{{آسِيَرةّ دٍآعٌشُ}} آشُبًآلَ# بًآشُقُ

البارت الرابع

اشبال دخلنه للبيت انا وجدي صايرة دنيا الغروبية واحنه ماحاسين
آلَجّدٍةّ:-يول ابو اسد اشو تأخرتوا انت وشبيله
الجد وهو يضحك:-ههههه السوالف اخذتنه يام اسد
اشبال:-اكلج حبوبة عود مشكورة وماتقصرين لان ماخليتي ابوي ضايج وينحرم من حب حياته كلته كدام عمامي جدي صار يباوعلي ويبتسم
الجدة:-شلون ولج جدة مافهمتج
اشبال:-مو ضروري اتفهمين حبوبة يلا انا اترخص اروح اصلي
الجد:-روحي بويه بس انزلي لان راح يصير العشا
اشبال وهي تمشي:-يصير خير كلته بدون مادير وجهي فتت للغرفة شفت الصورة الي بيه امي وابوي شكد اتمنيت اكون انا بنصهم اخذت الصورة ونمت عالجرباية واباوع احس بحسرة كلش جبيرة بگلبي وكلت
اشبال:-بابا ياترى لو باقي عايش راح تفرح بجيتي عالدنيا 😐 زين وانتي ماما ياترة لمن استشهد بابا هم كرهتيني وتمنيتي انو انا مو بطنج حتى تموتين هم دعيتي عليه زين هم حسيتي بيه انا شي نحس عليكم 😥
معقولة انكم نسيتوني بابا جدي يكول انت فرحت لمن دريت بماما حامل لعد ليش متت وعفتني انت وامي وكعت دمعه حارة على خدي طول هالفترة ماجنت رايدة اسمع شي عنكم ومن يجي طاريكم امشي علمود اقنع نفسي انو جدي وبيبي هم ابوي وامي وانو انا مو بحاجتكم بس هاي انا اول مرة اسمع شصار بيكم ماما الله عليج اذا انا سبب تفرقتج عن ابوي اسفه واعذريني ارجوج 🤦🏻‍♀️💔🥺
انتبهت لروحي شلون ابجي وانا من النوع الي دمعتي عزيزة حتى بيني وبين نفسي مابجي احسه عيب عليه مسحت دموعي وكمت غسلت وتوضيت وصليت وقرأت قرأن واخذت كتاب من الكتب الي اقراها ونزلت
شفت جدي كاعد وبصفه عمي وجاي يصبون تركت الكتاب على جهه وكعدت على جهه باوعلي جدي وابتسم رديتله الابتسامه

العم مشعل-شبلهم خايبة السنة الجايه ياصف
اشبال ضحكتله انا كاعدة بصفه عمي مشعل كلش طيب وحيوي وقريب عليه كلش ويحفزني لان هو الوحيد من عمامي مكمل ودارس كلية عسكرية حاليا رديت علي
اشبال:-ان شاء الله السنة الجاية رابع علمي بعون الله
مشعل:-عفية النشمية همي ايدج وصيري دكتورة على عناد هذولاك الناس
اشبال:-هههه الله كريم عمي الربك رايده يصير
العم حازم:-شتقصد ولك شعيلان
مشعل:-لا ماقصد شي اخونا الغالي
العم حازم:-عبالي والله
اتعشينا وكملنا وكعدنا كلمن ختل بزواية هو وموبايله انا الوحيدة الي متوفرلي كلشي جهاز ولابتوب عن باقي البنات بس اكثر اهتمامي الكتب اقرى بالكتاب ونسمع عمي وجدي يحجي وحبوبتي تحجي وي النسوان شوية ودگ جهاز جدي اول ماشاف الاسم وجهه انخطف او تكدرون تكولون تبدلت معاني وجهه مدري ليش فتح الخط
الجد ابوعشگ ((جد اشبال ابو امه))
:-السلام عليكم شلونك شيخ شلونك صحتك
الجد ابو اسد:-وعليكم السلام ورحمة الله ياهلا وسهلا بابو عمر الحمدالله احنا بخير انت شلونك شلون صحتك عافيتك
الجد ابوعشگ:-والله احنه بخير دامكم بخير يابو اسد اشبال شلونها صحتها دراستها
الجد ابو اسد:-الحمدالله بخير زينه هي ودراستها هياها كاعدة بصفي وتسمع
اشبال بتساؤل:-منو هذا دي
الجد:-جدج ابو عمر بويه يسلم عليج
اشبال:-بابتسامة الله يسلمه سلملي عليه وعلى الحجية شلونهم
الجد:-تسلم عليك اشبال وعلى الحجية وتكول شلونهم
الجد ابو عمر:-اييي شلونه يجدي انا هسه داگ علمودج وعندي حجي وياك يابو اسد وتكدر تكول طلب وماريدك تردني خايب
الجد:-تفضل ابو عمر ماعاش ولايعيش اليردك خايب يخوك
الجدابو عمر:-والله هالايام حالت الحجية منتكسة وراجعنا فيها الاطباع ما من فايده نصروف والصرف كلو يضيع عالفاضي
الجد:-له له اناا اخوك ماتستاهل والله ام عمر
الحجية:-ياا عزه شبيه المريه احجي يابو اسد
الجد ابو عمر:-وانا جايك بطلبة ام عمر طالبة تشوف اشبال وتكول اريد اشوفه كبل ماسلم امانتو
الجد:-لا لا عداها الشر تفاولو بالخير يابووعمر مو هيج كالوها عمرها طويل ن شاء الله
الجد ابو عمر:-ان شاء الله بعون الله وهسه انا طلبت هاي الطلبة واتمنى ماتردني خايب يابو اسد وادري السالفة صايرة موش خوش هاي الفترة بتكريت بس اتمناها منك وماريدك تخيبني
ابو اسد: افه وانا ابو اسد ماعاش اليردك وان شاء الله اشبال من الصبح باجر ادزه بيد واحد من عمامها يوديه يمكم انتم اخوالها والكم الحگ بيه هم
ابو عمر:-والله والنعم منك شيخ الشيوخ يابو اسد
ابواسد:-والنعم من شاربك يخوي
ابو عمر:-يلا انا بعد اترخص واعذرونه عالازعاج شيخ
ابو اسد:- ماكو ازعاج يخوك
اشبال فصل الخط جدي وبساع سالته:-جدي شبيه حبوبتي بيه شي احجي
الجد:-ياجدي لاتخافين مابيها شي بس هي شنهي شويه مريضه هاي الفترة وطالبة تشوفج وهالجدج دگ علية علمود نوديج الهم
العم حازم:-لا لا الضاهر هذا بي شي شنهي نوديه جا هي هيته والاوضاع غاد موش امان تريدنه نوديه ونجازف بحياته وحيات الياخذه
وهم اهل الغريبة صاير مايتأمن بيهم راس الشيعي صار ينباع بكاعهم صدك تحجي شيخ وانطيته. جلمة انت
الجد:-طلبني ورجال جبير وصاحب بخت وجبير گومه تريدني ارده عيب وفشل وموش من عوايدي وباجر من الصبح واحد ياخذ اشبال
العم حازم:-خطووة وحده ماخطي ولاتحرك وشيريد يصير خل يصير وكام وعافهم بحيرة
العم باقر:-والله يبويه انا تعرفني ماردلك طلب بس انا براي اكول حجي حازم كله صحيح ومابيه غلط وماراح اكدر اوديه كلشي يصير لذالك انا ايضا معارض
اشبال:-بقيت ساكته واباوع مجادلهم وعصبية جدي عليهم الى ان حجى عمي مشعل وهو يشرب جايه:-لاتاكل همه شيخ التريده يصير وباجر من الصبح اطلع انا واخذ اشبال ونتوكل على الله
الجد:-عفيه عليك بويه بس انت التاخذ الجلمة اخذه يوم وردوا لاتضلون غاد ترى الاوضاع مامش زينه
مشعل:-التامر بي شيخ يلا انا اترخص وانتي اشبال يلا كومي عمي نامي لاتضلين ترى باجر نطلع بالاربعة الصبح جندوب نلحگ
اشبال:-الله كريم
مشعل:-دعووفي الكتاب ومن احاجيج باوعيلي مو من طرفي عينج يالنادرة
اشبال:-اهوو هسه اجته الطنكورة اي عمي اي كايمه ها اها يلا اودعناكم اروح اغرمش (انام)
تصبحون على خير
الكل:-اجمعين
اشبال:-صعدت لغرفتي وانا عندي احساس كلش غريب قلق +خوف شك مادري كله اجتمعت براسي استعاذيت من الشيطان وطرظت الافكار من راسي ونمت الى ان كعدت على صوت حبوبتي
الجدة:-ولج اكعدي يالمكموعة عمج متانيج ضاع الوكت عنج اكعدي
اشبال:-طفرت لابربج وانا كلشي مالابسة
عالسريع ركضت عالكنتور طلعت بدي ابيض ونص تنورة رصاصي وفوكه قمصلة لون اسود قصيرة