{{آسِيَرةّ دٍآعٌشُ}} آشُبًآلَ# بًآشُقُ

البارت الثاني

جي نعرفكم عن بطل القصة
باشق:-السلام عليكم انا اسمي باشق عمري 34سنة ضابط بالجيش العراقي صنف جهاز مكافحة الارهاب انا يتيم الاب عندي اخت وحدة اسمه روان ربتنه امي الله يحفضه ويستر عليه وتعبت علينه وضحت بشبابها من اجل انو تشوفنه لازمين شهايدنه الوالد الله يرحمه جان عسكري واستشهد طبعا ماجنه عايشين على راتبه فقط انما جان يملك الوالد اراضي واملاك وجان متمكن والحمدالله وجنه باحسن حال بس من بعد استشهد ساىت حالتنا عمي الي هو جان المفروض يصير النا سند صار النه عدو واخذ كل الاملاك باسمه ماجنت اكدر امنعه لان صغير جان عمري 16سنة تقريبا جنه نشوف عمي مدلل نفسه ومدلل اولاده وعايش برفاهيه بفلووس ابوي وخيراته واحنه اذا مطرت الدنيا نحتار وين نروح نبقى بالبيت ونتنكع شكد جنت استنكف واستحي وانقهر واعصب بس ماجان باليد حيله بالنهاية عمي وهذا حكم القوي عالضعيف اخير شي طك صبري
باشق:-يوم الى متى راح نضل هيج نشوف عمي عايش بخيرات الله واحنه ولد اخوو ليش ليشش يمه واحنه ليش مايفكر بينه ها ليش جا مايكول ابن اخوي هذا بالمدرسة ياهو اليجيبله ملابس ياهو اليدرسه حتى اختي ماضل شي وتدخل مدرسة يمه انا لازم اعوف الدراسة واشتغل علمود اعيشكم جا تضلون هيج
ابتهال:-ولك يمه فدوة ارووحلك ماالي غيرك لايمه لاتضيع شبابك علمود الشغل يمه غير هاي انا اشتغل يابعد امك ها جا ماكفي
باشق:-عيببب يمه عيب صررت رجال وشاربي خطط وصار يطلع واشووف امي تشتغل بالبيوت وانا كااعد عيبب حسي بنارر كلبي يممه
ابتهال:-يمممه لو اهيس (احس) هنا كبري ينحفر ماخليك تعوف دراستك هاي وصية ابووك يمه فدووة اروحلك يمه الشهادة اسلاح لاتضيع تعبي ياابعد امك هسه حتى لو بس انت تاخذلك شهادة تعينه
باشق:-دنكت عليه وباوعتله لاتخافين راح ابقى ادرس واشتغل لاتخافين امني يوم مادامني موجود محد راح يمن عليكم بعد راح اشوفلي شغيلة وبلكت الله الگى واشتغل بيه واعينج واعين نفسي وانا يتيم وابو الحسنين وياي هو ابو اليتاما مايعوفني ييمه
ابتهال:-يابعد عيوني يايمه الزهرة ام الحسن والحسين تحفضك وتمشيك على درب العدل
روح يمه الله يوفقك
باشق:-يلا انا طالع بسته براسه
ابتهال:-وين يمه بهالصبحية وين
باشق:-اشوفلي شغل يايوم اشوفلي شغل جا تردين اضل بالبيت مثل النسوان وتجيني الشغلة تمشي لازم اتعبله
ابتهال:-الله وياك يمه دير بالك على روحك ماعندي غير ييمه والله ماعندي بس انت وجه الله العالي
باشق:-لاتوصين حريص يوم
طلعت من البيت وبوجهي عالسوك بلكت الىه عسى ولعل الكالي شغله مريت على اسواق فتت عالعمال كتلهم وين ابو الاسواق موجود
العامل:-اي هذاك شتريد منه
باشق:-رحمه الله والديك تجاهلته وماجاوبته فتت سلمت علي
السلام عليكم
-وعليكم السلام
ابو الاسواق:-ولك انت مو باشق ابن الشهيد سالم
لو انا متوهم
باشق:-اي نعم عمي انا نفسي باشق
ابو الاسواق:-ياهلا ياهلا وسهلا تعال عمي تعال شلونك شلون صحتك كبران وطالع شاربك يبوك
باشق:-تسلم عمي الحمدالله بخير انتم شلونكم
ابو الاسواق:-الحمدالله احنه شلونه عمكم وياكم تعامله وياكم شلونه
باشق:-اووووف اووف خليه سكته عمي هو انا جاي هنا ادور شغل لين حالتنا لايرثى عليها اشوف امي تشتغل خدامه كدام عيني وانا بالبيت كاعد ادرس طك االصبر وكلت لازم اشتغل حتى لو يصير عليه ضغط دوام وشغل
العم:-انا اخووك والله ماتخيلته من عمك هيج يسوي غرته الفلوس وعايف ولد اخو هيج
باشق:-شسوي عمي بعد هو هذا قضاء الله وقدره هسه جايك اسالك اذا عندك شغل بلكت اكدر ادبر روحي واعين نفسي
العم:-والله يعمي انا لو بيدي جان شغلتك عندي واتشرف بيك بس انت شوفت عينك عندي هواي عمال وماحتاج شغل
باشق:-رحمه الله والديك عمي ماتقصر يلا ان شاء الله يحله ربي يلا انا اترخص بعد
العم:-اوكف جا شنهي ماناوي تسمع الحجي الراح اكوله عندي شغل الك وخوش يفيدك ويناسب وكتك انت دوامك صباحي كلت
باشق:-اي عمي صباحي وارجع ب 12
العم:-اهاا وانا لاكيلك شغل عند بيت الضابط راضي تعرفه لو لا يريدله شخص ينتبه عالحديقه ويجي يوميه ينضفه ويرتبه
ويبدي شغلك بالوحدة العصر وينتي بالخمسه حكم
باشق:-زين عمي بلا زحمه هم تعرف شكد الراتب
العم:-والله عمي بعد انت والضابط وشوف
باشق:-عمي بلا زحمه عليك ماتندلى بيته انا ماندلى
العم:-اي من عيني هيه بس خل اجيب الهدم وجاي وياك بعد عمك
باشق:-رحمه الله والديك عمي ماتقصر مادري شلون اردلك هذا الفضل
العم:-افه وانا عمك لاتتشكر ولاشي انت ابن صديج العمر وانا اعتبرني مثل ابوك
باشق:-تسلم والنعم منك عمي
العم:-والنعم منك يلا امشينه يبوك
باشق:-مشينا انا ويا لبيت الضابط واخذني اله اول مادكينا الباب فتح الباب شاب جان ملتحي يعني بعد بالعشرينات
عماد:-ياهلا وسهلا تفضل عمي ابو علي
ابو علي:-هلا بيك عمي ابوك هنا
عماد:-اي عمي تفضلو تفضلو لاتضلون واكفين بالشمس
باشق دخلنه واستقبلنه الضابط جان يطلع عمره بالاربعينات بنهايته
العقيد راضي:-اهلا وسهلا ابو علي تفضل ياهلا ومية هلا
ابو علي:-الله بالخير