ﺷﺨﺒﺎﺭﻛﻢ؟
ﺣﺴﺒﻮﻧﻲ ﺿﻴﻒ ﻭﺟـﺎﻳﻜﻢ
ﺧﺪﺭﻭﻧﻲ ﺍﻧﻪ ﻭﭼـﺎﻳﻜﻢ
ﻳﻞ ﻋﻔﺘﻮ ﺑﻴﻪ ﺷﻮﻳﻪ .. ﻣﻦ ﻫﻮﺍﻳـﻜﻢ ..
ﻭﺍﺧﺒﺎﺍﺭﻱ !!..
ﻃﻠﻜﺖ ﺍﻟﻌﺮﺱ .. ﻭﻣﺘﺎﻧﻲ .. ﺧﻄﺒﺔ ﻧﺎﻳـﻜﻢ ..
ﺷﺤﭽﻴﻠﻜﻢ .. ؟؟
ﺷﺤﭽﻴﻠﻜﻢ
ﺑﺎﻟﺮﻳﻪ ﺿﻞ ﺍﭼﻢ ﻧﻔﺲ _ ﺑﺎﻛﻴﺖ _ ﻟﻮ ﻳﻤﻜﻦ ﺍﻗــﻞ ﻳـﺎﺍﺍ ﻣﺎﻱ .. ﺭﺩﻭﻭ .. ﺍﻋﻠﻪ ﺍﻟﺬﺑـﻞ .. !
ﻣﻦ ﻋﻨﺪﻱ ( ﺍﻧــﻪ ) ﺷﻜﺪ ﺯﻋـﻞ ..
ﻭﺍﻟﺤﺴﺮﻩ .. ﺑﻴﻪ ﺍﺩﮒ ﺭﺟــﻞ ..
ﺷﺸﻜﻴـﻠﻜﻢ .. ،؟
_ﺭﺩﻭﻟﻲ ﻓﺪﻭﻩ ﺍﻏﺪﻳـﻠﻜﻢ _
ﺭﺩﻭﻟﻲ ﻟــــﻮ .. ﻭﺩﻭﻟﻲ ﺭﺩ
ﺭﺳﻠﻮﻟﻲ ﻓــﺪ ﺟﻤﺮﻩ ﺑﻮﻋﺪ
ﭼﻮﻭﻧﻲ ﻓﺪ ﺣﺴﺮﻩ ﺑﻀﺮﻑ ... ﻟﻴﺶ ﺑﺮﺳﺎﻳﻠﻜﻢ ﺑﺮﺩ ! ﺷـﺤـﭽـﻴـــﻠﻜﻢ
ﻣﺘﻮﺿﻲ ﺑﻴﻜﻢ ﻳﻞ ﺍﻟﻨﺪﻯ
ﻟﻤﻮﻧﻲ .. ﻭﺍﻟﻤﻐﺮﺏ ﺑﺪﻩ
ﺷﻤﺮﻭﻧﻲ .. ﻉ ﺍﻟﻌﺘﺒﻪ .. ﻭﻓﺪﻩ
ﻭﻓﻮﻛﺎﻫﺎ ﻭﺍﻟﻠﻪ ﺍﺍﺍﺩﻋﻴــﻠﻜﻢ .
----------❣️
بِقِلَمَ أّلَګأّتّبِهِ 🌸
مروه حمزه 😊
تالين: نمت يم اسيل بعد حدييث طال لساعه 3 الفجر حجيتله عن وتين وشلون جانت حياتي وعن عثمان وكلتله انو اهلي متوفين خطيه ضاجت عليه حيل
اسيل: انتي جنتي تدرسين
تالين: اي ادرس اخذت شهادة الخامس واجيت لهنا فصليه ما كملت جان حلمي دكتوره
اسيل: ان شاء الله اصيرين احلى دكتوره
تالين: سكتت ماحجيت لان بالي صار يفكير شنو راح يصير بعدين ويا ترى راح ارجع الاهلي اني ما اريد ابقه هنا وبقينه نحجي ونسولف لحد متعبنه ونمنه
الساعه 6 الصبح
اجتي نازك كعدتني لزمتني من شعري وضربتني على ضهري وكالت اريد البيت يلمع لمع مو كتلتلي ابني وجايه تردين تعيشين والله لاهجج من البيت بنت السكط ما نعرف من وين شريفه مو شريفه جايه بنصنه
تالين: دفعته كلشي ولا اجيبين سيرة شرفي وعرضي على اللسانج اني ما ناقصني شي حتى تحجين بشرفي واطعنين
نازك: ياااا وتردين عليه ويطلعلج اللسان تعالي الا ادبج
جرتني سحبتني للمطبخ جانو كلهم نايمين حمت السجينه وخلتها على ايدي دفعته وحاولت بس ما كدرت حطته على ايدي ودفعتني وكعت بالكاع وصرت الطم على وجهي ولج ليش شمسويه اني والله ما قتلت احد والله ما الي ذنب ولج ماما ليش رحتي وعفتيني يا بابا وين رحت وعفتني بعدني اصغيره والله ما استاهل الي ديصير بيه مسحت ادموعي وكمت وكفت شمرت عليه الماسحه وكالت يلا امسحي بسرعه طبعا محد سمعني من بجيت لان المطبخ بعيد عن الغرف الي ينامون بيه منعزل
اخذت الماسحه طلبت كفوف ما قبلت تنطيني واصرت الى اشتغل بالقاصر خليت شويه واجتي هيه خلت هوايه اجيت مديت ايدي شاغت روحي حيل كرصتني وكلتلي يلا كملي شغلج
أنت تقرأ
يتيمة منذ صغري
General Fictionالقصه تتكلم عن بنت اهلها متوفين بعمر 4 سنوات وتروح فصليه بعمر ال 18 سنه بسبب ابن عمها وتواجه هواي متاعب ويا ترى راح تحب الشخص الي تتزوجه وراح تبقه وياه بعد المشاكل الي راح اصير قصه من ارض الواقع تابعو القصه حتى تعرفون التفاصيل ❤️🥀
