امتلكتي قلبي

خاتمه

بناءا عن طلابكم عملتلكم خاتمه اهو عايزه تفاعل جاامد بقي و حماس منكم

صباح يوم جديد

حور صحيت من نومها و بتبص قدامها كان في كذا بالونه طايرين واحده منهم علي شكل كاب التخرج و دي مربوطه في بوكيه ورد كبير  و تانيه  مكتوب عليه (( مبروك التخرج )) و دي مربوطه في علبه

حور ابتسمت بسعاده و قامت من علي سرير و راحت بسرعه تشوفهم و كانت مبسوطه اووي و موبيلها رم برقم امير ف ردت عليها

حور وهي مبتسمه....اي المفاجآت الحلوه دي .

امير ابتسم :كويس انها عجبتك

حور:لابجد حلوه اوي اوي اوي كمان

امير:طيب و الفستان اي رايك فيه

حور :لسه ماشوفتهوش بس اكيد هيكون حلو حور حطت الموبايل علي سرير و فتحت العلبه و طلعت الفستان و بصت عليه بانبهار الله يا امير يجنن بجد يجنن

امير:لازم تكون اميرتي احلي واحده في الحفله انهارده

حور بسعاده:انا بحبك اووي ياا امير

امير:وانا بحبك اكتر انا هروح اشوف شغلي بقي و اجهزي و جهزي الولاد بادري عشان نلحق حفل التخرج و مش نتاخر

حور :حاضر

في اوضه وليد و نسمه

وليد قاعد و فاتح اللاب بيشتغل عليه

نسمه قعدت جنبه و بصتله ....وليد .

وليد وهو باصص علي الاب ....اممم

نسمه : عايزه اتكلم معاك

وليد :اتكلمي انا سامعك

نسمه:لا بصلي

وليد :نسمه اتكلمي انا سامعك بس بعمل اتشيك علي ايميل قبل ماابعته اتكلمي

نسمه شدت منه الالب ....دي مابقتش عيشه انا تعبت انت حياتك كلها شغل و زفت وانا مش في دماغك خالص

وليد اتنهد :في اي يا نسمه اتكلمي.

نسمه:مين اللي انت متصور معاها دي

وليد :اها الحوار علي كدا يعني دي واحده في مابينا شغل

نسمه :واشمعنا صورك انت معاها

وليد :معرفش انا كنت في اجتماع معاها و امير كان معانا

نسمه بانفعال:يعني ايه ما تعرفش ليه ينزلو ان في مابينكم علاقه ليه مقالوش علي امير

وليد : معرفش يا نسمه معرفش

نسمه :وانت سكت و مش رضيت يعني كلام علي هواك هي عجبك مش كدا رد عليا عجباك روح اتجوزها يمكن تجبلك الطفل اللي انت بتتمناه و قعدت و عيطت

وليد قرب منها و لف ايده  حوالين  كتفها ....اقسم بالله ما بحب غيرك و لا عايز غيرك من دنيا