حور اخدت مي و دخلت بيها البيت و مي ماشيه تتلفت حوالين نفسها
مي : الله يا حور البيت شكله حلو اوي
حور :اه جداااا تعالي ندخل
ميرفت بصتلهم :اي دا مين دي
حور : دي صاحبتي
ميرفت : صاحبتك تقابليها باره هنا مش نادي بتاعكم دا
مي اتحرجت و بصت لحور بحزن
ميرفت : خودي البتاعه دي و اخرجو اقعدو في الجنينه يالا
حور كانت عايزه ترد عليها بس مفيش كلام يتقال لانه بيتهم هما و هي مجرد ضيفه ف اخدت مي و خرجت و كانت مضايقه اوي
مي باحراج ...حور انا اسفه انا همشي خلاص
حور :انا اللي اسفه علي موقف دا
مي بكسره: مفيش حاجه عادي
جوري جت : انتم قاعدين هنا ليه هو اه جو حلو و لاحظت ان حور و مي شكلهم متغير
جوري باستفهام : في ايه مالكم اي اللي حصل ؟؟؟
حور :مفيش
مي : انا همشي بقي انا كنت جايه اطمن عليكي و الحمدلله انتي بخير
حور : ماتمشيش خليكي معايا انا اسفه و لو كنت اعرف ان دا هيحصل انا كنت
مي: مفيش حاجه يا حور خلاص
جوري:هو في ايه مالكم في حد زعلكم
حور بانفعال : الحيزابونه اللي جواه دي مارضيتش تدخلنا البيت فاكره نفسها مين فاكره نفسها قاعده في القصر الجمهوري اللهي تولع بيه
جوري ضحكت:طيب اهدي طيب و فهميني اي اللي حصل مين كلمك طنط ميرفت ولا مين
حور:هي دي الحيزبونه
جوري ضحكت:حلو الاسم دا بس باردو مش فاهمه اي اللي حصل
حور حكت ليها اللي قالته ميرفت ....انا هروح اقعد في بيتنا احسن عشان قله القيمه دي و تشبع هي بالقصر بتاعها و قامت و هي منفعله و دخلت البيت
ميرفت : امال فين
حور : بوصي يا ست انتي انا محترماكي بس عشان خاطر انتي المفروض تكوني من عمر جدتي لكن سكوتي دا مش معناه اني مش عارفه ارد عليكي و بيتك عندك اشبعي بيه انا سيبهولك و ماشيه و طلعت الاوضه عشان تغير هدومها
مي بصت لجوري ....انا مش عايزه تحصل مشكله بسببي
جوري بتفكير:استني احنا هنستغل الموقف دا عشان نحط حدود
مي بعدم فهم : يعني ايه مش فاهمه
جوري:استني و اتفرجي
جوري اتصلت بامير كان لسه خارج من اجتماع و وقف مع وليد و اما شاف رقم جوري رد عليها
أنت تقرأ
امتلكتي قلبي
Ficção Geralامتلكتي قلبي يا صغيرتي رغما عني و اصبح روحي وقلبي ملك لكي وحدك هي متل القطه الصغير يالي تركتها امها في وسط الطريق تسير وحدها و اصبحت بسن ليلة و ضحاها تواجه هالدنيا لحالها بدون اي معين او شخص بجانبها
