{{آسِيَرةّ دٍآعٌشُ}} آشُبًآلَ# بًآشُقُ

البارت الاول

اشبال:-هلو السلام عليكم شلون اعرفكم عن نفسي اسمي اشبال وعمري 15سنة من محافظة الناصرية جدي شيخ عشيرة معروف انا يتيمه الابوين من مواليد 1999 ابوي ضابط بالجيش العراقي السابق استشهد بأحدى المعارك لمن جانت الوالدة حامل بية انولدت الشهر الثامن يوم 11 وكانت حالة امي جدا سيئة بوقته ومتأثرة بوفاة الوالد وتكدرون تكولون اتمرضت عليه مم بعد ولادتي بشهرين سائت حالت امي جدا وللاسف ماجان مقدر اعيس وي امي فماتت متأثرة بوفاة ابوي عشت يتيمة الابوين بس ماجنت احس بهذا الشي للن رباني جدي ودللني دلال وحبوبتي [بيبتي] والي حسيتهم اب وام الي مو اجداد فقط جنت قريبة جدا من جدي وتربيت وكبرت تحت رعايته وانا الامر والانهى محد يكدر يفك حلكه وياي مادام جدي موجود عدنا البنية ماتكدر تكمل دراسته وخااصه بيت جدي لان احنه شيوخ ويحسون هذا الشي عيبة بس جنت لمن اروح لبيت عمي مالك بغداد اشوف بنات عمي يدرسن وسمية الي هي بكدي صف اول فعجبتني الفكرة وطلب من جدي ادرس وضليت الحح وكل شوي وكلت جدي اريد اروح للمدرسة الى ان مل مني جدي وافق بس مادرس بالناصرية ختف تطلع عل عمامي سالفة فنقلني يم عمي مالك واستمريت وجنت كللش شاطرة واروح كل عطلة صيفية اكضيه يم اعمامي هناك بالبساتين اكضيه انا وجدي الي جنت اغلى شي عنده جانت هوابتي الصيد انا عندي موهبة القناصة واحب شي اسمه السلاح واهواه ومن النوع المنعزل مو اي شخص احاجيه هادئه يومي اخلصه لو بقراىة الكتب لو بالبساتين وي جدي واذا عندي دراسة اكضيه تحاضير ودراسة حاليا صرت صف ثالث متوسط وجاي اكضي العطلة بالناصرية يم اعمامي
الكاتبة:-والله عجبتني بداية حياتج ماتخلينا نتبادل😂😂لاجذب جذب يلا نبدي
اشبال:- جنت بغرفتي اقرى كتاب يخص علم النفس جان اسمه الكتاب الاحمر للعالم كارل يونغ تعبت من القراية وباوعت من الشباك دنيا الضهر شفت الساعة اللابسته امم بالوحدة سفطت الكتاب ونزلت جوى لكيت جدي وجدتي وعمامي حازم ومشعل وباقر كاعدين يحجون وداير مداير ولد عمي وبنات عمي يعني صايرة جمعه
باوعلي جدي وضحك
الجد:-هلا هلا بسورها ونورها اشرقت وانورت
حيدر ابن عمي باقر:-واسفررت بعد هم كملها بعد بيتي
الجد:-بخزرة حيدررر
اشبال برود:-الله بالخير
الكل:-الله بالخير والعافية
اشبال:-اشوف جدي اشرلي اكعد يمه اجيت كعدت بصفه شلونك شيخ شلون صحتك ان شاء الله بخير
الجد:-يبعد جدج الحمدالله زين شنو بوبه هذا كله نوم بغرفتج منهد اذان الفجر وانتي مختفية
اشبال:-ابتسمت وكتله لا شيخ شالقصة ماجنت نايمه بس اقرالي كتاب واندمجت ويا
زهير ابن عمي حازم:-هو انتي مكضيته هيج بس كتب عميي بطلووه راح تفضحنه بين الوادم

اشبال:-😏هه الله كريم
زهير:-انطوج وجه زيادة يابنت عمي اسد
اشبال:-😒لاتضل تشمر بالحجي خليني ساكته
الجد:-زهيررر
زهير:-صار شيخ اعذرنا انا اكوم اترخص
الجد:-وين ان شاء الله بهالضهؤية
زهير بهمس:-لجهنم
الجد:-شنو
زهير:-جدي للبستان طالعه روحي اودعناكم
الكل:-مودع
الجدة:-تعاي يمه تعاي اتغدي ضالة بلاية غدة سودة عليه مكضيته على هالكتيبات شيفيدنج ياحبوبه
اشبال:-كمت بصفه كعدت وحطت الصينية كدامي وابتسمت وكتله حبوبه الامام علي عليه السلام يكول:-(اطلب العلم من المهد الى الحد) والعلم نور والجهل ضلام يعني هاي الكتب راح تنور دربي وتفتح عقلي وتنمي فكل الفايدة بيه حجية
الجد:-والله ياشبال تذكريني بابوج
العم حازم:-كالعادة اي واحد يحاجيج تلبگينه بحديث هههه تذكريني بامج المرحومه اصلا ابوج اسد متهور امج هي العاقلة
اشبال:-ههه بلا من رخصتم ماتكلولي وين العاقل فهموني لان احتاريت ياهو العاقل الوالد لو الوالده
الجد:-بويه ابوج متهور الله يرحمه بس يحب يقرى الكتب بس امج عشگ الله يرررحمه جانت عاقلة ورزنه بنت شيوخ
اشبال:-ضليت صافنه واباوع على جدي واتذكرت اخوالي الي بتكريت امي تكريتيه فخطر براسي سؤال
اشبال:-جدي او كلكن ارد اسالكم امي مو تكريتيه شجابه لبوي
العم باقر:-🤣🤣🤣جا ماتدرين يعمي ابوج عشكه واخذه وسوالنا طلاييب
اشبال:-عكدت حاجبي وباوعت على جدي وحبوبتي وكلت صدك!! 🤨
الاجدادي:-الكلام كله صدك بس شعجب اتذكرتي وسالتي هيج سؤال
اشبال :-هيج بس لفت انتباهي وكمت شلت الصينيه وانا افكر شيه هه والله يبوي اثاري موش هين 🙂
ورجعت للصاله وانا صافنة
الجدة:-يااا حبوبة شجاج شو صافنة خير ان شاءالله
اشبال:-همم لا ماكو شي بس هيج حاي افكر بالكتاب الجنت اقرى
الجدة:-ويلييي ويليي ياسد ويليي
اشبال باستغراب:-خير حجية
الجدة:-جايمه مكضيته بس عالكتب شووفي الدنيا شوفي وجهج مبلوع بلع
حيدر: هههههههاي مبلوع بس بعلي طك بالكاع
اشبال:-تدري اول مرة تحجي حجاية براسه حض لوماتدري
حيدر:-هسه انتي تذميني لو تسبيني
اشبال جاهللته وكلت جدي
الجد:-هابويه
اشبال:-كمل جايج وخل نطلع للبستان بداعة اعزازك
فوزية مرت العم خازم:-ولجج جا انتي ماتستحين طالعه تعونجين شطولج
اشبال باستغراب:-بلا هسه عالطول فهمنانه بس تعونجين هاي شنو
الجدة:-راولج فويزيه جا انتي كلبج مايرتاح الا تسميين كلبه للبنيه هي وين طالعه للبسيتين هذا
فوزي:-جا هلبت تخلون زهيرة وخويرة يروحن وياها
الجد:-اشبال غير تعرف تاخذ مكانه انا مافرق بين احفادي بس انا اعرف اشبال زلمه موش بنيه وربيته بيدي وماكدر اردله طلب
حازم:-فووووزيه موو جنج نسيتي الاصول جا وانا هنا شنهوو تكلعين هذني شطوالهن وانا وينت
فوزيه:-يااا شجاك جا هسه هنه طالعات
اشبال:-استغفر الله يلا جدي تمشي
الجد:-بس خل البس خاجيتي وبيه وجايج نضهر [[نطلع]] سويه
اشبال:-همم خوش
طلعت برى بيت جدي كلش جبير وهو بالاحرى مو بيت انما قصر وداير ماداير البيت بساتين معزول عن القرية شويه بستان جدي مار بيه النهر فحلوو وبيه روح واذا ضايج تروح الضوجه ونعنش بس تشم الهوى صافنه ومرتجيه عالباب
وكال جدي يلا يبوج امشينه مشيت انا وجدي للبستان وكعدنا وصار يسولف عليه سوالف گبل وشحلاته من سوالف

الكاتبة:-الله😁خاايبه هنيالج لعد ليش انا هنا محصورة حصرت الجلب بالبيت🤦🏻‍♀️😁💔يلا هسه نجي نعرف عن بطل القصة شباببب

في مكان اخر 🤔🇮🇶
النقيب هادي:-دريتووا بهذوله الناس المنتشرين هاي الفترة بالموصل والانبار وتكريت وشلونيحرضون عالطائفيه والقتل
النقيب مرتضى:-اي سالفه انتشرت والاوضاع صايرة موش امان بالانبار وباقي المحافضات الذكرتهن يخووك جنهم ضاميلنه ضمه ذوله
الرائد جهاد:-اي قبل كم يوم لكو واحد من الضباط بالداخليه مكتول ومكطع تكطيع ومرمي كدام البيت عكب ماجان مختفي واهله يدورون علي طالع هو وربعه ومدري وين اختفى لامن شاف ولامن درى بعد اربع ايام اندك الباب وطلعت مرته جان تشوف جيس مرمي وذابينه بالباب وكله دم
واخيرا حجى البطل
الرائد باشق:-ولك وهاي الاخبار منين جايتك استاذ جهاد لو صاير اعلامي موش احسن
جهاد:-اي والله جنت افكر بالسالفه بس الوطن يريدله دم
باشق اي اي يريدله دم وهو يباوع عليه
هادي:-احنه بيا حال وانت بياحال وين جنت صافن
باشق:-وياكم وياكم يلا بويه انا اترخص اتاخر الوكت وهسه تلكى الوالده تلوب
مرتضى:-جا من تلتحق هم تسوي هيج
باشق:-ههه من التحق تدري بيه ملتحق بس من اتأخر وانا نازل حكه تقلق يلا اودعناكم
الكل:-مودع
جهاد:-وانا وياك اترخص
الكل:-الله وياكم

ستووووووب يلا كاافي ايدي طاحت 1093كلمة البارت الثاني ان شاء الله ازيد بس اريد تفاعل فدوة لعيونكم