ملاك تائهه

البارت 37

البارت 37✨❤️

بعد مرور أسبوع.....

مراد : وانا اعمل اي يعني ....

مجهول : اسبوع من ساعه ما خرجت من السجن وانت مش عارف تجيبهم لي يامراد انت هتستعبط

مجهول2  : انا غلطانه لما سمعت كلامك ان اخوكي ومراد  هيعرفو يجيبهم

مراد : اهدي عليا بس يومين كمان ويكونو عندك

مجهول ١: اخرك النهارده يامراد ....بكره هتصرف انا وحبيبت القلب هتكون أولهم لو منفذتش انت

مراد: ريم لا ...ريم لو اتأذت انا مش هرحم حد ولا حتي انتي ...

مجهول ١ : تاااامر انا لحد دلوقتي عامله اعتبار انو صاحبك وانت اخويا .. لاكن انت عارف اني مش باقيه علي حد ومفيش حاجه هتمنعني عن قتل ابن الرفاعي

مجهول 2 : وملاك الكلب ....وعدي ...

مراد :هو اي سبب كل دا عااوز اعرف ...

تامر : ميخصكش يامراد نفذ وخلاص يلا بينا ....

_____________*_________________*

ياسين : الووو صباح الخير ياحبيبتي

ياسمين: حبيبتك مره واحده...عاوز اي

ياسين : انتي فيييين

ياسمين: لسه خارجه من الفيلا راحه الكليه ...

ياسين: الاحمر هياكل منك حته ....

ياسمين بصت حواليها : انت فييين

ياسين : هههههه سيبك انتي تسريحه شعرك جامده ....

ياسمين حطت ايديها علي شعرها : انت هنااا ...
وبتبص حواليهااا ....انت فييين ياياسين ..

ياسين من وراها: قلب يااياسين ولله بحبك...

ياسمين بتبص علي الورد للي ف ايديه واتكسفت ومردتش....

ياسين : اي دا انتي بتتكسفي فين عم عبده البواب للي جواكي ...

ياسمين شدت الورد من ايده : هااات كدا الورد دا ....يلا ياسطا اجري علي اكل عيشك ...وسابته ومشت ...

ياسين لنفسه : ياسطا ...واجري علي اكل عيشي ...
البت دي اكيد من شبراا ...خدددي يابت.....وجري وراهااا....

ياسمين بتبص له  بتحاول تكتم الضحك : عاوز اي تاااني

ياسين: هوصلك ونتكلم شويه ....

ياسمين بتفكير  :بس عدي ممكن يضايق  ...مش هينفع..

ياسين : متقلقيش هوصلك وامشي علي طول ... وبعدين بقالي اسبوع مشوفتكيش ....

ياسمين بتردد : طييب .... وبعدين مانا كنت تعبانه ومش بخرج من البيت هتشوفني اززاي

ياسين: ماشي ياستي المهم انك كويس دلوقت ...