عقيل. ولججج كح.... حقيره فوك ما ملفيج عندي صيحين على بنتي اليوم الى اربيج من جديد خاف محد مربيج ماحسيت غير بلحظه لزمني من ركبتي و عصرها حيل احس عيوني نطت ضليت اخرمش بي باضافيري تركني وكعت بالكاع ابجي رجع سحلني من شعري شاغت روحي متت كسرني تكسر وشمرني بلكاع وطلع وهذني الحيايه يباوعن ويضحكن اجت زهره يمي وكالت زهره. شوفي يحلوو اذا ما تمشين عدل يوميه هيج كتله معدله بس سمعي كلام ولا تعاندين ماشي ام زهره. ولجج زهره عوفيها تولي خليها تتربه بنت...
شمس. حلفت ما اخضعلهم واندمهم ع كلشي ورا م طلع هال**** الي يتسمى عمي اجن يضحكن عليه و ع منظري بشماته بغض النظر عن حجيهن الي يسم البدن بعد هالموقف والذل الي تعرضتله توعدتلهم بداخلي ونويت اخذ حقي من عيونهم بس حظي عكس وياي وكلشي انگلب عليه وصار الما حسبتله وطول الصار دمعه ما نزلت مني ولا احس بوجع الضرب بكد وجع گلبي وانا اشوف الي يتسمون اهلي هيج وياي تندمت لئن ما سمعت كلام حيدر وسافرت ويا وهسه حتى صوته ما يخلوني اسمعه وذا خابر علي يوكفون فوك راسي خاف احجي وكوله عليهم لئن بس احجي يضربوني وما اتحمل بعد خلوني حتى كلنس بشارع ابيع تعرضت لكلشي بلشارع هذا يسمعني كلام وهذا اليتحرش واسكت من خاف محد يصدكني وين جنت وين صرت رغم اهلي حالتهم كلش زينه وحيدر كل شهر يدز مصرف الي بس هذا اليسمه عمي جان ما ينطيني منهن شي وحسره علي الكل عشت بضيم ويا وسكتت مرت فتره ع هالموقف ومن يومه صرت انسانه ثانيه لا احس بضرب ولا اهتم لحچي لو شما يسوون بس الظاهر هالوحوش العايشه وياهم ناويين ع دماري بيوم چان محد بلبيت كلهم طالعين و بس اني بلبيت وچان الباب يندگ اول شي ترددت افتحه بس بعدين كلت هاي جورينا محد غيرها هيه هم حيه مثل هذني ودوم تجي يم مرت عمي وانسانه ابد مو زينه عائلتها مخلصانه منها ولا اني خلصانه منها المهم فتحت الباب طلع ولد هيج عمره بالعشرينات و انصدمت وبنفس الوقت تخبلت احس عقلي طار من شفت نفس الرجال ويا الي ضرب اخويه وبسببه انا هيج بسببه تيتمت وما بقالي احد ما اهتميت للولد الويا ولا للناس الي برا شريط حياتي من مات اخويه ويه لحد هسه مر ببالي لزمته من قميصه وصرخت حيل صرخة يتيمه فقدت اهلها وفقدت حياتها صرخة كل ذل انذليته من الناس هو چان جامد ماكو اي ردة فعل منه بعدين وخر ايدي ونتر بيه وكال ويييييين المسعد عمج مجاوبته جسمي كله احسه يرجف نار بگلبي من شفته رجعت سنتين ليوره ليوم موت اخويه دفعته حيل بكل ما املك قوه راد يوگع بس لزمه الولد الي ويا وصاح بيه خووويه صيحي الحجي محجيت ويا صرخت ع الرجال الله ياخذك لييييش كتلللته ليييش والله مو ذنبه ما سوووه شي انشالله تجررررب نفس الوجع ياا ضالم حسبي الله ونعم الوكيل بيك وتفلت بوجهه هو تخبل شكله عصب حيل بس ما بين شي گال بنبره غاضبه (( يصير خير هالتصرف راح اندمج عليه كل عمرج )) وبعدها طلع انا حيلي باد كل الذكريات رجعت عليه وگعت بالگاع اريد اگوم ما اگدر رجليه ما يعينني وگلبي يدگ حيييل ورهبه فضيعه صارت عندي ضليت مده ع هذا الوضع بعدين كمت ورا شكم ساعه اجو اجو بيت عمي بس مبينت اي شي الهم ولا حجيت بالموضوع مالي خلكهم واگفه بالمطبخ كالعاده وسمعت عمي يصيح عليه ولج شمس يا ساقطه يا بنت.... انعال واليديج اليوم بنت الخراا جان معصب حييل واني مجنت متوقعه راح يطلع عمي يعرفه للرجال وماخذ منه ١٤ مليون قبل سنه يعني ورا سنه من وفاة اخوي وابوي رحت للصاله گبل ضربني راشدي بكل قوته وگعت بالگاع ومرت عمي يمه واگفه و تخوزر عليه صاح بيه وگام يغلط ويفشر على اهلي عقيل. بنت الكلب ملفيج عندي وما خلصان من انعل ساعه الماتو اهلج وبتليت بيج يا ساقطه يا بنت....... شمس. العرفته الولد الي ويا هذا الكتل اخويه محاجي عمي وكايله وهذا سبب الخنزير قصدي عمي هيج سوه بيه عمي تغير بالصار گام ميطلع من البيت ابد هيج قليل ودائما متوتر وخايف طلع هذا رجال مهدده و هوه ضابط ويكدر يطلع كل سوالفه و مراقب عمي و مطلع كا سوالفه الموزينه ومهدده كلها وتعامله ويا اهل الملاهي وروحاته لهناك وطلع متعامل ويا مره عدها ملهى ببغداد عدهم جماعه يخطفون بنات ويجيبوهن الهم ويبيعوهن لأهل الملاهي او تاخذهن هيه وتنطي فلوس لو يبيعوهن لغير شخص وبالمقابل يتقاسموون الفلوس بيناتهم يجبروهن ع الرقص وانو تنطي نفسها للتجار واهل الرتب والشركات بالحرام وبالمقابل ياخذون فلوس ملايين عدهم جماعه مجرد يختارون بنات گبل ٠ ويجيبوهن الهم وهذا عمي الاسف
يتببع......
تراا البارت طويل هااا هااا 😁
فدواا تصويت حبايب 🥺💔
شنو ريئكم بلبارات اليوم ❤🌹
ترا اكو احداث بعد بس ما 😁🫣
ذكرته بهذا البارت على بارت 😍🐱
جاي اكتبها ونتعرف على بطل القصه 👍🏻🌹
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
