امتلكتي قلبي

البارت 33

وليد :الموضوع مش محتاج شرح يا  معتز و راح لامير ووقف قصاده ....ليه يا امير تبص لمرات اخوك لللليييه انا كنت بقول امير دا اخويا مستحيل يعمل كدا كدبت مراتي و صدقتك انت و مجتش حتي سالتك عشان واثق فيك و خبطه في صدره لللليه انت اللي مفروض تحافظ عليها لييه يا امير

امير هز راسه بلا....اقسم بالله ما عملت حاجه

وليد :هي خلصت يابن عمي لحد يا خساره يا امير يا خساره مش قادر اعمل حاجه فيك بس انت نهيت كل حاجه مابينا

وليد اخد نادين ومشي و ميرفت بصالها بزهول و صدمتها ذادت اما نادين ابتسمت ليها

وليد اخد نادين و طلع الاوضه بتاعتهم و لم هدومه و هدوم نادين و شكل امير مش بيروح من باله كانت اخر حاجه يتوقعها ان امير يعمل كدا و بعد مده كان خلص لم كل حاجه و هو ماشي شاف صوره ليه هو و امير بصلها بحزن .... ليه يا صاحبي انت كنت اقرب ليا من اخويا اللي من امي و ابويا   كسرتني يا امير و كسرت كل حاجه مابينا و حدف البرواز في الارض فتته مليون حته

واخد نادين و نزل كان امير واقف يبصله و عنيه بتلمع فيها الدموع و مع كل خطوه وليد كان بيمشي فيها كان امير بيحس ان في حد بياخد روحه معاه وليد بالنسبه اكتر من اخوه و صديقه الوحيد

عز جيه يتكلم ميرفت مناعته و اخدته و طلعت اوضتها

عز بتوهان :  انا مش فاهم حاجه امير ااذاي يعمل كدا

ميرفت :ايوه امير مستحيل يغلط انا اللي مربياه و عارفاه كويس امير مستحيل يعمل كدا في وليد و هو مع الوقت هيفهم

عز:بس اذاي دا حصل انا هتجنن و مش عارف اتكلم مع امير علشان لو سالته هيفهم اني كدا بشك فيه

ميرفت:سيبهم يهدو الاتنين و بعد كدا نتكلم معاهم

عز:عندك حق ربنا يستر

ميرفت :دا انتي طلعتي مصيبه يا نادين ووقعتيهم في بعض بطريقه مش تخطر علي بال الشيطان نفسه

امير قعد علي كنبه و وطي راسه و حزنه مايتوصفش

معتز:امير

امير وهو علي نفس وضعه ....عايز ايه

معتز:اتكلم معاك

امير:انا مش هتكلم في الموضوع دا لو انت شاكك اتفضل حصل أخوك الباب مفتوح و سابه و طلع اوضته و حور طلعت وراه

جوري بصت لمعتز ....امير ما يعملش  كدا يا معتز انت مش هتسيبني صح

معتز :انا عارف دا كويس اطمني انا مش هسيبك و محدش فينا مصدق و كلما واثقين في امير وانا ماما و بابا موجودين اهو

جوري عيطت....طيب ليه نادين عملت كدا يا معتز ليه تتبلي علي ابيه امير ليه تشوه سمعته و توقع بينه و بين وليد ليه تهد البيت