني مال عجايز وووف هاي شنو اني هيج اللبس كلت يلا شسوي لازم اتحمل طلعت جان اشوف فهد كاعد ومرتكي على مخده ينتضر بالغده ويحجي ويه ابن عمه يكوله اي الحمدلله على كل حال ان شاء. الله اول مطلعت باوعلي ابن عمي بقه صافن عليه يمكن شاف بعبع جان يعيط فهد بي يكوله .....
يٺبـ؏ ....🌸
————————–❣️
"قد يعشق المرءُ من لا مالَ في يده
و يكره القلبُ من في كفّه الذهبُ
ما قيمة الناس إلا في مبادئهم
لا المال يبقى ولا الألقاب والرتب"❤️
بّـقَلَمِ آلَكآتُبّـهِ 🌸
مروه حمزه 😊
احبكم ❤️
أنت تقرأ
يتيمة منذ صغري
General Fictionالقصه تتكلم عن بنت اهلها متوفين بعمر 4 سنوات وتروح فصليه بعمر ال 18 سنه بسبب ابن عمها وتواجه هواي متاعب ويا ترى راح تحب الشخص الي تتزوجه وراح تبقه وياه بعد المشاكل الي راح اصير قصه من ارض الواقع تابعو القصه حتى تعرفون التفاصيل ❤️🥀
