يتيمة منذ صغري

مقدمه

بطلة القصة
اسمي تالين عمري 16 سنة من بغداد كراده داخل اهلي توفوا واني بعمر 4 سنوات مواصفاتي بيضه وعيوني اكبار عندي غمازات شعري اسود وطويل وطولي 158 وزني 54

وتين: بنت عم تالين وعمري 14 سنه طبعا تالين ساكنه يمنه من ماتوا اهلها مواصفاتي حنطاويه وطولي 160 شعري اسود طوله وسط كلش احب تالين وعلاقتنه حلوه حيل مثل ما رح تشوفون بالبارتات الجايه

ياسر: عم تالين وعمري 40 سنه اني اتكفلت بتالين بعد موت اهلها

اشواق: زوجة ياسر يعني مرة عم تالين

عثمان : ابن عم تالين مواصفاته طويل جسمه حلوو مرتب حنطاوي وعمره 19 سنه

جوليان: صديقة تالين خلي انخليها هيه تعرفنه على نفسها لان متحمسه 😂 هلاو يا حلوين اني اسمي جوليان عمري 16 مسيحيه تعرفت على تالين وهيه صديقتي المقربه مواصفاتي بيضه وشعري قصير اشقر طولي 160 وزني حلو

هسه نجي العائلة عمو صالح متكونه من 3 بنات و 2 ولد احمد عمره 25 ومحمد عمره 23 وسدره عمره 22 كوثر عمره 18 حلا عمره 13

باقي الابطال نتعرف عليهم بعدين
.
.
.
الساعه 6:30 العصر

تالين: وييينج وتين راح نتأخر يمعوده بابا دايصيح يكول تأخرنه

وتين :اي اي يمعوده اجيت شبيج ميلحك واحد يكشخ ويبدل حتى يطلع حلو

تالين : ههههههه يلا عيني ست الحسن والجمال بابا ينتضرنه جوه بالسياره بس اوووف بسلا محمد موجود شكد يضوجني ويربكني

وتين: معليج بي تالين لا اضوجين وتصرفي طبيعي يلا حبابه لا تأخرينه امشي

تالين: يلا طلعت اني مأخرتج امشي

ياسر : هاي وينجن بنات شنو هل تأخير دائما نوصل اخر الناس مدكولن يا بابا شعدجن هوه جبه والبسها واطلع قابل عرس

وتين: عاااا بابا جبه شنوو لازم اكشخ واكون حلوه وجميله احلى من بنات عمي الباقيات حتي اكون بيرفكت

ياسر: غير تستقر انجلينا جولي ام الاتكيت والجمال

وتين: بااااباااا هههههه

وصلنه البيت عمي صالح دخلنه لكينه صايره هوسه واني ما احب الهوسه حيل اضوج منها سلمنه عليهم واجيت اريد اكعد كال محمد

محمد: هلاو تالين شلونج شنو ما متعلمه اسلمين لو الا واحد يعلمج
تالين: هلاو محمد ما شفتك اعذرني 😒

محمد: يلا يابه ما صار شي اكعدي اكعدي
كعدت بس ضوجني كلامه حيل ليش يفشلني دائما

وتين: تالين حبيبتي لا اضوجين هوه هيج طبعه عوفي خيولي بس اكلج باعي احمد يمه فدوه الجماله ( طبعا احمد مواصفاته اسمر وعيونه خظر طالع ع خواله وجسمه يخبل وعنده كفشه واللحيه 😂..)

تالين: اش انجبي انتي مو عيب هيج تحجين ودرت وجهي اضحك على وتين وكلامها على احمد

طبعا جانو موجودين بيت عمي صالح وكاظم واحنه واصحاب العزيمه بيت عمي ياسر ثواب الجدي

اكلنه وكملنه ولليله من العمر ضحك وشقه والناس الي انحبهم قريبين من عدنه وبنصهم والحمدلله ما جنت احس انو اهلي متوفين بس مرات ابجي عليهم واحن الهم

رجعنه للبيت ساعه 10 بالليل
تالين: اووف وتين متت تعب حيل هوسه بس جانت حلوه والاكل طيب حيل الدولمه فد شي كلش طيي

وتين: اي واحمد هماتين طيب اقصد البرياني

تالين ولج ام اللسان ولا تكعدين راحه ههههه ديلا حروح اسبح وانام باجر عدنه دوام
تالين تمام

رحت سبحت وبدلت لبست دشداشه قصير لون وردي حيل حلوه وكيوت ورفعت شعري كعكه لان الجو حار حيل ونمت كعدت ساعه 7 مخبوصه حيل طبعا اني صف ثالث متوسط كلش احب الدراسه ومتفوقه بيه اريد اصير دكتوره

تالين: خرب ما ضل وقت يلا وييييينج وتييييين اكعدي شبيج يمعوده ساعه 7 بدلت ولبست ملابس المدرسه وخليت عطر ولبست ساعتي ورفعت شعري ذيل حصان وصدريتي مخصره كلش حلوه طلعت اجنن كرصت اخدودي وباوعت ع نفسي واني مقتنعه وطلعت توجهت ع مدرستي

وصلت للمدرسه وجان اشوف صديقتي المقربه جوليان

تالين: صباح الخير يحلوه هاي شنو اليوم مصحصحه هههه

جويان: هلاو صباح النور هلا حبيبتي شلونج اي والله اليوم كلش ريلاكس

تالين: الله يجعل

دخلنه للصف جان عدنه اول درس رياضيات ومشى اليوم عادي

صارت الحله حلينه ساعه 1 ونص الضهر
اني ارجع مشي وحيدي بيومه صديقاتي عافني وتين مداومت ويايه غابت

دا امشي جان يمر كدامي ولد راد يفوت بالفرع باوعلي ومشه اني مدنكه وامشي ما رفعت راسي وصل للفرع
رجع اندار وغير طريقه صار يشمي كدامي بس ع رصيف الي بصفي امشي وهوه يمشي كدامي مهتميت اني ولا انتبهت الا ان وصلنا فرع اني عبرت الشارع وهوه هم عبر

دا امشي جان يتقرب من عندي
جنت رايح اشتري بس شفت عيونج سحلني سحل بويه مو عيون يوكعن اهل العگل
كلش ضجت من عده ونقرفت بس مجاوبت لان جنت كلش خايفه دجاوبي سمعيني صوتج الحلو مو موتيني
عندج برامج لو لا اجه راد يمسك ايدي دفعته ومشيت حيل هوه هم مشه ورايه وصلت يم محلات اكو ولد يعرفون بابا وصلت يمهم وصحت هذا الولد يتحرش بيه ولاحني من المدرسه لهنا لك هلا ولد منطقتي وفزعت كسروا راسه تكسر طيحو حظه خلو يكول توبه اذا اتحرش بنت ناس بعد

وصلت للبيت تعبانه حيل ما سولفت بس وتين وصارت تحجي وهلا وهلا بطوله وحلو لو لا عفته تحجي وكمت اسبح لبست تراك نيلي مخصر وسويت شعري ضفيره فرنسيه وكعدت اقره لان عندي امتحان ......

حبايب كلبي اني كاتبه جديده اتمنه دعموني
حتى توصل الروايه اتفاعلو ويايه والقصه بعد بيه احداث كلش هوايه حاليا بدايه بارت راح انشوف شيصير بتالين ولما تكبر شنو راح يصير ترقبو الاحداث احبكم باي ❤️